في أول تحرك رسمي من مجلس النواب تجاه فكر المركزية الأفريقية ككل.. وإستجابة لمناشدات الشباب القومي المصري..النائبة الدكتورة رانيا الجزايرلي تقدمت ببيان عاجل لمجلس النواب..
دكتورة رانيا الصفحة الرسمية للنائبة الدكتورة رانية الجزايرلي صرحت تصريحات مهمة جداً.. النائبة طالبت رسمياً الدولة المصرية ممثلة في كل مؤسساتها الرسمية في التحرك ضد خطوات فكر المركزية الأفريقية..
وصرحت إنها رصدت متاحف غربية داعمة دعم صريح لفكر المركزية الأفريقية والترويج للحضارة المصرية على أنها حضارة ملك أصحاب البشرة السود-اء حصراً.. وكمان عرضوا آثار مزيفة علي إنها من الحضارة المصرية بداعي "إهتمام الأفارقة بيها" وكمان بيستضيفوا مؤيدين للفكر ده بإعتبارهم خبراء!
دكتورة رانيا أكدت إنه رغم عظمة المبادرات الشبابية للتوعية ضد فكر المركزية الأفريقية إلا إنها لوحدها غير كافية أبداً ولا حتى الأفلام الوثائقية اللي هتتم كفيلة بالرد على هذا الفكر المسموم! ومش كفاية إننا نوضح أصول الملكة كليوباترا بل لازم موقف قوي وصلب عشان منلاقيش نفسنا في موضع إننا مفترض نثبت إننا ملاك الحضارة المصرية وأصحابها وإننا مصريين!
وقالت صراحةً إن واجب على الدولة المصرية التحرك بشكل قوي وواضح علشان نوقف الهراء الفكري ده ونطفيه بشكل نهائي!
وحتى اللحظة في طلبين إحاطة بشأن نتفليكس وبشأن المركزية الأفريقية وكذلك مقترحات بالتوعية بالهوية المصرية من خلال تدريس اللغة المصرية وإعادة نشر التقويم المصري وإحياء الاحتفال برأس السنة المصرية..
فهل تستجيب الدولة بعد ما بقت المسألة مسألة مطالبات شعبية رسمية؟ نتمى ده.. ونتمنى الأصوات اللي بتقلل من شأن المسألة إما أن تشارك بإيجابية أو فالأكرم لها الصموت وسط المعركة الثقافية اللي بتشن على شعبنا المصري!
#القومية_المصرية
#المركزية_الأفريقية
#مصر_للمصريين
#الهوية_المصرية
#وعي_مصر