تحول المصريين من ناس ساكتة علي الأرض وحامدين وراضيين وشعب كيوت لشعب عنصري بأمتياز جارية علي قدم وساق وأسرع ما أي حد بيتخيل
الناس اللي لسه متفهة من أثار الموضوع الاقتصادية والأمنية مش هتفوق غير علي أحداث مش لطيفة وقريبة كمان وهيبقي فيها أحداث طائفية مش لطيفة لأن في مصريين هيتلاشوا ٥ي النص
لازم إجراءات تتاخد علي الأرض منها إلغاء أي أمتياز للناس دي من تعليم أو صحة أو غيره
لازم نبرة الرئيس تتغير ويتكلم بسرعة ويقلب علي الوش التاني في الموضوع ده تحديدا
الناس بقت بتشتم الرئيس عيني عينك وناس معروفة مش أكونتات مجهولة وكمان اللي بيدافعوا عن النظام جابوا وراء منهم نواب منهم ظباط قوات مسلحة معروفيين منهم مؤثرين مشهورين فضلا عن الشارع نفسه
ده جرس إنذار كبير وتعامل الدولة المستفز لازم يوقف ولازم الناس تحس بالقانون علي الأرض مش أنها في عزبة
الموضوع مش بسيط ومش تافه وتعامل الحكومة كبر الموضوع جدا عند الطبقة المتوسطة والمطحونة
التاريخ القريب اللي كلنا عشناه علمنا لما الناس تشاور علي حاجة كتير أعرف أنك ماشي غلط ووجوب تعديل المسار
لأول مرة من وقت ظهور النظام الحالي وأغلب الناس أتحدت ضده ومبقاش له داعم حقيقي بصوا علي النظام التركي لما عك كام سنة الناس نسيت كل حاجة عملها ده اللي بيحصل في مصر حاليا نفس السيناريو