الله ينور.. انتقاء الفاظ مبهر الصراحةواضح أن الهيدروجين الاخضر هيبقي هو الهوجة الجديدة بعد الطرق ومحطات الكهرباء هل هو مربح لهذا الحد وما مدي استخدامه في المجالات المختلفة
خلقنا لنعترض هي مش الطرق ومحطات الكهرباء دية لخدمة الناس ولا لناس معينة ولا للسلطة ياجماعة خليكوا معتدلين حتي في المعارضةواضح أن الهيدروجين الاخضر هيبقي هو الهوجة الجديدة بعد الطرق ومحطات الكهرباء هل هو مربح لهذا الحد وما مدي استخدامه في المجالات المختلفة
هل هو مربح لهذا الحد وما مدي استخدامه في المجالات المختلفة
واستخدامه كوقود للسفن أيضاً والمصانعانتاج الكهرباء و وقود و الأسمدة دة اللى فاكره حاليا.
بس تقدر تقول كدة .... دة بديل البترول
البترول الجديد .... والهوجة دي هوجة عالمية بالمناسبة زي برضه هوجه الطرق والكباري اللي عالمية هي كمان وامريكية خصوصا بالمناسبة 😊واضح أن الهيدروجين الاخضر هيبقي هو الهوجة الجديدة بعد الطرق ومحطات الكهرباء هل هو مربح لهذا الحد وما مدي استخدامه في المجالات المختلفة
@Aymanop1522البترول الجديد .... والهوجة دي هوجة عالمية بالمناسبة زي برضه هوجه الطرق والكباري اللي عالمية هي كمان وامريكية خصوصا بالمناسبة 😊
بايدن يوقع مشروع قانون البنية التحتية وقيمته تريليون دولار
يهدف القانون إلى خلق وظائف في أنحاء البلاد من خلال إصلاح الجسور والطرق المتهالكة
من فضلك, تسجيل الدخول أو تسجيل لعرض المحتوي!
عاوزك تعرف مثلا ان الهيدروجين الاخضر هيبقى وقود لناقلات الحاويات العملاقة وده مش كمان ٤٠ سنه مثلا لا كمان خمس سنين ... وقيس على ذلك الطائرات و المصانع و كل ما يلزم من طاقة ..ومنطقة قناة السويس الاقتصادية هتبقى من كبرى مناطق صناعته اقليميا ..
الله ينور عليك@Aymanop1522
ايه رايك
بالظبطانا كده تمام 😃
هيدروجين اخضر .......... امونيا خضراء ................. ايه الحكايه؟
الحقيقه الموضوع كبير و متخطط له بشكل مثير للاعجاب ، بس الموضوع هيحتاج قراءه متأنيه
خلى بالك من الاسماء والتواريخ وبعد كده كمل
في شهر أكتوبر 2021 ، تم توقيع اتفاقية انتاج الهيدروجين الأخضر، كمادة وسيطة لإنتاج الأمونيا الخضراء، وذلك بين كل من صندوق مصر السيادي، وشركة "سكاتك النرويجية" للطاقة المتجددة، وشركة " فيرتيجلوب" الهولنديه الاماراتيه
فى مارس 2022 تقريبا وقعت مصر اتفاقية تفاهم مع شركة نرويجيه عملاقه لانتاج ما يعرف باسم "" الامونيا الخضراء "" باستثمارات تبلغ نحو 5 مليارات دولار
وبالامس ابريل 2022 وقعت مصر ايضا اتفاقيه مع الامارات لانتاج "الهيدروجين الاخضر " يتوقع ان تبلغ ايضا عدة مليارات من الدولارات
من شهرين بقى كان فيه اتفاقيه مع شركة المانيه لانتاج "" الهيدروجين الاخضر "" برضه بس من النفايات !! بتكلفة تصل الى 3 مليار دولار
وقبلهم اتفاقيات عديده ايضا لانتاج الهيدروجين الاخضر
فيه اتفاقات دوليه كتير بتلزم دول العالم بتخفيض انبعاثات الكربون ( اللى هو زى اول وثانى اكسيد الكربون يعنى واللى بينتجوا عن احتراق الوقود) زى اتفاق كيوتو 1997 ، اتفاق باريس 2015 ، وغيرهم والهدف الوصول لما يسمى ((بالحياد الكربونى)) فى 2050 ، يعنى بالبلدى كده يبقى كمية الكربون المنتجه من احتراق الوقود و غيره مثلا ، بتساوى الكميه اللى بيتم ازالتها ( من خلال النباتات او اى وسائل اخرى) ، وان ده ربما يخفض درجة حرارة الارض 1.5 درجه تقريبا و ده ربما ينقذ الارض من مصير مظلم بسبب التغير المناخى !!
الفحم ينتج 100% عوادم كربونية
والوقود الأحفورى (النفط يعنى ) ينتج 70%
والغاز 20%
والطاقة المتجددة والهيدروجين لا ينتجان أى عوادم !!
سبق ان شرحنا فى سلسله طويله خاصه بالغاز و كيف كان مؤثرا وعاملا اساسيا لفهم ما يحدث فى الوطن العربى خلال العشر سنوات الماضيه ، اهمية الغاز فى تخفيض الانبعاثات و اتجاه اوروبا الملتزمه بهذه الاتفاقات بشكل كبير ، للاعتماد عليه مع التوسع فى الاعتماد على الطاقه المتجدده
مصر بتنتج غاز حاليا و بتصدره ، و فكرت بشكل جاد انها تمشى فى اتجاه بيزنس البيئه المطلوب عالميا للوفاء بالالتزامات اللى بتفرضها الاتفاقات الدوليه اللى اتكلمنا عن بعضها
العلماء قالوا ان فيه بدائل لا تنتج اى كربون ، ممكن استعمالها كوقود ، اضافة للاستعمالات الصناعيه الواسعه الاخرى ، ومن ضمن هذه البدائل الهيدروجين الاخضر و الامونيا الخضراء
طب ليه اسمه (( اخضر )) ؟ اللون الاخضر دليل على انه غير مضر بيئيا ، لان ملوش اى انبعاثات كربونيه (( طوال مراحل انتاجه صناعيا )) !! ودى نقطه مهمه ، لان الطاقه المستعمله فى انتاجه لازم تبقى طاقه نظيفه برضه ، والا يبقى معملناش حاجه ( طبقا لمبدأ حفظ الطاقه ، فالطاقه لا تفنى ولا تستحدث من العدم يعنى عشان تنتج طاقه هتستهلك طاقه برضه بس فى صوره مش عارف تستفيد منها الى صورة اخرى هتفيدك ، ده بالبلدى يعنى زى ما بنحرق البترول اللى متخزن فيه طاقه و نحولها لطاقه حراريه ثم طاقه حركيه وهكذا )
طب ازاى بنصنع الهيدروجين الاخضر ؟
هتشوف فى الصور المرفقه الطريقه ، ببساطه المقادير هى
1--كهرباء من مصدر متجدد ( زى محطات بنبان بتاعة الطاقة الشمسيه او محطات طاقة الرياح اللى اتعملت و بتتعمل فى البحر الاحمر)
2--ماء ، يعنى مثلا مية بحر ( فاكر الكلام بتاع مصر موجوده على بحرين و ده ثروه عظيمه بتاع دكتور جودة؟)
و نحلل الميه بالكهرباء ، فينتج عنها اكسجين و هيدروجين ، الهيدروجين هيبقى اسمه هيدروجين اخضر وله استعمالاته الصناعيه و قابل للتخزين والاساله ( هيدروجين مسال) و يمكن نقله، ويمكن استعماله كوقود لانه قابل للاشتعال !
اغلب ما تم الاتفاق عليه من مصانع هيكون فى منطقة قناة السويس الاقتصاديه ، لان جزء من الهدف ، تصدير الهيدروجين الاخضر المسال فى ناقلات عملاقه شبه تلك التى تنقل الغاز المسال ، اضافة الى انه ممكن يستعمل كوقود فى السفن العملاقه اللى بتمر فى قناة السويس ! اضافة الى ان الموقع قريب من (( المياه )) اللى هى المادة الخام ، سواء من البحر الاحمر (لو فى السويس والسخنه) او البحر المتوسط لو كان فى بورسعيد او من القناه نفسها لو فى النص
طيب الامونيا الخضراء ؟
الامونيا الخضراء بقى تركيبها زى الامونيا العاديه NH3 يعنى نيتروجين و 3 ذرات هيدروجين
ايه مقادير تصنيعها ؟
1--هيدروجين اخضر ، ايوه ، اللى انت لسه مصنعه فوق ده ، هتبيعه بقى لمصنع الامونيا الخضراء !!
2--كهرباء من مصادر متجدده ( اتكلمنا عنها فوق)
3-- هواء عشان نحلله كهربائيا برضه ، وننتج النيتروجين ، وهتيبقى اكسجين وشوية نواتج اخرى ، ولهم استعمالات صناعيه وطبيه معروفه
طب ايه الغرض من الامونيا ؟
الامونيا اسهل فى التخزين بكتير واكثر اقتصاديه من الهيدروجين ، لانها الهيدروجين قابل لانفجار ، بالتالى هى اكثر امانا
برضه الامونيا لها استعمالات صناعيه كتير جدا ، بس مشكلتها انها غالبا بتيجى من الغاز الطبيعى ، عشان كده لو خدت بالك اننا بدأنا نعمل مصانع اسمده وبتروكيماويات اكتر لما زودنا اكتشافاتنا من الغاز ، لان الغاز هيبقى الماده الخام ، مدخلات الصناعه يعنى ، ولما نصنع منها اسمده وبتروكيماويات هنزود القيمه المضافه و نستفيد اكتر من بيعهم و نجيب استثمارات مباشره و دولارات ، ونشغل مواطنين ، ونزود صادراتنا ، وبالتالى نقلل العجز فى الميزان التجارى ، و تقل مشاكلنا المزمنه مع (( الدولار ))
واخد بالك من اللفه دى كلها
الامونيا الخضراء دى كده انت هتصنعها من مصادر نضيفه تماما ، وهتصنعها من الغاز قليل التلويث وبسعر اقل طبعا، واللى عاوز ده ياخد واللى عاوزه ده ياخد ، وانت اللى بتورد الاتنين !! ويوم ما الناس تبطل تاخد المصنوعه من الغاز هيجولك ياخدوا الخضراء ، و المصانع برضه بتاعة الاسمده والبتروكيماويات هتتعمل عندك عشان عندك الامونيا الخضراء ، الماده الخام اللى هم عاوزينها ومبتلوثش البيئه!!
الامونيا الخضراء ممكن تبقى مخزن هيدروجين اخضر ، اكثر امانا ، وسهل اسالتها ونقلها وتحويلها هناك لهيدروجين ونتروجين مره اخرى ، ولكل استعملاته الصناعيه ، والهيدروجين هيستعمل كوقود نظيف تماما !!
طبعا اغلب الاستثمارات دى احنا لنا حصص فيها ، وبرضه بتجيب مليارات الدولارات كاستثمارات مباشره على مدى سنوات ، و هيبدأ الانتاج فيها من اواخر 2025 او 2026 تقريبا و يمتد المشروع فى تطوراته ومراحله حتى 2030 ، عشان الناس الطيبه اللى متخيله ان المشروع من دول بيتعمل فى كام شهر و يالا يارجاله همتكم معانا عشان عاوزين شوية هيدروجين اخضر قبل دخلة المدارس !!
تقدر تراجع الموضوع من الاول ، هتلاقى ان مصر كانت عامله تخطيط دقيق جدا للقصه ، من اول موجة الاستثمارات فى الطاقه المتجدده ( شمسيه ورياح ) ، تحزين الطاقه فى جبل عتاقه ، والان الموجه الثانيه بتاعة ( الهيدروجين الاخضر ثم الامونيا الخضراء) ، ومينفعش ان الترتيب يتغير لان كل واحد مبنى على الخطوه اللى قبلها !!)
وبكره هتشوف الناس بتوع هو كل يوم طرق و كبارى ، هيقولوا هو كل يوم طاقه متجدده !!
بعض المصادر هتلاقيها فى الكومنتات لمن يرغب
#احمد_برهام
https://www.facebook.com/
تسابق دول نفطية كبرى زي الامارات والسعودية للدخول في شراكات كبيرة لانتاج الهيدروجين الاخضر يعرفك اتجاه سوق الطاقه رايح لفين .بالظبط
الهيدروجين ممكن يتعمل:
بالوقود العادي وبيبقى اسمه الهيدروجين البني
بالغاز وبيبقى اسمه الازرق
بالطاقة المتجددة و بيبقى الاخضر
الهيدروجين دا تاخده تستخدمه كوقود او تصنع منه الامونيا اللي ممكن تبقى سماد او وقود لكنها افضل من الهيدروجين لان الهيدروجين السائل ١٥٠ درجة تحت الصفر والامونيا ٣٣ تحت الصفر حسب مانا فاكر فنقلها وتخزينها اسهل بمراحل
اجمالي انتاج ٥-٦ مليون طن بداية من ٢٠٢٤
المليون طن امونيا خضراء ب ٥مليار دولار تخيل الكمية دية بكام تصدير واحنا لسة بنقول بسم اللهاجمالي انتاج ٥-٦ مليون طن بداية من ٢٠٢٤
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?