بالفعل هو ماشي في هذا الاتجاه وسط تجاهل امريكي كالعادة لما تفعله اسرائيل
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة الصراع الإيراني الإسرائيلي
- بادئ الموضوع Mohamed M78
- تاريخ البدء
- إنضم
- 29 نوفمبر 2021
- المشاركات
- 2,228
- مستوى التفاعل
- 7,387
- النقاط
- 18
- المستوي
- 2
- الرتب
- 2
دة حقيقى لكن متنساش شغل الإخوان و اللى هيتقال عننا ... احنا هنرجع لفترة السادات تانى ساعة اتفاقية السلام
باختلف معك مرة اخرى استاذي.....المناكفات على الميديا ووسائل التواصل الاجتماعي لا تعني ان مصر ستترك الخليج فريسة لايران لان هذا يهدد امننا القومي فمصر ستدافع عن الخليج اذا تعرض لضربات واضحة ومباشرة من قبل الايرانيين وهذا ليس حبا في الخليج فقط بل لحماية امننا القومي بمفهومه الاوسع والاشمل
اما عن المحورين او التيارين الذين تم تكوينهم في المنطقة وانكفاء مصر على نفسها داخليا فبالرغم من هذا مازالت مصر بتحركاتها ووضعها العسكري تمثل قوة اقليمية يصعب تجاوزها او اهمال تخوفاتها والدليل ان موضوع التهجير القسري فاشل حتى الان ومعبر رفح مصر رافضة فتحه الا بعد انسحاب اسرائيل من محور فيلادليفيا وايضا رافضة اي ادارة اسرائيلية له كمان وهذا يؤكد على تاثير الدور المصري وتقدير تحركاتنا بدقة واهتمام من قبل اللاعبين الاخرين
تحياتي لك واسف على الاطالة
من يحكم الان مصر لا يهتم لا الى الاخوان ولا غيرهم وانت عارف كدا كويس يا صديقي العزيز.....ما يهمني هو العمل على عدم تورطنا في اي صراع مباشر في هذه الفترة الحرجة التي تمر بها منطقتنا
تحياتي
موضوع التهجير فاشل لإنه يمس أمننا القومي مباشرة.
أما الدخول للدفاع عن دول الخليح في حالة حدوث أعتداء إيراني فأشك في ده بشدة. كانت مصر تدخلت في عاصفة الحزم! مصر يدوبك شاركت ب رف F16 و كام قطعة بحرية في باب المندب ورفضت التدخل برياً بشكل نهائي وده أدى لقطع أرامكو البترول عن مصر في أزمة شهيرة. مصر حتى مبعتتش بطاريات دفاع جوي وقت ما كانت صواريخ الحوثيين بتولع في خزانات بترول جدة!
الخليج يمثل أمن قومي لمصر أكيد. لكن تدخل عسكري مصري ضد إيران هيحسب عليك كمان إنك واقف في صف إسرائيل.
الوضع مختلف يا استاذي.....في حرب اليمن السعودية هي من بدأت الحرب ولم تتعرض لاعتداء خارجي مباشر لكن هذه المرة سيكون هناك اعتداء مباشر من دولة وليست ميليشيات الفرق كبير يا استاذي
- إنضم
- 10 مايو 2023
- المشاركات
- 3,505
- مستوى التفاعل
- 12,381
- النقاط
- 18
- المستوي
- 3
- الرتب
- 3
رئيس الوزراء صرح من يومين ان مصر مش هتحارب لحد ومش هتتدخل عسكريا غير لو تم التعدي على السيادة المصرية
فاكر عندما هاجمت ايران الامارات بالصواريخ ساعتها الرئيس السيسي توجه الى ابو ظبي للتاكيد على التزام مصر بالدفاع عن الخليج اذا تعرض لضربات مباشرة
امننا القومي بمفهومه الاشمل بيحتم علينا الدفاع عنهم اذا تعرضوا لضربات مباشرة من قبل ايران
تحياتي لك صديقي العزيز
بالظبط.
فوق المشاكل الداخلية، مصر عندها جبهتين مفتوحين في الجنوب في السودان المنكوب وفي الصومال. ومع نهاية السنة ووجوب سحب القوات الاثيوبية من الصومال قد يحدث في الأمور أمور. مصر مش هتفتح كمان جبهة شمال شرق.
انت مش هتفتح جبهة جديدة انت ممكن تكون مجبر على هذا لو تطورت الامور وتعدت الاطراف الخطوط الحمراء فيما بينهم
- إنضم
- 18 نوفمبر 2021
- المشاركات
- 6,592
- مستوى التفاعل
- 32,392
- النقاط
- 28
- المستوي
- 6
- الرتب
- 6
خليج مين اللي نسيبه ده أحنا نفشخ إيران وأبو إيران واللي يتشددلها ومصر كانت واضحة معاهم تماما
أهلنا وأحنا أولي بيهم طبعا
وقت الجد مفيش خلافات يا جماعة ده هيبقي صراع وجودي
- إنضم
- 10 مايو 2023
- المشاركات
- 3,505
- مستوى التفاعل
- 12,381
- النقاط
- 18
- المستوي
- 3
- الرتب
- 3
كلامك مجملة مظبوط ومتفق معاه لكن اظن وقت الجد مصر مش هتتأخر ابدا انها تشارك في الدفاع عن الخليج لو طلبوا ودا لاعتبارات كتير جدا (بغض النظر عن المناكفات وشغل العيال واللجان)
في اوقات الحروب في حسابات بتختلف ودا اللي خوف ايران وخلى وزير خارجيتها يجي مصر علشان يضمن حيادنا وقبله بيوم محمد بن سلمان علشان يشوف موقف مصر ايه
- إنضم
- 18 نوفمبر 2021
- المشاركات
- 6,592
- مستوى التفاعل
- 32,392
- النقاط
- 28
- المستوي
- 6
- الرتب
- 6
بالظبط أحيك علي وعيك والله 😘😘😘
امننا القومي بيبدأ من الخليج......انا عارف ان المناكفات على الميديا بتجعلنا نتعصب لبلدنا فقط وهذا حقنا طبعا لكن امن الخليج هو امن لمصر وتامين جبهة الخليج مهمة جدا لنا امام اطماع ايران التوسعية
املي كان في ترتيب الاوراق ما بينا و ايران وتركيا فيما يخص ملفات المنطقة لكن احداث 7 اكتوبر الكارثية لخبطت كل الاوراق وربما تجعلنا اكثر حزما فيما يخص اي اعتداءات على الخليج
تحياتي لك يا هندسة
أنا اكيد ميهمنيش شغل المناكفات واللجان. لكن جدياً في 21 قاعدة عسكرية أمريكية في الخليج والأردن. ايه اللي ممكن تضيفه مصر عن أمريكا!
في خلال كام يوم هتوصل مجموعة حاملة الطائرات هاري ترومان شرق المتوسط ومعاها مدمراتها ايرلي بيرك!
مصر هتبعت ايه لو تم ضرب قواعد خليجية أو مصافي بترول؟ مقاتلات وبطاريات دفاع جوي! هيكونوا أحسن من الباتريوت أو الثاد أو SM أو F-18؟
حتى لو مصر بعتت أي حاجة فهتكون مشاركة رمزية زي عاصفة الحزم. مصر لديها ملفات أهم في الجنوب تمس أمنها القومي مباشرة في العمق!
مع إسرائيل حاليا بكل الدعم الغربي الأمريكي مفيش حاجه مستبعده..
ربنا يسترها ...
والمقابل ايه ياهندسه ؟؟؟؟؟
اقتصادنا اللي هيتأثر اكتر ،شوف انت عايز تضحي ،بس هما شايفين أن ده حقهم وواجب عليك تدافع عنهم لمجرد انهم ساعدونا في فتره .
وبعد كده بح خلاص توقفوا لمجرد انك اعترضت علي اسلوبهم اللي هما عايزينه ...
وياما كان فرص اكتر ومبادرات لعمل تكتلات عسكريه واقتصادية.
ولكن غرورهم وخاص الطفل المعجزه هو من وضع الجميع في هذا الموقف .
وياريت في حد طلع كسبان .
- إنضم
- 10 مايو 2023
- المشاركات
- 3,505
- مستوى التفاعل
- 12,381
- النقاط
- 18
- المستوي
- 3
- الرتب
- 3
المشكلة ان اسرائيل هترد وهتضرب ايران في مقتل اليومين الجايين وغالبا هتضرب بعض منشآت ايران النووية والنفطية لفرملة برنامجها النووي
المصيبه ان ايران هترد على اسرائيل في دول الخليج
وهما مالهمش يد في هجوم اسرائيل عليهم
ايوه هما فرحانين ومؤيدين ونفسهم ايران تزول لكنهم اعلنوا انهم بينأوا بنفسهم عن اي ضربة تشنها اسرائيل عليهم
بالتالي الدنيا هتبقى تمام لو ايران واسرائيل ضربوا بعض بالجزم بعيد عن الخليج ودا شيء مايزعلش حد
وقت ما يبدأوا استهداف منشآت النفط بالخليج والبنية التحتيه والاقتصادية بحجه مساعدة اسرائيل في هجومها وقتها يبقى العملية اسودت على الكل
ايران من يجي اسبوع تقريبا حصل فيها زلزال بسيط وفي كلام انه نتيجة لاختبار ايران لقنبلتها النووية
لو الكلام دا صح كدا اللعبة اختلفت والدنيا هتسود على الكل وايران واخدة اسرائيل حجه علشان طمعانه في الخليج بثرواته وطمعانه في بسط نفوذها عليه ونشر الثورة الايرانية والمذهب الشيعي ولو بالقوة
المصيبه ان ايران هترد على اسرائيل في دول الخليج
وهما مالهمش يد في هجوم اسرائيل عليهم
ايوه هما فرحانين ومؤيدين ونفسهم ايران تزول لكنهم اعلنوا انهم بينأوا بنفسهم عن اي ضربة تشنها اسرائيل عليهم
بالتالي الدنيا هتبقى تمام لو ايران واسرائيل ضربوا بعض بالجزم بعيد عن الخليج ودا شيء مايزعلش حد
وقت ما يبدأوا استهداف منشآت النفط بالخليج والبنية التحتيه والاقتصادية بحجه مساعدة اسرائيل في هجومها وقتها يبقى العملية اسودت على الكل
ايران من يجي اسبوع تقريبا حصل فيها زلزال بسيط وفي كلام انه نتيجة لاختبار ايران لقنبلتها النووية
لو الكلام دا صح كدا اللعبة اختلفت والدنيا هتسود على الكل وايران واخدة اسرائيل حجه علشان طمعانه في الخليج بثرواته وطمعانه في بسط نفوذها عليه ونشر الثورة الايرانية والمذهب الشيعي ولو بالقوة
إسرائيل لو مضربتش البرنامج النووي الإيراني دلوقتي مش هتعرف تضربه بعدين ..
فرصه وأعتقد أن الاسرائيلين من خلال عمليات تصفية قيادات حزب الله وحماس .
أثبتوا انهم لا يوجد خطوط حمراء لديهم .
ومن خلفهم الدعم الأمريكي....
الاسرائيلين أثبتوا انهم اذكي من الجميع ......
- إنضم
- 10 مايو 2023
- المشاركات
- 3,505
- مستوى التفاعل
- 12,381
- النقاط
- 18
- المستوي
- 3
- الرتب
- 3
الوضع مختلف تماما
حرب اليمن السعودية هي اللي اتدخلت وحبت تستعرض قوتها على اليمن وخسروا هيبتهم وخسروا عسكريا وسياسيا
انما حرب ازالتهم من الوجود بغزو ايراني مثلا لدول الخليج الصغيرة التدخل المصري وزقتها هيكون حاسم جدا وهما عارفين كدا كويس
موضوع اثيوبيا والسودان مصر ممكن تنهية في وقت قصير جدا ومش مؤثر على امننا مثل مخاطر الجبهة الشرقية اسرائيل وايران وأمن الخليج
وأظن حضرتك خدت بالك من التقدم اللي احرزة الجيش السوداني وصراخ حميدتي بسبب مجرد دعم جوي مصري واسناد للقوات المسلحة السودانية
انما موضوع الخليج وايران مصيبه سودا وهتروح فيها دول من الخريطة وتتشرد فيها شعوب
الوضع حاليا مختلف تماما
موضوع الاقتصاد مظنش انه هيأثر ابدا واللي انت هتحتاجه وقتها مش هيتأخروا
المواضيع المشابهة
