الناس مش عاجبها المنظر بالفعل خصوصا قرون الخروف الناس دي هتستخدم الانفتاح غلط جدا
جم يعملوا الانفتاح ضرب في وشهمالناس مش عاجبها المنظر بالفعل خصوصا قرون الخروف الناس دي هتستخدم الانفتاح غلط جدا
وهذا ما كنت اقوله ..ممكن تكون رصاصه تخلص على السعوديهجم يعملوا الانفتاح ضرب في وشهم
تقريبا نهاية حياته السياسية قربت خصوصا بعد كل الصرف من هيئة الترفيه اللي معملتش اي حاجة..الممثلين والمطربين راحوا قبضوا ومشيوا بكل بساطةامال ماهر اغتصبت الجبهة ياعينى يا تركى يا حبيبي
انا شايف انو كل الى عملو انو زود الكراهية للسعودية والسعوديينتقريبا نهاية حياته السياسية قربت خصوصا بعد كل الصرف من هيئة الترفيه اللي معملتش اي حاجة..الممثلين والمطربين راحوا قبضوا ومشيوا بكل بساطة
كيادة النسوان بعيد عنكمشاهدة المرفق 10740
انغام !!!
سرد ممتعمن المعروف ان المحطة الاهم في تاريخ حرب العثمانيين مع الدولة السعودية الاولى، كانت حصار الدرعية، الحصن اللي اتحصن فيه "عبد الله بن سعود" في نص شبة الجزيرة العربية، لمواجهة قوات محمد علي باشا بقيادة ابنه ابراهيم باشا، واللي انتهى بإستسلام عبد الله واعتقاله، وسقوط الدرعية سنة ١٨١٨م ومعاه سقوط حلم تأسيس الدولة في بدايته و١٢ الف قتيل.
بعد سقوط الدرعية واستعادة السلطة في ايد المصريين ومن وراهم العثمانيين، كان قرار الباشا انه ميمشيش من نجد لوحده، انما ياخد معاه القائمين على الحركة دي واطفالهم خصوصا، كنوع من النفي، وكنوع من فرض السيطرة كتذكير ليهم ان السلطة في ايديهم هما مش في ايد النجديين، فكان مجموع الاسرى من "ال سعود" وحاشيته ٢٥٤ فرد، ومجموع اللي اخدهم معاه من ذرية الشيخ محمد بن عبد الوهاب ٣١ فرد.
دخلوا كلهم مصر عن طريق السويس بصحبة جيش الباشا كأسرى يعاملون معاملة حسنة، وسط تهليل واحتفال عم ارجاء مصر كلها، سبقهم بشهور وصول "عبد الله بن سعود" قبل ترحيله الى اسطنبول، ثم وصول الباقي هنا الى مصر مع تحديد اقامتهم بالقاهرة ومنع سفرهم خارج البلاد.
محمد بن عبد الوهاب قبل ما يموت ساب ٦ اولاد و٢ بنات، وكلهم كانوا متجوزين ومخلفين وليه احفاد كبار اغلبهم كانوا من طلبة العلم وحاملي السلاح في مواجهة قوات طوسون باشا ومن بعديه ابراهيم باشا، اتقتل منهم في حصار الدرعية بعض الافراد على رأسهم سليمان بن عبد الله بن محمد بن عبد الوهاب اللي اتقتل قصاد ابوه كعقاب ليه، والباقي ارتحلوا على مصر زي ما ذكرنا كدة.
وصل مصر هنا من اولاد محمد بن عبد الوهاب ٣ ابناء اللي هما ابراهيم وعلي وعبد الله، ومن الاحفاد كتير، عاشوا في مصر منهم اللي فضل في مصر هنا ومنهم اللي مات في مصر ومنهم اللي رجع تاني بعد ما الحظر اتفك عنهم.
من ضمن الاحفاد اللي عاشوا في مصر، عبد الرحمن بن عبد الله، استقر هنا في مصر مع اولاده المنفيين معاه ودرس في الازهر مع اولاده لحد ما اتخرج ومسك مشيخة رواق الحنابلة في الازهر الشريف، لحد ما اتوفى في القاهرة، وعبد الرحمن كان ليه ٣ اولاد، واحد اسمه احمد رفض انه يرجع نجد واتجوز واستقر هنا وخلف ولد اسمه "عبد الرحمن حقي" وليهم عيلة معروفة النهاردة، وكذلك اخوه عبد الله عاش في مصر هنا ومات فيها.
اخوهم التالت اسمه محمد، اتولد هنا في مصر، بعد وفاة والده عبد الرحمن ولما الحظر اتفك، ساب مصر ورجع على نجد، ولما رجع على هناك سموه "محمد المصري" وبقت عيلة المصري معروفة هناك، استقر في الرياض بعد كدة مع ابنه عبد الحميد وابنه عبد اللطيف، وبدأ يفسر الاحلام وكان من اشهر معبري الرؤى في زمانه، وبعد كدة هيفسر رؤيا لعبد العزيز ال سعود هيبشره فيها بانه هيرجع من الكويت ويبقا ملك.
- وهوا اللي على شمال الصورة "معبر الرؤيا محمد المصري" واللي عاليمين ابنه عبد الحميد، الصورة بتاريخ ١٨٨٨م من مصر.
بعيدا عن الصورة، فا من ضمن اشهر اللي وصلوا مصر من احفاد محمد بن عبد الوهاب، هو عبد الرحمن بن حسن بن محمد بن عبد الوهاب، وده لان عبد الرحمن كان واحد من القليلين اللي حاربوا الدولة العثمانية لحد اخر لحظة، وحاربوا طوسون وابراهيم باشا في الدرعية، لكنه في الاصل كان استاذ دين ومن دعاه الوهابية المشهورين.
عبد الرحمن كان مخلف ٥ اولاد، منهم اللي مات في حصار الدرعية، ومنهم اللي هرب، وبعد ما عبد الرحمن اتقبض عليه واترحل على مصر، عاش في مصر هنا سنين، بيدرس المنهج السلفي للطلاب والمريدين في القاهرة، وكان معاه ابنه "عبد اللطيف" اللي كان عمره وقتها ٨ سنين بس.
عبد اللطيف بقا عاش طفولته وشبابه هنا في مصر، لانه جه مصر عنده ٨ سنين بس، صحيح كان جي في الاسر مع ابوه بتهمة الخروج على الدولة العثمانية، لكنه في النهاية كان صغير مش فاهم حاجة لسة، وكبر ودرس واتجوز هنا في مصر وعاش فيها ٣١ سنة كاملين، درس على ايد شيخ الازهر ساعتها ابراهيم البزوري، لحد سنة ١٨٤٨م.
بعد وفاة محمد علي باشا قرر عبد اللطيف انه يسيب مصر ويرجع على الحجاز تاني، وهناك بيوصل الرياض يقعد كام شهر بس، وبعدين بيروح الاحساء يبدأ ينشر في الحركة الوهابية سنتين، وبعدها يرجع على الرياض تاني، عشان يساعد "فيصل بن تركي" في تأسيس الدولة السعودية الثانية، وبيتوفى ويتدفن في الرياض.
عبد اللطيف اللي دخل مصر اسير وعاش في مصر ٣١ سنة ده يبقا الفرع الاشهر للعيلة والاقرب للسلطة الحاكمة من سنين فاتت، ابنه عبد الله يبقا جد الملك فيصل بن عبد العزيز ال سعود، وحفيد حفيد حفيده النهاردة هو صاحب موسم الرياض اللي بينتهي اسمه بلقب آل الشيخ.
وشكرا
مشاهدة المرفق 10759
من فضلك, تسجيل الدخول أو تسجيل لعرض المحتوي!
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?