بص انا من بعد صفقات الأسلحة الى اتمنعت عننا من أمريكا ادركت مجموعة حاجات ان فى حاجات نعرف نعافر معاها وفى حاجات لا وان اتفق جميع مصدرين التكنولوجيا المتقدمة لمصر الى هما الغرب حلفاء أمريكا عليها وهما ليهم حدود عارفينها كويس ومش بيعدوها ومش هيبوظو مصالحهم علشان خاطر مصر اقرب مثال فرنسا وصفقة الرافال أمريكا مردتش فى وقتها بس علمت الأدب لفرنسا بعد كده فى صفقات أسلحة مع حلفاء ليها
فى العادة القادة المحترمين لأى دولة لما بيشوفو مشاهد زى دى بتتكرر بيبتدو يشتغلو على الصناعات الوطنية وتطوير علوم بديله مهما كانت التكلفة علشان دى كرامة وطن وانا مستغرب ازاى مصر معندهاش صاروخ جوجو بعيد المدى صناعة وطنية محترم إزاى القيادة منتبهتش لتطوير درون قتالى مصري بالرغم من اعتقادى التام بقدرات المصانع المصرية الحالية انها كانت تقدر تحقق الكلام ده من بدري انا من داخلى مقتنع ان مصر اقرب من اى وقت على القدرة لتصنيع دبابة وطنية وخصوصا بعد خطوة تصنيع الصلب المحلى بس ليه لسه محتاجين خبرات جديدة بدل ما نشتغل على مشروعنا الوطنى دى مش عارفها بس ده رائيهم ويمكن هما شايفين حاجات احنا مش شايفنها أو كالعادة الديناصورات معندهمش النيه من الاساس وعملو سيناء 200 علشان يفرحو السيسي بيها مش أكتر لأن المدرعة دى ليها معاني كبيرة جدا عند الدول المحترمة الى بتشتغل ومعانى تانية عند الدينصورات محبين البروباجاندا
بس اكتر نقطة مجننانى فى كل العظمة الى حصلت فى نقطة المدرعات تحديدا وصناعة الدروع ان ديما بسمع كلمه مبادرة شخصية بطلب من السيد رئيس الجمهورية بصناعة كذا😨 بحس ان الناس دى كلها بصمجيه وانهم مستنين فى كل مره الرئيس يطلب منهم تصنيع سلاح معين علشان يستغلو إمكانيات المصانع الى عندهم الى اتصرف عليها مئات المليارات من فلوس الشعب والى ليها دورة إنتاج محدودة وعمر افتراضي لازم يتم استغلالها احسن استغلال فيه ناس كتير بتقول ان مصانع الإنتاج الحربي كانت متهالكة لكن دى معلومات خاطئة المصانع كان فيها مكن مش عند دول كتير فى منطقتنا من مشاريع مختلفة مع دول أجنبيه لكن تم إهماله والتطويرات الجديدة لو الناس دى متحسبتش وجزء كبير منهم لسه موجود وماسك مناصب حتى الأن هيحصل لها نفس الشئ ازاى فهد بيتم انتاجها بنفس التصميم من ساعة ما تم تصنيعها ده أضعف الإيمان انك تغير تصاميم بس بلكدب حتى دى معملوهاش اما بالنسبة للمهندسين المصريين بعتذر لهم وأقلهم مش بشكك فيكم وقدراتكم بس آسف أنكم اتولدتم فى مصر وانكم ملزمين تشتغلو تحت ايد ناس كل مؤهلاتها فى الحياة انها دخلت ثانوية عسكرية وهما عندهم 17سنه بمعارف أهلهم او مهندسين عسكرين متقاعدين كسرو سن المعاش وخطواطهم أبطأ من السلحفاة علشان ده قدراتهم الصحية سن الانسان الطبيعي علشان يكون قادر على الشغل ويقدم مجهود أقل من60سنه جريمة فى حق اى وطن احد اسباب انهيار الإتحاد السوفيتى ان قياداته اصبحت عجوزة فقل الإبداع واعتقد لو بايدن كمل مع أمريكا هيكون ده نفس مصيرهم أحيانًا الشباب و جرائته واندفاعة بيكون لهم جانب ايجابي على شرط يكونو اهل علم واختصاص مش تعين مجاملات ❤
استاذى العزيز madodedo موضوع شراء جديد ده لازم علشان تطلع على التكنولوجيا الحديثة
قصة أن كل شيء يقولوا سيادة الرئيس ده صحيح فعلاً لان التصنيع والتسليح ما بيكونش فقط رؤية من جانب القوات المسلحة فقط ولكن أيضاً أمر سياسى من رأس الدولة يعنى لازم يكون الرئيس مهتم وبتابع بنفسه
بالنسبة للمصانع الحربية هى فعلاً إمكانياتها ضخمه جدا ولكن التطور والتحديث اللى تم فى الفترة السابقة إلى اليوم فى المعدات والالات قفزه مش قليله بدليل المصنع اللى اتعمل بماكينات DMG لصناعة الأسلحة الخفيفة والذخيرة واللى كان قبل كده بيتعمل على معدات قديمة وانتاجيتها ضعيفه
أما بالنسبة العسكرين الموجودين فى المصانع فهم مهندسين من فنيه عسكرية أو مهندسين متخصصين ثم التحقوا بالجيش وبالطبع بوجود أيضا عسكرين خريجي حربية لأنهم ببساطة هم من سيستخدم المعدات وهم من سيتعامل على الأرض
أما إن مصر كانت ممكن تعمل من زمان حاجات فهذا صحيح فى فعلاً حاجات ولن أوضح.
وللعلم لايوجد ماهو فوق السن أو عواجيز تم خروجهم كلهم من القوات المسلحة وبدأ دخول عقول جديده كثيرة وانا اعرف ده كويس ومش هقول اكتر من كده للمره الثانيه.
المركبة فهد هى فى الأساس ألمانية وانت تعلم ذلك بالتأكيد وتستخدم فى قوات حفظ السلام فى دول كثيرة واكيد انت تعلم هذه المعلومة أيضا وليست جديده.
وأيضاً مع حديثي مع أحد المسؤلين عن سيناء ٢٠٠ فهى للانزال البحرى والاسقاط الجوى ويوجد منها اصدارات أخرى يتم العمل عليها
ولكن لماذا لم تذكر عائلة التمساح والتطور المستمر بها.
وأيضاً لماذا لم تذكر St وعائلتها الجديدة.
وهناك مشاريع أخرى مازال العمل عليها وليس من الطبيعى أن يتم عرض كل برنامج او معده على الشعب لأننا مش ألمانيا وفرنسا وإيطاليا واوروبا كلها او امريكا او روسيا والصين.
فبعد ما حدث معك فى موضوع الطائرات الحربية حلوان ايام الرئيس جمال عبدالناصر اكيد لن تعلن ما تفعله ولن تسمع أو ترى إلا المسموح
ولو بتشوف سيف محمود قناة ماركر اتفرج على اخر حلقه نزلت انهارده وموجودة هنا فى زيارة الرئيس للصين
اتمنى أن أكون رديت على اسالتك اتمنى أن تكون مفيده وواضحة
وتحياتي لحضرتك