مرحبا بك في منتدى الشرق الأوسط للعلوم العسكرية

[Aymanop1522]

من فضلك, تسجيل الدخول أو تسجيل لعرض المحتوى !

بلاش ايهاب سمرة دة بالذات دة حمار هو وخالد رفعت

 

[وليد المصري]

من فضلك, تسجيل الدخول أو تسجيل لعرض المحتوى !

حصل بالفعل الكارثة لو تم إعادة مشهد نهاية مبارك مرة أخري لأن المرة دي هتبقي غير ولا تراهن علي وعي الشعب لأن الجعان ما بيبقاش عنده وعي وكمان ضعف الحياه السياسة أو بالآحري موتها مخلي أعداء النظام أكثر بكتير من أصدقائه برغم التطبيل له ليل نهار

 

[TOPOL]

من فضلك, تسجيل الدخول أو تسجيل لعرض المحتوى !

نص العالم دي مش بينزلوا لي من زور .. بس انا جمعت مختلف الأراء عن موضوع الانزلاق الغضروفي الي حصل للجنيه .

 

[صانع]

من فضلك, تسجيل الدخول أو تسجيل لعرض المحتوى !

كلام حضرتك سليم وفى ناس كتير بتعمل كده بس مش بغرض تقليل سعر المنتج للاسف الغرض الأكبر والاهم هامش الربح والمكسب هيكون كام صحيح مش الكل بس الاغلب بيعمل كده للاسف.

والمشكلة هى الخامه المستورده أو المصنعه محليا وبها بعض الخامات المستورده وده بالطبع ليرفع سعر المنتج النهائي

لكن فى مكاسب معقولة وفى مكاسب جشعه وغير طبيعية وللاسف أن ده بيرجع بضرر على المواطن وعلى الصناعة بشكل عام

فى منافسه الصينى صحيح صعب لان خاماته مدعمه من الأصل من دولته واضافه على كده هو بينتج انتاج كمى ضخم فلو مكسبه صغير إجمالى الانتاج بيعوض الفرق

والصين. مش كله رخيص ومش كله صعب يتنافس فى منتجات عالية وممكن تخرج ويحل محلها منتج تصنيع مصرى بس التاجر يكون عنده استعداد يجى على نفسه فى الربح شوية

أما التركى فهو بالفعل غالى وممكن تقفل عليه كصناعة ولكن احنا عندنا عقدة الخواجه ومدام تركى يبقي أوروبى وده هو اللعب اللى بيتم بعقول الناس فى السوق

حصل معايا كتير وانا بشترى يقولى التاجر او البائعه تركى أو ده صينى بس كويس اشترى على ضمانتى اقوله فين المصرى يقولى بس دى فيها كذا وكذا ارد عليه لو ده ماتبعش كم واحد هيمشى من المصنع وفى الاخر يقفل لازم يكون دى ثقافتنا والا الصناعة عمرها ما هتتقدم

 

[BungeeGUM]

من فضلك, تسجيل الدخول أو تسجيل لعرض المحتوى !

احنا كنا اغنياء؟

 

[MaD84]

من فضلك, تسجيل الدخول أو تسجيل لعرض المحتوى !

دة حقيقى و زاد عليها عدم الرضا و انكار النعم ..
تلاقى واحد معاه عربية بيكلم واحد صاحبه بيركب مواصلات أن العربية مطلعة عينه و بايظة و حالتها بالبلة بدل ما يقول الحمد لله

 

[TOPOL]

أول مرة أنزل أعمل شوبنج حقيقي من شهر

ايه الأسعار دي؟ أنا راجل بحب الأرقام فغالبا مخي مسجل سعر المنتجات؛ حرفياً مخي هنج؛ كل المنتجات سعر جديد... يعني اكن مخي قاعد يعمل Save لعدد مهول من الملفات.

الصدمة إن أكثر منتجات سعرها زاد هي المنتجات الغذائية؛ الباقي زاد بس مش زي الأكل والشرب.

المرعب إن الأسعار دي لسه هتتعدل بعد زيادة الدولار؛ أكيد المصانع لسه بتعمل اعادة تسعير وبتبعت للمتاجر واكيد في منتجات اتغيرت؛ بس لسه مؤكد ان الغالبية لسه هيتم تعديله وقليل اللي اتعدل امبارح.

صراحة مش قادر اتصور الناس هتعمل ايه في الغلاء دا؛ الجهاز المركزي كان عامل خط الفقر المصري يعني اللي يصنف فقير هو اللي دخله الشهري أقل من 840 جنية علي ما أذكر؛ والتقرير الحكومي قال إن بالخط دا الفقراء في مصر 27% تقريباً... وثلثي الفقراء في الصعيد..

طيب هل منطقي هيفضل حد ال 840 جنية مستمر؟ دا بعيد عن هل منطقي ان في فرد يكفيه 840 جنية في الشهر كل حاجة؛ لكن تخيل معايا ان أكثر من ربع الشعب دخله اقل من 840 جنية شهري؛ هيعملوا ايه في الأسعار دي.

طبعاً أنا مش داخل انظر واقول اني فقير ويا عيني؛ الحمد لله أنا ربنا كارمني واقدر اشتري السلع الأساسية للحياة أي كان سعرها؛ بس كام من الشعب يقدر كده؟ كام من الشعب يقدر يدخل السوبر ماركت وهو حاطط ورقة منتجات عاوزها وهيشتريها بغض النظر هي بكام؟

صراحة وقت غلط خالص لتحريك الدولار؛ في الاوقات اللي فيها غلاء مفروض دا وقت تدعم وتساعد الناس؛ ولما يكون الوضع مستقر شوية هنا تقرص عليهم... بس واحد متعور وبينزف تروح قارص عليه؟ طيب لما يموت منك؟ اااه صحيح لما يموت نقول الحمد لله عشان الزيادة السكانية تقل؛ مهي السبب في كل مشاكل الكون صحيح؛ ويا رب الشعب يموت وكده ونخلص منه.

ربنا يكون في عون الناس اللي معندهاش ملاءة مالية لتحمل فروقات الأسعار الغريبة والرهيبة دي؛ وبجد أنا اتصدمت وبقيت اكلم مراتي اراجع معاها الاسعار؛ واقولها هو كذا مش كان ب كذا؟ والله شكيت في ذاكرتي.

أنا عارف ان في زيادة بس نسبة الزيادة هي اللي مخي معرفش يحسبها؛ كذا دا مخي فاكره كان ب 70 جنية؛ فلما اشوفه ب 100 جنية؛ اقول لا اكيد مخي فاكر رقم غلط ودا كان ب 90 وزاد ل 100 جنية؛ مفيش اكيد 70 دي يا مخي انتا كبرت وخرفت والضغط وحرقة الدم خلتك مش فاكر الرقم القديم صح.
لا حول ولا قوة الا بالله الصراحة؛ وبجد المشكلة اننا لسه في بداية الغلاء؛ لسه احنا في البداية والاسعار لسه هتزيد مش اقل من 10-15% كمان السنة دي

 

[TOPOL]

من فضلك, تسجيل الدخول أو تسجيل لعرض المحتوى !

التركي حالياً مش غالي اطلاقاً .. دلوقت مصر كلها بتتجه انها تجيب من تركيا عشان زيرو جمارك ومفيهوش تكلفة الشحنة الخزعبلية زي اي حد كان بيجيب من Far East زمان في وقت من الاوقات الكونتينر كان بيتشال ب 15 الف دولار في في حين ان الكونتينر بيجي من Mirsin في تركيا ب 3 او 4 الالاف .. فكله غير البوصلة وراح تركيا ..
الصين دلوقت عندهم مشاكل كتير وعندي معلومة ان كل الشركات الصينية بسبب مشاكل الشحن والطاقة هناك حققت خسائر في نتائج اعمال الربع الأول .
بخصوص جشع التجار فطبعاً الاوقات الي زي دي فرصة لمصاصين الدماء وتجار الازمات انهم يحققوا ارباح عالية جداً .
وفي ناس تانية هتروح في الرجلين واحنا منهم مثلاً .. طول الليل امبارح في اجتماعات لمناقشة مواجهة تداعي الارتفاع في الدولار وملخص الاجتماع ان اصحاب رأس يالمال هيقفلوا الشركة قريب وهيريحوا دماغهم ويروحوا يسلوا نفسهم بفلوسهم علي شواطيء الريفيرا .. عشان الشغلانة في مصر ماعادتش جايبة همها مع حالة الركود التضخمي الي بيعاني منه السوق المصري والهرج والمرج دا.

 

[صانع]

من فضلك, تسجيل الدخول أو تسجيل لعرض المحتوى !

دى حقيقة فى ايام الملكية كنا أغنياء جدا
الجنية المصرى كان أعلى من الدهب

 

[BungeeGUM]

من فضلك, تسجيل الدخول أو تسجيل لعرض المحتوى !

والشعب كان غني ولا مجتمع الاقطاعيين والباقي حفاه ومبيفكوش الخط ؟

 

[صانع]

من فضلك, تسجيل الدخول أو تسجيل لعرض المحتوى !

عايز اقولك أن فى ناس قالت وفلاحين لا يمتلكوا أراضى وكانوا يعملوا عند الاقطاعيين قالوا إن زمن الملكية كان احسن هل تتخيل ده

وكمان احنا عندنا ناس انهارده لا يختلفوا كثيرا عن الاقطاعيين القدماء ولكن بشكل حديث زى مثلا عائلة ساويرس

وكمان عندنا للاسف ناس مازالت لا تفك الخط

وده مش عيب دولة ده عيب منا فينا

ولكن فى مثل بيقول الدنيا مافيش فيها فقر فيها عدم رأى

وده ببساطه معناه أن الناس بتكون هى سبب فى وضعها من الأصل يعنى لو هنكلم على شاب عايز يجوز الطبيعى اللى بيحصل انهارده ومن قبل كده أن يعمل كل ده ويتعمل فيه كل ده علشان بيدور يعيش حلال وأنه بيطلب يمشي صح او العكس بنت تكون كويسه تقع فى واحد غير مسؤل ويبهدل اللى جابوا أهلها

الاخلاق والدين هما الاصل واحنا بعدنا عن ده وتفكرنا بقي مادى بحت

يعنى لو واحد اتقدم لوحده هو إمكانياته بسيطه فى المعيشه تقولك لا طول عمره هيفضل كده لكن لو اتقدم واحد بس صايع شوية بس حاله كويس أهلها و هى هيقولوا ربنا يهديه ويصلح حاله طيب ليه محصلش ده مع اللى ظروفه أقل هو مش ربنا رب الكون كله ولا رب لناس وناس لا

 

[صانع]

من فضلك, تسجيل الدخول أو تسجيل لعرض المحتوى !

معلش ماتزعلش منى التجار عندهم جشع غير طبيعى اكتر من الصناع وخصوصاً أن مصاريف التجار أقل كتير وحضرتك قلت ده بنفسك أن الصناعة صعبة ومصاريفها تقيله

وعندك حق فعلاً التركى مش غالى لكن التاجر بيبيعه بالغالى علشان مكسبه يكون عالى وأنه اصلا أوروبى واحسن من الصينى والمصرى

وحقيقة الشحن فى صين وارتفاع المرتبات والظروف اللى حصلت من كورونا عملت مشاكل كتير عندهم

وان الشحن والجمارك من تركى اسهل وارخص ده كمان صحيح

اقدر اقولك على الناس اللى هتقفل الشركة أنها تجار ولو هما صناع كانوا فكروا الف مره فى خراب بيت الناس اللى بتشتغل عندهم وهو ده الفرق بين التجار والصناع

الصانع بيستميت علشان يفضل شغال وبيحاول بكل الطرق هيفضل فاتح بيت الناس اللى معه

لكن التاجر هو ومن بعده الطوفان ولا يهمه المهم هو يكون خارج بأقل خسارة ممكنه أو من غير خسارة خالص

 

[TOPOL]

من فضلك, تسجيل الدخول أو تسجيل لعرض المحتوى !

صديقي انا مش تاجر هوا الناس خايفة تتكلم وكأني انا واحد من المستفيدين م الموضوع ليه
كذا حد يقولي نفس النقطة ! دي ماتخافوش ياجدعان انا معاكم من عامة الشعب
بخيت حنيدق المهيطل مرشح مجلس الشعب
انا عارف انتقادك موجه فين ولأيه .. إن الي بيعاني من الازمة دي في قطاع الصناعة والتجارة هما بالأساس المستوردين للمنتجات التامة الي بتديق عليهم الحكومة .. وكل المصنعين المحليين بيستفادوا من اعفاءات حكومية وتسهيلات جمركية وخلافه . وبالتالي بما اني بشتكي م الازمة يبقي انا احد اطرافها باستيرادي منتج تام واستنزافي للدولار الي في السوق وتوجيهه لخارج مصر.

 

[صانع]

من فضلك, تسجيل الدخول أو تسجيل لعرض المحتوى !

خلاص يا صديقي تعالى نشتغل مع بعض ايه رأيك ابعت لك شوية منتجات عايز أصدرها وكمان هنا وبدل ما تجيب من دول تانية نشتغل من صناعة بلدنا

 

[Aymanop1522]

بت

من فضلك, تسجيل الدخول أو تسجيل لعرض المحتوى !

بتصنع أية

 

[TOPOL]

من فضلك, تسجيل الدخول أو تسجيل لعرض المحتوى !

لو عاوز تصدر فانت محتاج عملاء ولو مش عندك قاعدة بيانات عملاء تقدر تعمل حاجة من الآتي ( تنزل معارض في الدول المستهدفة / تستخدم موقع Trade Map / تستخدم اعلانات ممولة في مواقع التواصل الخ)
ولازم يعجبهم سعر منتجك بغض النظر عن الجودة (السوق المحيط سوق سعر مش سوق جودة )
ولازم يثقوا فيك (عشان يحولوا ليك دفعة مقدمة تضمن جدية الصفقة .. لازم الدفعة المقدمة دي تساوي او تكون اكبر من قيمة شحن البضاعة لمصر مرة تانية )
لازم راس مال قبل كل دا .
لازم يبقي عندك استعداد انك تنتج منتجات عليهم لوجو وماركة خاصة بالعميل (اغلبهم بيطلب ماركة محددة) ومش بس كدا لازم تنتج جهاز بمواصفات الدول الي حوالينا .. وبما ان الدول الي حوالينا تعبانة ومفيش كهرباء فانت هتطلع عينك في مواصفات الاجهزة الي هيطلبوها .

 

[صانع]

من فضلك, تسجيل الدخول أو تسجيل لعرض المحتوى !

قطع غيار سيارات موديلات قديمة و اجزاء في الأجهزة المنزلية واجزاء فى الاتوبيسات والنقل وبعض المنتجات المستخدمة في الكيماويات والأغذية

 

[صانع]

من فضلك, تسجيل الدخول أو تسجيل لعرض المحتوى !

معلومات محترمة واشكرك عليها

ولكن فى منتج عندى فعلاً كنت سبب أن الهند خرجت من مصر بسببه

 

[TOPOL]

من فضلك, تسجيل الدخول أو تسجيل لعرض المحتوى !

حبيبي .
لو عندك فعلا ميزة تسويقية لمنتج عندك فكتالوجك الجميل وانزل علي Linked In دور علي كل Purchase Specialist في كل الاسواق الي انت عاوز تشتغل معاها وابعتلهم كتالوجك. في فرص تسويقية كويسة في الموقع دا.

 

[صانع]

من فضلك, تسجيل الدخول أو تسجيل لعرض المحتوى !

كلامك صح