الفترة دي هتلاقي هجوم ممنهج حيال "العاصمة الإدارية الجديدة" على وجه التحديد، ودا له سببين:
1 – اقترب موعد الافتتاح الرسمي لذا يحاول الديلر الاقليمي اللى مسرح اللجان انه يعمل ضربة استباقية.
2 – تنظيم الاخوان وظهيره المدني والكلجية القدامي والجدد ورثوا عن اليسار المصري والحقبة الاشتراكية صناعة الأحقاد الطبقية" واللعب على الغل الاجتماعي، طبعا مفيش فى الوقت الحالي احلي من أسطوانة بيعملوا كومبوند سبع نجوم للدولة والموظفين والجيش والشرطة ووزارة التموين ومؤيدي السيسي.
واللعبة على انه حصل اهدار للفلوس والدولار في العاصمة الإدارية، وانه الإهدار تم على اكبر جامع واكبر كنيسة واكبر ملهى ليلي – يا رب يكون فيه حاجة كدا بجد في العاصمة الإدارية – واكبر ازازة كازوزة.
العاصمة الإدارية تضم 6 جامعات جديدة، تضم مدينة الذهب اللى تعتبر اكبر مجمع لصناعة الذهب في الشرق الأوسط .. طبعا الموضوع مش عشان "شبكة شيماء" وبس .. انت فاهم دلوقتي أهمية الذهب ايه سواء للدولة او للافراد..
العاصمة الإدارية فيها مدينة المعرفة اللى تعتبر اكبر مركز ثقافي في المنطقة ومعاها مدينة الثقافة والعلوم اللى تضم مسرح ومجمع سينما ومكتبة ضخمة ومتحف اثار وغيره من مفردات العمل الثقافي والتنويري
العاصمة الإدارية فيها حى المال والاعمال اللى هيبقا المركز الإقليمي لكافة الشركات المصرية والعالمية العاملة في مصر .. المكان دا تحديدا فيه اكبر برج المسمى بالبرج الايقوني .. مش هنعمل اكبر مركز للاستثمار المحلي والاجنبي ونفرشه من التوحيد والنور .. لازم يبقا فيه فيه مقرات تليق بالفرص الاستثمارية اللى هتناقش وتوقع على مدار الساعة.
العاصمة الإدارية فيها ستاد رياضي كامل يضاف للمنشآت الرياضية إضافة الى مدينة اولمبية، عشان لما نفوز باى ميدالية اولمبية او رياضية وحضرتك تتسرح بسكربت "الرياضيين دول بيصرفوا على نفسهم" نبقا نعمل فيك زي ما عملنا في اى دورة اولمبية سابقة ونطلع لك صور ابطالنا وهما تحت رعاية مؤسسات الدولة الرياضية.
العاصمة الإدارية فلسفة بنائها انه في أوائل سنوات السادات بدات فكرة التجمعات العمرانية الجديدة والغرض هو تفريغ المصيبة والقنبلة اللى لم تعد موقوتة بل انفجرت بالفعل في وجوهنا سرسجة وعشوائيات وانحطاط اللى اسمها القاهرة الكبرى .. ورغم كل المدن اللى بعضها تحول الى محافظات جديدة بس مفيش فايدة الهدف والرقم المطلوب مش بيتنفذ.
قالك في سنوات عبد الفتاح السيسي طاه ما تيجي نعكس .. الحكومة هي اللى تطلع من القاهرة الكبرى لان العاصمة بيدخلها يوميا ما بين 2 ل 4 مليون مواطن عشان أوراق حكومية .. ايوا الرقم صحيح .. وساكن فيها اغلب موظفين الجهاز الإداري للدولة وقطاع الاعمال والقطاع العام بنتكلم في 7 مليون تقريباً ..
تم تطوير الدائري والدائري الإقليمي والصحراوي والمحور عشان يروحوا ويرجعوا من العاصمة الإدارية من خارج القاهرة محدش فيهم هينزل محطة رمسيس ويركب الإدارية الجديدة.. وبالتالي محدش يلعب باعصابك لما يقولوا لك عملوا مقر جديد لوزارة التموين و وزارة التجارة ولا مقر مهم لوزارة الدفاع وطبعا فيه مقر رئاسي ومقر للبرلمان والمحكمة الدستورية وباقى مؤسسات الدولة اللى هنسحبها من العاصمة القديمة.
وبمناسبة مصطلح العاصمة القديمة.. هو مصطلح اعلامي ولكن مفيش عاصمة قديمة وجديدة لانه تغير عاصمة مصر يستلزم تعديل الدستور وتحويل مدينة العاصمة الإدارية الجديدة الى محافظة جديدة انما العاصمة الإدارية تقع شرق القاهرة يعني كل اللى حصل ان المقرات الإدارية انتقلت من وسط وغرب القاهرة الى شرق القاهرة وبس.
زى ما انت شايف الحدوتة مش مسجد وكنيسة وبرج .. انما هنالك كل ما سبق إضافة الى جزء استثماري يتعلق بفتح الباب للشركات العقارية اللى عايزة تبني عماير وكومبوندات .. الخ واللى عايز يعمل مولات تجارية وأسواق .. في النهاية احنا بنتكلم في مدينة يتردد عليها يومياً ملايين وهتبقا سوق مهم لكل شيء يحتاجه الانسان في العصر الحديث.
هل تم اهدار فلوس او دولارات في العاصمة الإدارية ؟
مفيش مستثمر جه لمشروع تاني واحنا قلنا له لأ مفيش واطلع ع العاصمة الإدارية، الفكرة زي كافة المدن الجديدة في سنوات الرئيس السيسي المشروع بيصرف على نفسه بانه يتم الإعلان عن المشروع، نفتح باب الحجز وكل شركة تبدأ تتعاقد وتدفع مقدم، بالمقدم دا والاستثمارات الأجنبية والمحلية نبدأ نبني ونطلع بالمدينة.
يعني المستثمر المحلي والاجنبي اللى راح العاصمة الإدارية .. جه مخصوص للعاصمة الإدارية وكذلك العلمين الجديدة وكذلك المنصورة الجديدة .. الخ
مفيش جنيه واحد طلع من الميزانية او اى شركة قطاع عام او قطاع اعمال او حتى قطاع خاص مملوكة للدولة شارك في العاصمة الإدارية او ما يماثلها من مشاريع أخرى.
يعني مشروع – بل قل مشاريع – لم تخسر اى شيء باقامتها وهتستفيد وتكسب يوم ما تدخل دائرة العمل رسمياً.
متسرح ضدها بآفيهات اخوانية اشتراكية رخيصة ليه؟
لخدمة الديلر الاقليمي المنافس والمعادي ومن ورائه فقط...
1 – اقترب موعد الافتتاح الرسمي لذا يحاول الديلر الاقليمي اللى مسرح اللجان انه يعمل ضربة استباقية.
2 – تنظيم الاخوان وظهيره المدني والكلجية القدامي والجدد ورثوا عن اليسار المصري والحقبة الاشتراكية صناعة الأحقاد الطبقية" واللعب على الغل الاجتماعي، طبعا مفيش فى الوقت الحالي احلي من أسطوانة بيعملوا كومبوند سبع نجوم للدولة والموظفين والجيش والشرطة ووزارة التموين ومؤيدي السيسي.
واللعبة على انه حصل اهدار للفلوس والدولار في العاصمة الإدارية، وانه الإهدار تم على اكبر جامع واكبر كنيسة واكبر ملهى ليلي – يا رب يكون فيه حاجة كدا بجد في العاصمة الإدارية – واكبر ازازة كازوزة.
العاصمة الإدارية تضم 6 جامعات جديدة، تضم مدينة الذهب اللى تعتبر اكبر مجمع لصناعة الذهب في الشرق الأوسط .. طبعا الموضوع مش عشان "شبكة شيماء" وبس .. انت فاهم دلوقتي أهمية الذهب ايه سواء للدولة او للافراد..
العاصمة الإدارية فيها مدينة المعرفة اللى تعتبر اكبر مركز ثقافي في المنطقة ومعاها مدينة الثقافة والعلوم اللى تضم مسرح ومجمع سينما ومكتبة ضخمة ومتحف اثار وغيره من مفردات العمل الثقافي والتنويري
العاصمة الإدارية فيها حى المال والاعمال اللى هيبقا المركز الإقليمي لكافة الشركات المصرية والعالمية العاملة في مصر .. المكان دا تحديدا فيه اكبر برج المسمى بالبرج الايقوني .. مش هنعمل اكبر مركز للاستثمار المحلي والاجنبي ونفرشه من التوحيد والنور .. لازم يبقا فيه فيه مقرات تليق بالفرص الاستثمارية اللى هتناقش وتوقع على مدار الساعة.
العاصمة الإدارية فيها ستاد رياضي كامل يضاف للمنشآت الرياضية إضافة الى مدينة اولمبية، عشان لما نفوز باى ميدالية اولمبية او رياضية وحضرتك تتسرح بسكربت "الرياضيين دول بيصرفوا على نفسهم" نبقا نعمل فيك زي ما عملنا في اى دورة اولمبية سابقة ونطلع لك صور ابطالنا وهما تحت رعاية مؤسسات الدولة الرياضية.
العاصمة الإدارية فلسفة بنائها انه في أوائل سنوات السادات بدات فكرة التجمعات العمرانية الجديدة والغرض هو تفريغ المصيبة والقنبلة اللى لم تعد موقوتة بل انفجرت بالفعل في وجوهنا سرسجة وعشوائيات وانحطاط اللى اسمها القاهرة الكبرى .. ورغم كل المدن اللى بعضها تحول الى محافظات جديدة بس مفيش فايدة الهدف والرقم المطلوب مش بيتنفذ.
قالك في سنوات عبد الفتاح السيسي طاه ما تيجي نعكس .. الحكومة هي اللى تطلع من القاهرة الكبرى لان العاصمة بيدخلها يوميا ما بين 2 ل 4 مليون مواطن عشان أوراق حكومية .. ايوا الرقم صحيح .. وساكن فيها اغلب موظفين الجهاز الإداري للدولة وقطاع الاعمال والقطاع العام بنتكلم في 7 مليون تقريباً ..
تم تطوير الدائري والدائري الإقليمي والصحراوي والمحور عشان يروحوا ويرجعوا من العاصمة الإدارية من خارج القاهرة محدش فيهم هينزل محطة رمسيس ويركب الإدارية الجديدة.. وبالتالي محدش يلعب باعصابك لما يقولوا لك عملوا مقر جديد لوزارة التموين و وزارة التجارة ولا مقر مهم لوزارة الدفاع وطبعا فيه مقر رئاسي ومقر للبرلمان والمحكمة الدستورية وباقى مؤسسات الدولة اللى هنسحبها من العاصمة القديمة.
وبمناسبة مصطلح العاصمة القديمة.. هو مصطلح اعلامي ولكن مفيش عاصمة قديمة وجديدة لانه تغير عاصمة مصر يستلزم تعديل الدستور وتحويل مدينة العاصمة الإدارية الجديدة الى محافظة جديدة انما العاصمة الإدارية تقع شرق القاهرة يعني كل اللى حصل ان المقرات الإدارية انتقلت من وسط وغرب القاهرة الى شرق القاهرة وبس.
زى ما انت شايف الحدوتة مش مسجد وكنيسة وبرج .. انما هنالك كل ما سبق إضافة الى جزء استثماري يتعلق بفتح الباب للشركات العقارية اللى عايزة تبني عماير وكومبوندات .. الخ واللى عايز يعمل مولات تجارية وأسواق .. في النهاية احنا بنتكلم في مدينة يتردد عليها يومياً ملايين وهتبقا سوق مهم لكل شيء يحتاجه الانسان في العصر الحديث.
هل تم اهدار فلوس او دولارات في العاصمة الإدارية ؟
مفيش مستثمر جه لمشروع تاني واحنا قلنا له لأ مفيش واطلع ع العاصمة الإدارية، الفكرة زي كافة المدن الجديدة في سنوات الرئيس السيسي المشروع بيصرف على نفسه بانه يتم الإعلان عن المشروع، نفتح باب الحجز وكل شركة تبدأ تتعاقد وتدفع مقدم، بالمقدم دا والاستثمارات الأجنبية والمحلية نبدأ نبني ونطلع بالمدينة.
يعني المستثمر المحلي والاجنبي اللى راح العاصمة الإدارية .. جه مخصوص للعاصمة الإدارية وكذلك العلمين الجديدة وكذلك المنصورة الجديدة .. الخ
مفيش جنيه واحد طلع من الميزانية او اى شركة قطاع عام او قطاع اعمال او حتى قطاع خاص مملوكة للدولة شارك في العاصمة الإدارية او ما يماثلها من مشاريع أخرى.
يعني مشروع – بل قل مشاريع – لم تخسر اى شيء باقامتها وهتستفيد وتكسب يوم ما تدخل دائرة العمل رسمياً.
متسرح ضدها بآفيهات اخوانية اشتراكية رخيصة ليه؟
لخدمة الديلر الاقليمي المنافس والمعادي ومن ورائه فقط...
