نظرة من اتجاهات مختلفة
هو ايه اللي جبر قيادة أوكرانيا على استفزاز روسيا
العقل بيقول ... هو معاك إيه يهدد الروس
لكن تحشيد على حدود بقالنا فوق الشهر والحشد موثق بصور أقمار اصطناعية واستطلاع وبيانات رسمية وفيديوهات
عايز تعمل إيه
حرب شوارع ... كفاح شعبي ... بس قبل ده كله فيه ابراج سكنية هتطير وقواعد عسكرية هتنضرب وبنية تحتية هتروح
وقبل ما تستخدم ال LAW & JAVELIN فكر هتعمل مؤتمر إعادة إعمار بلادك إمتى
هي مش دعوة للإنبطاح لكن للتفكير
مناعة القطيع هو مصطلح علمي مثبت بالتجربة وفي الكتب ومن عشرات السنين
وفي أول جائحة كورونا شوفنا نوعين من التعامل خلاف بعض خالص
بريطانيا والغرب بيتكلموا في مناعة قطيع
الصين بتفرض حجر صحي بما تعنيه الكلمة
ودلوقتي شايفين النتائج برغم كون الصين منشأ الفيروس وكون مناعة القطيع هي مبدأ علمي مثبت
بس نسيت أقولك ... ماتعملش مناعة قطيع ضد فيروس قاتل زي كورونا ... مش هتلاقي القطيع أصلا
برضك ماتعملش بهلوان للغرب ضد روسيا لتحجيمها مستقبلا ... ببساطة مستقبلا ده إنته ممكن ماتكونش جزأ منه