عندي كلمتين ..من اول ما بدأت الحرب وكنت متوقع وباتمنى ان الامور تنتهي وتتوقف عند خان يونس وقولت انها هتكون بالنسبة لمصر خط احمر ودة المفروض والوضع الطبيعي لو في ناس عاقلة بتفكر في اسرائيل او امريكا لان المثل بيقول Don’t corner a rat ودة للاسف اللي بيعملوة حالياً مع الفلسطينيين
المهم اليومين اللي فاتوا دول بدأ كلام يتطاير من هنا وهنا بان اسرائيل بتتكلم على اخلاء كمان من خان يونس وامبارح شوفت لقاء أولمرت اللي قال فية صراحة ان قيادات حماس ومركز العمليات في خان يونس ومش في المستشفى وان مفروض ان القوات تروح لخان يونس ...هنا طبعاً لازم واكيد القيادة والمخابرات والجيش اكيد حسوا وتنبهوا بخطورة الكلام وان الموضوع ممكن يروح لنقطة ساخنة فعلاً بينا وبين الاسرائيليين ولازم لو حصل دة مع ان اولمرت مش مسئول رسمي علشان ناخد تصريحاتة بجدية فوقتها لازم نبادر ونفرض وضع يقفل الحوار دة بكل الطرق الدبلوماسية او على الارض من جانبنا ونضمن تماماً على الاقل ان الامور متروحش ابعد من رفح الفلسطينية مهما حصل وانا عارف اننا كنا مستعدين للوضع دة وعملنا تأمينات ممتازة على الحدود ..ربنا يكرم ان شاء الله ونقدر نحلها بدون اي تدخل عسكري او تورط في الحرب دي باي شكل من الاشكال باذن الله