علي فكره ياصديقي اولا اتمني كل الخير لبلدنا وجيشها ومفيش تريقه ولا تقليل من جيشنا .
وانا شايف القفزات التسليحيه اللي حصلت الفتره اللي فاتت وقولت لي في كذا مشاركه انها صعب تتكرر تاني فعلا بيحصل ، علي الاقل بسبب ظروفنا الماديه ،وعدم انحيازنا بشكل مباشر للمعسكر الغربي علي حساب الطرف الآخر.
وكلنا شايفين ده والدليل عدم استلامنا للSu 35 حتي خلال الفتره الحاليه .
وكمان شايف وعارف كويس جدا ان دول الكتله الشرقيه المحسوبه علي الغرب بعد ماتخلصت من معداتها الشرقيه لصالح اوكرانيا بيتم استيعاض تلك المعدات باخري غربيه ومتطوره وبسرعه .
القصد من كل مشاركاتي وحرقة دمي ان في تضييق علي سير عملية التسليح ،بمعني وخاصه من الدول المحسوبه علي المعسكر الأمريكي خاصه واقصد هنا بالذات كوريا الجنوبيه وكلنا كنا عارفين ومتخوفين منهم بالذات في المجال العسكري لأنهم ببساطه دلدول الامريكان وفعلا اه بيحصل .
لان هما مش هيصحوا فجاءه بعد تجربة المدفع والتوقيع علي العقود بنسب التصنيع اللي برضوا متفاجئوش بيها ،انهم ييجوا بعد سنه تقريبا معلش اصل الحكومه لسه موافقتش علي الصفقه ماليا .
هو ده القصد ان فيه حاجه غلط ،وخاصه اننا المفروض خلال شهرين أو تلاته بالكتير نكون بننتج المدفع .
نقطه تانيه ودي حقيقيه واللي مش عايز يشوفها هو حر، ان فعلا التعاقدات بالقروض بتضع المفاوض تحت نقاط ضعف كتير ،وبتحرمنا من مزايا كتير غير الكاش واعتقد محدش يختلف علي ده .
وبعدين انا مستغرب اذا كانوا بيلاوعوا معانا في المدفع هيكملوا معانا ازاي في اسلحه اكتر حساسيه زي الدبابه K2 والطائره FA50 ؟؟؟؟؟
اتمني اكون وصلتلك تفكيري رايح لايه ياصديقي لان مفيش اي حاجه شخصنه كلنا بنتعلم من بعض ،وشخصيا بتعلم منك .
اشكرك .