حرب وجود
9 hours ago
في 2020 مصر صدرت غاز مسال بقيمة 435 مليون دولار
في 2021 وبعد عودة مصنعي إكو ودمياط للعمل وتنفيذ عدد من المشروعات في المنطقة الاقتصادية لقناة السويس وخطة تطوير الموانئ البحرية اللي قاربت على الانتهاء وفي نفس الوقت ارتفع سعر الغاز مقارنه بالعام 2020 اللي أحجمت فيه الدولة عن البيع إلا القليل, إرتفعت قيمة الصادرات ل 3.89 مليار دولار, بنسبة نمو 794.4%
والجدير بالذكر برضو إن أكبر دولة خدت مننا غاز السنة ديه كانت تركيا بنسبة 23% من إجمالي صادرات مصر وبقيمة 906 مليون دولار,
ازاي بقى في 2022 توصل 70 مليار دولار مرة واحدة!!, متمشيش معاكم 7 يعني؟!, جبتوها منين ٱذا كان الموازنة العامة كلها لن تتجاوز 600 مليار دولار,
في المستقبل القريب ممكن, في إكتشافات جديدة, وفي غاز جاي من قبرص واليونان, وفي غاز هيجي من إسرائيل بعد فشل محاولات تركيا وتوقف المشروع مع قبرص ومبقاش قدامهم غيرنا, في مشروع لتطوير حقل غاز غزة ومصر مقدمة عرض, وفي إكتشافات جديدة في دول جوار زي سوريا ومعندهمش مصانع إسالة,
ملخص الكلام مصر على أعتاب دخول قائمة كبار مصدري الغاز الطبيعي المسال ولديها فرصة واعدة لأن تكون مركز إقليمي لإنتاج وتداول الطاقة,
لكن من غير تهويل وهبد لأن الناس بتسمع الأرقام دي وتصدقها, وطبيعي تسأل هو ليه مش بنحس بالعائد, يبقى بيسرقوه!!
قولنا ألفوا عدل يا أما بلاش 🥴