لا كلامك بيقول انك برة المطبخ الحكومي معلش... فيه ناس بتدفع فعلا عشان تتعين وتأنتخ ودول نسبة محترمة ولكن الاغلبية بيشتغلوا ولو حسنت ظروف العمل والمرتبات واديت فرصة للرفد والتعيين هيكون الانجاز افضل كتير....
المفروض الكل يبقى متأمن عليه والكل يكون له معاش... البيزنيس كله يبقى كدة... مكاتب العمل نايمة معاليك
دا خط اساسي يتبني عليه اي حاجة... الحكومة لما اشترطت ان الكل يدي فاتورة الكترونية بدأ الموضوع يشتغل ولانك يا تعمله يا تتسجن الكل هيعمله غصب عن دماغه... نفس الكلام في الاشتراطات التانية بس صانع القرار في الحكومة يصحى شوية
اللي ماشي حاليا عشان ما نستنزفش بعض هو ان الحال يمشي واعمل عبيط... ولو فيه عبيط اشتغل زيادة في الحكومة خد شغله وماتديلوش مقابل... ولو ماشتغلش حاول تجازيه واقل شغل مقبول هيتوافق عليه مفيش جودة. يعني ارفع كفاءة ولكن من ابو بلاش رفع كفاءة أجوف من قيمته الحقيقية. وللأسف الثقافة دي اتنقل جزء محترم منها للكيانات الحكومية الموازية اللي شكري اتكلم عليها لان المدير اللي كان بيماين نفسه في الكيان الاصلي تم انتدابه للمكان الموازي 😂
فميغركش
مكتب العمل تحربتي معاه شخصية... كل مرة افتح ملف في نفس المكتب لان الملف اللي فتحته قبل كدة مش لاقيينه على الكمبيوتر 🤣🤣🤣 صباح الفل يا ريس انت بتزعج المدامات وبتشغلهم عن الفطار....
انا مرة روحت مجلس المدينة وكنت بسأل على حاجة فدخلت اوضة... عادي يعني،، لقيت شلة بنات قاعدين بيتودودوا ومتجمعين حوالين بعض ومعاهم قطة 🤣🤣🤣 كلهم بصولي حتة بصة خليتني احس اني دخلت عليهم اوضتهم في البيت مثلا واني مكنش المفروض اخبط على الباب المفتوح وادخل 😂🤣🤣🤣 انت متخيل دول لما يتفصلوا مع رفع المعايير ويعملوا غاغة هيبقوا مؤثرين؟ ولا الهوا... المؤثر هو الموظف اللي شغال ويقدر يعمل مجهود وتيجي تضغط عليه مرة واحدة.
