@مرمبتاح
انا متابع آراء حضرتك واكيد كل رأي يحترم.... بس بصراحة لو تسمحلي اختلف معاك في اسلوبك في الحديث عن شعب مصر... اللي هو اهلي واهلك واهل اخواتنا هنا في المنتدى.... كلام حضرتك واختيارك لمفرداتك جانبه الصواب كثيرا.... لما تتكلم ان الشعب غالبيته او نصفه جاهل وغبي والفاظ تانية كمان فده مش مقبول بصراحة.
حضرتك مش معنى انك متابع للسياسة وعندك ثقافة عسكرية وسياسية.... يبقي المفروض الناس كلها تبقي زيك..... الشعب اللي غالبيته شقيان علي بيته واولاده علشان يكفيهم ومعندوش وقت للاسف لمتابعة السياسة مش ذنبه انه في وسط ده طبيعي انه يتفاعل مع الاحداث اللي حواليه ويتعاطف مع اهلنا في فلسطين ومش لازم يكون بطريقتك انت او الاسلوب اللي يعجبك... طبعا مش موافق ابدااااا علي اي نوع من التعدى من اي فرد من الشعب او اي سلوك فيه تعدى علي المنشآت العامة ولا الخاصة ده مرفوض تماما....
لكن انا بتكلم علي آراء الناس ووجهات النظر اللي حضرتك شايفها غبيه وشعب جاهل وهيودينا في داهية.......
نفس الشعب ده لما حصل في يناير فراغ امنى بعد الثورة وكان ممكن يحدث اي شئ..... كان واقف بيحمى البيوت والمحلات ويكنس الشوارع كمان فلا يجوز وصفه بما ذكرت حضرتك
وشعوب الغرب اللي انتم دايما شايفينهم متحضرين ونفسكم نبقي زيهم...... لما بتحصل عندهم ازمات بنشوفهم علي حقيقتهم...... شوفنا في فرنسا تكسير المنشآت العامة واشعال النيران في شوارع فرنسا.... وشوفنا في إنجلترا نفس الكلام والفوضي اللي بتحصل في المحلات وسرقة الاكل من المحلات وكأنها ثورة جياع فعلا..... اثناء كورونا شوفناهم بمنظرهم الحقيقي وهم يتصرفوا بشكل غير انسانى.......
شوفنا في امريكا ترامب وهو بيحشد مسلحين من الشعب الامريكى وبيقتحم تحت تهديد السلاح المنشآت الامريكية
فياريت رفقا بالشعب اللي والله والله رغم كل شئ هو أفضل شئ في مصر... والشعب المصري هو شريان الحياة والنواة المكونة لجيش مصر.