مبارك الله يرحمه كان موظف خايب بدرجة رئيس جمهورية رجل بلا طموح و ده من اسباب تعينه نائب للرئيس كما كان الحال مع السادات و جمال عبدالناصر لان السادات كان فلاح ذكي كان بيتعامل مع عبدالناصر بمدا اعيش نمله اكل عسل كان مهاوده في كل حاجة، مبارك كان رجل عسكري تقليدي غير مثلا الجمسي او سعد الدين الشاذلي رحمه الله عليهم
الخيانة مش بس تفريط في ارض الوطن، الفساد خيانة تقزيم مصر خيانة تدمير اقتصادها خيانة، استباحة ولاده لمصر و خيرها خيانة
بالنسبة لسيناء في رائي كان الموضوع متعمد من نظام مبارك علشان يريح دماغه من الأمريكان و من وراهم الصهاينة ، اسرائيل كانت بتضغط علي الاميركان في اي محاولات لتعمير لسيناء لانها شايفة ان الموضوع ده يمس امنها القومي، و من الحلول العندهم لانهاء القضية الفلسطينية هي ترحيلهم لسيناء تحديدا العريش و الموضوع ده قديم مش جديد و التنفيذ لما الدولة المصرية تضعف لذلك كانوا ضد اي تنمية فيها غير طبعا بيقتل حلمهم بأسرائيل الكبري
هل نظام مبارك مكنش عارف كده ؟ !!
طبعا كان عارف طيب ليه محاولش تعمير سيناء بجد لان تعمير سيناء هو افضل حل لقتل اي مؤمرات ضدنا في سيناء ، طبعا مفيش اجابة للسؤال غير انه كان مكبر دماغه كالعادة ، و من اسباب حصارنا اقتصادياً هو تعمير سيناء و تسريع عملية تهجير اهل غزة لسيناء قبل الانتهاء من تعمير سيناء ، لذلك مصر بدات في زراعة مناطق واسعة علي الحدود مع القطاع بعد المنطقة الأمانة و ميناء العريش و منطقة صناعة لاننا عارفين المخطط كويس و المخطط هيتنفذ فقط لو سيناء ظلت صحراء بلا تنمية ، ده نظام مبارك كان سايب شمال سيناء ماؤة للارهابين و تجار المخدرات و الحمساويين لان مش عايز يطلب تعديل الملحق الامني و العسكري في اتفاقية السلام و ينشر قوات بجد تقضي عليهم خوفا علي الاتفاقية و التعديلات في عهده كانت بسيطة و غير مؤثرة عكس ادارة السيسي نشرت الجيش حرفيا في كل ارجاء سيناء
زي الصفقات العسكرية اغلبها كان الجيش طلبها و مهتم بالحصول عليها ايام مبارك لكن نظام مبارك كبر دماغه كالعاده منعا للمشاكل