•• الدراما السورية تتفوق علي نظيرتها المصرية ••
في أحد البرامج علي إحدى القنوات الإعلامية المعروفة كان في نقاش داير علي الدراما السورية وتحسنها الملحوظ عن السنين اللي فاتت..وده كلام يحترم ويقدر لحد ما جت المقارنة بين الدراما السورية والدراما المصرية وتم المفاضلة بينهم..
وطبعا اتقال ان الدراما السورية تفوفت علي الدراما المصرية في السباق الرمضاني السنة دي بشكل هزلي..
طبعًا بحسبة الأرقام المقارنة باطلة وبحسبة جودة الإنتاج والتمثيل كذلك المقارنة باطلة..
وطبعًا مع كامل الاحترام والتقدير للغير مفيش مسافة قريبة حتى..
المسألة دي للأسف الشديد بقت ملحوظة جدا مش بس في الأعمال الفنية وإنما في الأكل والتاريخ والتراث والفن وحتى الشخصيات المصرية زي الفنانين والمغنيين وحتى لتوصل للملوك والملكات المصريات وغيرهم بيتك تأصيلهم للغير.
وطبعًا المقارنات اللي حصلت بين اللهجة المصرية واللهجة الشامية في الأعمال التاريخية واللي مسلسل الحشاشين قدر ينهي الجدل ده نهائيا بعد النجاح الساحق له.
كل شعب حقه يفخر بأعماله وشخصياته وتاريخه وفنه بدون سرقة أو تزوير أو مقارنات بائسة وعبثية ملهاش داعي..
كل التمنيات لسوريا والسوريين يرجعوا معززين مكرمين لبلدهم الحبيبة وتنهض من تاني في القريب العاجل ونشوهم جميعا في سوريا مرة تانية زي زمان..