غالبا فيه تحركات مرصودة للناتو
حسابات بوتين
بعد موسكوفا
1 ناتو : 0 روسيا
اللي ظهر هو عملية اغتيال للطراد باستخدام طيران أمريكي ومشاغلة الكترونية وتصحيح التهديف بالمسير و الضرب بصواريخ
يبقى عندنا طراد روسي اتعرض لعملية ضرب ناجحة دخل فيها أمريكان وأوكران ومش هقول أتراك لأن المفروض المسيرات دي خلاص الأوكران هضموا شغلها
يبقى في يد ناتو شغالة وبفعالية
حساباتي لو في مكانه
-مش هخسر قطعة تانية ده تارجت 1
-هعدل وضعي بقى اللي هو عاوز أجيب جون التعادل
بره حسابات المعركة من الأول فقصة ماريوبول وخاركيف دي مش رد فعل ده هدف من الأول خالص
طيب الجديد إيه
الجديد إن الأوكران هددوا بضرب الجسر البري بين شبه جزيرة القرم وروسيا
كان رد روسيا
-طيب هو ده تهديد ارهابي
الرد التاني
-احنا دافعين فيه 3 مليار دولار (على ما أتذكر) ومعندناش فكرة خسارته
الرد الثالث
-طيب فيه حل ... اضربوه ولا مش تضربوه ده كلام تاني بس أنا هعمل طريق بري امتداد جغرافي بين القرم وروسيا ... 1 2 3 يلا يا قوات
تصعيد عملياتي على الأرض مايخليناش ناخد بالنا منه غير البروباجاندات وإن الأخبار أي حد بيخش بتويته ولا رد
بس في تصريحات بوتين بلاقي الحقيقة الصراحة
من ساعة ماقال مستعد للعقوبات أنا غسلت إيدي من كلامه بس بعد قرب شهرين ... طلع صح
فهو فيه نقطة تانيه
-الناتو بدأ يتحدث عن عدم منح انتصار روسي في أوركانيا ... هنعمل أي حاجه لأجل ماينتصرش هندي مسيرات واّدي مدافع واّدي دبابات
وطلع فيه سيزار وهاوتزر 155 ملم و ميلان مضاد للدبابات و50 مليون طلقة ومستشارين على الأرض وقوات ممكن
-دماغ بوتين ... طيب الموضوع سهل والعقوبات ملهاش لازمة وده معناه إن المحدد الرئيسي لعمليات الجيش الروسي في أوكرانيا مبقتش متعلقة بوقت وحملة خاطفة وتفاوض ... هو عنده حل يصبح كل يوم يوزع كام صاروخ كروز على كام مدينة ... ويصبح على الدفاع الجوي ... ويقوم نازل بقوات ابرار والشغل الرئيسي على المروحيات ولذلك الخسائر هنلاقيها كبيرة لكن مروحياته القتالية وفرت أمان للإبرار
وعينه عالحدود ... السلاح النوعي اللي هيقلقه هيضربه
ونفضل على كده 100 سنة عادي وهتبقى اشكاليته هي دوام الجنود الروس في أوكرانيا
فيبدأ يعمل تحريك لألوية من روسيا وبيلا روسيا زي مهام زمنية ويبدأ يعمل تدوير للقوات في أوكرانيا وفي نفس القوت عنده قوات ضاربة جوه روسيا غير دول للتدخل العاجل فيحالة حدوث اختلال توازن زي دخول الناتو مثلا والسلاح النووي وراه
برضك نقطة تانية ... تحت المياه في غواصات وهو الفترة الأخيرة عمل قفزة في غواصاته التقليدية والهجومية ومتعددة المهام والغواصات النووية يعني برضك في سلاح لسه مادخلش الحرب أصلا
بخلاف قوات تأمين العمق الروسي بداية من جوار ألاسكا لحاد بولندا
فهو يعني مش هيزهق ضرب وزيلينسكي مش هيزهق يقول أي وكل ده عداد خسائر وتنكيل بالأوكران بيوصل لحكومات الدول المحيطة
وشوية تلاقي بدل معونات عسكرية من الناتو ... معونات انسانية وبقت كده
فهو معندهوش مشكلة مع غرب أوكرانيا احتلاله زي عدمه حاليا طالما ارتأى خطر وصل له عن طريق إدارات القرار في روسيا ماهو مش هيرفع حالة الصواريخ النووية ويجرب الساتان ألا لرسالة ما ومش لازم يكون هو الفعل ممكن يكون رد فعل
هو لمح لضرب مصنع أزوفستال بالتكتيكي النووي لأنه محصن ضد الضربات النووية بس بيقول فيه مسلحين ومرتزقة والغرب طبعا مش عارف يفكهم منه واّخر جونسون إنه قال لو انضرب نووي هنرد بعيد عن الناتو .. ليه
لأن مزنوق في المصنع انجليز لو جثثهم ظهرت جونسون هيتشال وحجب ثقة
ده رأيي
بوتين بيفكر في حته سينمائية أكتر .. ليه أضرب نووي
طيب لما يطلع المرتزق ده وشكله لحم على عضم وأقول للميديا اللي عمل فيك كده جونسون مش أنا
ولا يطلع المرتزق جثه متعفنة
ترجمة الأمر ده وكده كده هو ماّل سيئ ماهو يا أسير مرتزق ومعاهدة جنيف ماتلزموش وده اللي صرح بيه الروس أو لو اتعامل بوضع إبقاء الحياة بس يتعمل عليه فيديو وفيلم وتحقيق أو خرج ميت بعد مالجوع والعطش قتلوه أو جات فيديوهات إن الأزوف بيهددوا المرتزقة بالموت لو فكروا يعملوا اتفاق مع قوات الحصار الروسي
أما السيناريو التاني إني هضرب المصنع وهطلع الجثث واخد المصنع بس ساعتها كل العالم هينسى حتة المرتزق ويخش في حق الشهيد
وبوتين كل اللي بيعمله إنه بيعكس سياسات جونسون على الشعب الإنجليزي عن طريق الأسرى فبيعمل له مشاكل داخلية
هي لعب شطرنج بس على عالي قوي
وأنا مصدق بوتين إن النظام العالمي مش هيفضل كده
وده كله مجبناش سيرة الإبن البار كيم في كوريا ولا الحليف القوي واللي يوم بعد يوم بيظهر خطورة وهو الصين
لكن لو اقتحام المدن ... قديروف باعت رجالة بتعمل تيكيتوك فيديو وسط الرصاص
يعني تحس قوات موردور كده والأوركس
شكرا