ديموقراطية ؟
امال احنا خلصنا من الملكيه ليه ؟
امال احنا بنعمل انتخابات ليه من الستينات ؟
الهويه المصريه الى هى ايه .. قصدك الفرعونيه وكده ولا الخلافه ولا الملكيه ولا انهى هويه بالضبط الى عاشها شعب مصر في تاريخ اكثر من 7000 سنه انهي فتره بالضبط هى الهويه في 7000 سنه والى
نطبقها في 2024 وتستمر معانا في عصور القادمه
يا راجل ده حتى فكر الاربعينات والخمسينات ماعدش ينفع اليومين دول مع ارتفاع مستوى التعليم و الانفتاح العقلي والثقافي مع العالم الخارجي بين مختلف فئات المجتمع ...
ماكان يطبق زمان باسم اوامر الفرعون او باسم الخليفه او الوالى او الملك او السلطان فلان ماعدش ينفع في الزمن ده .. كل زمن وله متطلباته
لا دا هيه نرجع نلبس الطربوش تانى 😂..
زى أجدادنا الله يرحمهم
جدى الله يرحمه مات وعمره 97 وكان بيحب الطرابيش وبيترحم على هويه مصر الملكيه ونفسه مصر ترجع للحكم للتوريث والملكيه بيقولى دى مصر من وجه نظره .. وهيجي واحد تانى يقولى هويه مصر ايام الخلافه نرحع الخلافه .. وواحد تانى لا نرجع الفرعونيه لا البيزنطية لا الرومانيه الخ .. الزمن تغير والعقول تغيرت والشعوب تغيرت فالحنين الى الماضي مجرد اوهام كجهاز العبور عبر الزمن مجرد خيال وقصص وحواديت تحكى .. ماكان يطبق من الالاف السنين ليس بالضروره ابدا ابدا انه ينفع يطبق في هذا العصر ..
بالعكس العقل البشري بالفطره ليس قالب مجمد بل متغير ودائم التطور و يبحث عن مايناسبه في زمانه والاستفاده مما توصل اليه الاخرون في كيفيه اداره شونهم الاقتصاديه والزراعيه والماليه والسياسيه والاجتماعيه والتعليميه الخ ..
نقطه تانيه
حتى لو ملك او خليفه او والى او امراطور او رئيس او سلطان او وزير او اى مسؤول .. المعادله طرفين حاكم ومحكوم .. ماينفعش نفترض ان اى خروج للناس على الحاكم او الخليفه الفاسد يبقى ده اضعاف للدوله على اساس ان وجود الملك الفاسد مش اضعاف للدوله ؟ زالامثله التاريخيه كتيره جدا .. اى عاقل مش هيلوم شعب كوريا الشمالية مثلا لو قام بثوره ضد النظام هناك وهما شايفين دولتهم واخواتهم في الجنوبيه فرق السما والارض .. المعادله دائما طرفين مافيش حاجه اسمها الشعب هو السبب والنظام ملاك برئ .. بالعكس اخطاء الانظمه السياسيه والاقتصاديه و عدم المساواه والظلم والطبقيه وفساد حاشيه الملك اوالخليفه او توريث الحكم للابناء الخ الخ هو المسبب والمحرك الاول لاحداث اللضطرابات الداخليه داخل الوطن..
بالمناسبه لما الضباط الاحرار قاموا بالثوره على الملكيه وتغير نظام الادراه والحكم في مصر جذريا ماكنش اضعاف للدوله ولا حاجه كما يتصور البعض من انصار الملكيه