صلاح
بأدءه الفردى طلعك كأس العالم 2018
امم افريقيا انت وصلت للنهائي مرتين بسبب الاداء الاستثنائى الفردى لمحمد صلاح فى وجود جيل مُعاق وضعيف فنيا فى كل المراكز (بأستثناء الوينج الشمال) ده غير انه تانى هدافى المنتخب المصرى تاريخيا
وده اقتباس للاعب مغربي بعد ما كسبناهم فى امم افريقيا 2021 ''
لم نستوعب الهزيمة أمام مصر، لديهم لاعب واحد فقط وهو محمد صلاح، أظهر قدراته ومنحهم الانتصار أما البقية لم تظهر بصمتها باستثناء إهدار الوقت ولكن هذه هي كرة القدم.''
لو عاوز بطولة لمنتخب مصر مينفعش نتناقش عن محمد صلاح لانه بالفعل مش محتاج يثبت اى حاجه .
لكن ممكن نتكلم ف كام نقطة تانية:-
1-ازاى اتحاد الكورة يجي من غير م يحط مشروع و خطة واضحة لتطوير الكورة المصرية من اول الناشئين لحد الفريق الاول؟ وايه حكاية مدرب اجنبى وبعدين مصرى وبعدين جنبى وبعدين مصرى ...الخ!! ,, انت عايز ايه بظبط ؟ ودلوقتى لما فاق الاتحاد من غيبوبته وجاب مدير فنى لاتحاد الكورة علشان المفروض انه يبنى الكورة المصرية وقطاعات الناشئين جايب واحد لا يمتلك اليويفا برو لايسنس !!!
2- ازاى يكون عندك افضل لاعب فى تاريخ مصر مصاب بتمزق فى العضلة وتطلع تقول ده عنده شد عضلى وهيلعب بعد ماتشين و لما كلوب يطلع يقول
الحقيقه والناس تقطع ف صلاح متفكرش تطلع وتضع حد وتدافع عن اللاعب بتاعك الى موجود فى المعسكر بتاعك!! ليه اديت الفرصه لكلوب انه يطلع بالتصريح ده ؟ ليه ملطعتش ببيان مكمل للبيان الاول وتقول بعد الكشف التانى تبين ان صلاح مصاب بتمزق وتنهى الموضوع ؟ .. هل كلوب كان عارف بأصابة اللاعب بتاعك وهو فى المعسكر بتاعك قبل م انت نفسك تعرف ؟!!!
ينفع لما الاعلام يتواصل مع عضو اتحاد الكورة ويسأله '' هل صلاح هيرجع ليفربول ولا هيكمل مع المنتخب'' يرد ويقول والله معرفش انا اصل قاعد فالقاهره ؟
3- ازاى الاهلى يمشى كلامه على اتحاد الكورة وياخد اللعيبه بتاعته من معسكر المنتخب ؟
4- ازاى نهائي دورى ابطال افريقيا بين فريق مصرى و مغربي يتلعب فالمغرب ؟
5-ازاى رئيس لجنة المسابقات يقول انا هروح اسكندرية اقعد مع نفسي وارجعلكوا بجدول الدورى بس محدش يسألنى الدورى هيخلص امتى ! ونلاقى النادى الاهلى بعد كده متأجلة 6 مباريات متتالية فى الدورى !
6-ازاى لحد دلوقتى ممنوع الحضور الجماهيري او مقنن باعداد بسيطة ومش عارفين نعمل قانون شغب ملاعب و نحط السيف على رقبة اى جمهور ونادية اذا تجاوزوا !!
7-ازاى تسمح لاى شركة مصرية انها تعمل نادى كورة تصرف عليه و يطلع للدورى الممتاز و باقى الاندية الجماهيريه بتعانى من الازمات المالية ومش قادرة تنافس ! رغم انك ممكن تديهم مميزات وتغريهم يستثمروا ويديروا الاندية الجماهيرية
8-ازاى مدرب اجنبي زى كيروش كان بيشتكي ان لعيبة مصر المحلية معندهمش اساسيات الكورة و مدرب زى فيريرا كان بيعلم لعيبة الزمالك ازاى تستلم الكورة وقال للاعبى الفريق الاول للزمالك بالحرف ''
انتوا مبتعرفوش تلعبوا كورة '' !!!
9-ازاى قرار بمعاقبة كهربا ياخد 194يوم !!
10-ازاى مش عارف تنظم حقوق البث علشان كل الاندية المصرية تستفيد منها !
كل ده كلام على فساد اتحاد الكورة .. لسه الاعلام الرياضى الى والسوشيال ميديا الى عايزين غربلة !
صلاح الى اجى مصر وهو هداف الدورى الانجليزي و اللاعب الاكثر صناعة للاهداف اتصدم من القذارة الى بيشوفها و اتصاب ورجع محطم نفسيا حتى لو تظاهر بعكس ده .
انت مشكلتك مش محمد صلاح ابدا ابدا. ولا يجب انه يكون جزء من المناقشة دى !! .. انت مشكلتك فى العرر والحثاله الى ماسكين الكورة المصرية من عشرات السنين ولما يطلعوا من اتحاد الكورة يروحوا الاعلام والى فالاعلام يروح يمسك اتحاد الكورة وبعد كده يرجعوا يبدلوا تانى !! وهكذا ...
انت مشكلتك فى اندية زى الاهلى والزمالك الى بيشتروا لعيبة ويخطفوا انصاف المواهب فى حين ان قطاعات الناشئين بتاعتهم صفر كبير !
صلاح احنا الى مدينين ليه بأعتذار مش العكس .. لا محرز ولا مانى قدموا لمنتخبات بلادهم ولا حتى 20% مما قدمه صلاح لمنتخب مصر ومع ذلك كسبوا امم افريقيا
