مرحبا بك في منتدى الشرق الأوسط للعلوم العسكرية

[House]

من فضلك, تسجيل الدخول أو تسجيل لعرض المحتوى !

ايوه وعشان تعمل ده محتاج شبكة قومية للجيل الخامس تقدر تربط كل حاجة قابلة للربط زي ما الامارات والسعودية وكل العالم اللي عايز يتقدم بالفعل بيعمل .. لكن عمرو طلعت مقتنع ان الجيل الخامس وما يرتبط بها من latency اقل تطبيقه مرتبط فقط بالثورة الصناعية الرابعة

بالنسبة للموبايلات فيه في مصر موبايلات سعرها اقل من ٤ الاف جنيه بتدعم الجيل الخامس .. الراجل ده لما بسمعه مرارتي بتتفقع

 

[hazem]

من فضلك, تسجيل الدخول أو تسجيل لعرض المحتوى !

الموضوع مش تكلفة بس لما الوزير نفسه عنده خلل لو قال تصريح زي ده
الموضوع محتاج ناس تيكنكال صرف وتيم كبير وتأهيل تقني والتزام وحاجات كتير مش موجودة للأسف

السعودية عندها سوبر كمبيوتر في جامعة في الرياض وعندها كوادر بدأت تجهزهم من أول 2010 وبتصرف
بالمناسبة فيب مصنع للألياف الضوئية أتعمل أو بيتعمل قريب ممكن ده أول الطريق

 

[House]

من فضلك, تسجيل الدخول أو تسجيل لعرض المحتوى !

نسيت ان اقمار leo مبتكنش ثابته فوق جزء معين باستمرار عكس اقمار geo .. وبالتالي هنحتاح عدد ضخم من الاقمار لتغطية مصر ٢٤ ساعة

 

[House]

من فضلك, تسجيل الدخول أو تسجيل لعرض المحتوى !

اعتقد مازال ممكن بعمل شبكة تغطي خطوط العرض المصرية .. ستار لينك هتغطي الكرة الارضية كلها ب ٣٠ الف قمر بتكلفة تقديرية ٢٠ الى ٣٠ مليار دولار .. يبقى تغطية خطوط العرض المصرية هيكلف تقديريا مثلا حوالي ٥ مليار دولار .. تكلفة كبيرة نسبيا لكن في مقابل فايدة كبيرة جدا .. وممكن حتى يشترك معانا في المشروع بلاد اخرى من اللي بتقع في نفس خطوط العرض لتوزيع التكلفة

 

[tayga]

رأيى بالنسبة لموضوع ال IOT وعملية الرقمنة بشكل عام وعلى الرغم من ايجابياتها الكثيرة ولكن هناك سلبيات ايضا مثل ان النظام مهما كان درجة تامينة يمكن اختراقة من مجموعات الهاكر اليسارية المعادية للحكومة او من بلدان معادية والتى سيمكنها سرقة بيانات كثيرة ليس عن الدولة ومؤسساتها فقط ولكن ايضا عن المصريين كاشخاص وهذة البيانات يمكن ان تستخدم فيما بعد ضد مصر والمصريين , لذلك من رأيى ان ال IOT وعملية الرقمنة يجب ان يكونوا بنسبة 75% مقابل نسبة 25% يدوى لعمل توازن

ومحدش يقول ان الحكومة عارفة بتعمل اية لان الحكومة ليست مثالية وترتكب اخطاء وللاسف فى هذا الموضوع بالذات ارى الحكومة تقلد الغرب بشكل اعمى

ابسط مثال على ما اقول هو ما تفعلة الصين عندما سرق هاكرز صينيين بيانات حوالى 145 مليون امريكى من وكالة تقارير الائتمان Equifax وايضا تم كشف الهاكرز الصينيين وهم يقرصنون بيانات من ثانى اكبر شركة للتامين الصحى فى امريكا Anthem

عملية الرقمنة وال IOT تحوى خطورة عالية لذلك يجب ان كون حذريين

 

[OSORIS]

ستارلينك ستجعل الأرض شبكة واي فاي مفتوحة وإيلون ماسك أول تريليونير في العالم !!​

سبيس إكس المملوكة لأغنى رجل في العالم إيلون ماسك تواصل إطلاق أقمار ستارلينك إلى مدار الأرض.​

هدف أقمار ستارلينك الصناعية مزودوج: ستغطي الأرض بالإنترنت عالي السرعة، خصوصًا المناطق الفقيرة والنائية – وستجعل إيلون ماسك أول تريليونير في العالم، وفقًا لتقرير صدر في أكتوبر من مورجان ستانلي.​

فما هو مشروع ستارلينك؟​

​

---

ما هو مشروع ستارلينك؟​

مشروع أطلقه إيلون ماسك عبر شركة سبيس إكس بهدف بيع اتصالات الإنترنت لأي شخص على الكوكب تقريبًا.​

يستهدف تغطية الأرض بـ 12,000 قمر صناعي لتصبح “كوكبًا مغطى كليًا بشبكة واي فاي عالية السرعة”.​

بدأ تطويره في 2015. وأطلق أول قمر نموذجي في 2018.​

؟​

1- المستخدمون مباشرة:​

مثل أي مزود اتصالات عبر الأقمار الصناعية، تريد ستارلينك بيع الإنترنت لأي مستخدم، خصوصًا الأشخاص في المناطق الريفية أو النائية في أي مكان في العالم.
هؤلاء يحتاجون طبق التقاط إشارة “يشبه طبق التليفزيون” وجهاز توجيه “يشبه الريسيفر”.

2- شركات الاتصالات:​

مشكلة مزودي خدمات الاتصالات الحاليين أن توسيع نطاق الخدمة، خصوصًا في المناطق النائية أو المحرومة من البنية التحتية، مكلف من ناحية، ومعقد تقنيًا من الأخرى، بما يجعلها “صفقة خاسرة”.
لكن ستارلينك تعد بمساعدة مزودي الخدمة على توسيع خدماتهم بتكلفة أقل؛ إذ لن تحتاج الشركات إلا لتركيب الأبراج وأطباق استقبال ستارلينك في المناطق التي لا تغطيها الوسائل التقليدية، ثم إعادة توجيه الاتصال الفضائي عبر الشبكة العادية.

---

إلى أي مدى حقق مشروع ستارلينك أهدافه حتى الآن؟​

لا تزال أقمار ستارلينك في مرحلة تجريبية.​

بعد سنوات من التطوير، وتأمين 885.5 مليون دولار من أموال المنح، سرعت ستارلينك وتيرتها في 2021، بإطلاق نحو 1,800 قمر تقريبًا. لكن الإجمالي أقل بكثير من الهدف الأولى (12,000 قمر)​

بخلاف ذلك، تتراوح سرعات نقل البيانات في حدها الأقصى حاليًا بين 50 إلى 150 ميجابت في الثانية، وزمن انتقال من 20 إلى 40 مللي ثانية، وهو أقل من وعد إيلون ماسك في فبراير بأن تضاعف الخدمة سرعاتها القصوى إلى 300 ميجابت في الثانية بحلول 2021. (وإن كان أكثر من سرعة الإنترنت في مدن في غرب أوروبا)​

تبقى كذلك مشكلة انقطاع الاتصال تمامًا لبعض الفترات، جزئيًا لعدم اكتمال الشبكة، وعمومًا بسبب طبيعة الاتصال الفضائي المعرض للتأثر بالعوامل الجوية.​

---

هل توفر إنترنت سريع وعالي السرعة فعلًا؟​

1- السعر:​

حاليًا، يحتاج استخدام ستارلينك في المناطق التي تغطيها تجريبيًا دفعة أولية 499 دولارًا مقابل طبق الاستقبال وجهاز التوجيه، ثم تكلفة 99 دولارًا شهريًا بخلاف الضرائب والرسوم، وهو مبلغ كبير مقارنة بأسعار الاتصال العادية بالإنترنت.
لكن إيلون ماسك يراهن على أن التكلفة تستحق العناء للأشخاص الذين عاشوا حتى الآن دون الوصول إلى اتصال سريع موثوق على الاطلاق.
وتقول سبيس إكس إنها تطور خططًا لتقليص الأسعار تدريجيًا مع توسع الخدمة.

2- الجودة:​

سيبقى الإنترنت الأرضى أعلى في سرعات التحميل والتنزيل من الإنترنت عبر الأقمار الصناعية.
مع ذلك، تعد ستارلينك بتحسين التوقعات الحالية عن طريق وضع الأقمار الصناعية في المدار على ارتفاعات أقل من ذي قبل – 60 مرة أقرب إلى سطح الأرض من الأقمار الصناعية التقليدية. سيعني هذا المدار الأرضي المنخفض أن هناك مسافة أقل لتقطعه الإشارات. وبالتالي، وقت استجابة أقل، وجودة أعلى.
لكن، وحتى لو لم يتحقق ذلك، يتوقع الخبراء أن خدمات مثل ستارلينك ستصل إلى الجزء الأكبر من المجتمعات المحرومة قبل وقت طويل من مد الألياف الضوئية اللازمة للإنترنت الأرضى.

من فضلك, تسجيل الدخول أو تسجيل لعرض المحتوي!

---

المريخ.. كيف دخل خطط ستارلينك؟​

تقول ستارلينك إنها تملك رؤية طويلة المدى لإيصال خدمات الاتصالات والإنترنت إلى الكوكب الأحمر!!​

وتتضمن شروط خدمة ستارلينك بندًا خاصًا بالمريخ؛ إذ يجب أن يوافق المستخدمون على أن المريخ كوكب حر غير مرتبط بسلطة أو سيادة أي حكومة مرتبطة بالأرض.​

---

كيف ستساعد ستارلينك إيلون ماسك ليصح أول تريليونير في العالم؟​

تنبأ مورجان ستانلي بتقييم أساسي بقيمة 100 مليار دولار لشبكة سبيس إكس مدفوعًا بشكل أساسي بابتكارات ستارلينك.​

قال التقرير إن إيلون ماسك أنشأ علاقة “تكافلية” بين عمليات إطلاق سبيس إكس وعمليات نشر أقمار ستارلينك بحيث يمكن للتقدم في أي قطاع أن يجني فوائد للآخر.​

سبيس إكس تملك صواريخ قابلة لإعادة الاستخدام، وهذا يقلل تكاليف نشر أقمار ستارلينك. بالمقابل، يؤدي نجاح إطلاق الأقمار إلى إكساب سبيس إكس عملاء جددا حول العالم، وأحدهم ناسا نفسها.​

تمويل ناسا بدوره يساعد سبيس إكس على إرسال أقمار ستارلينك جديدة.​

إرسال أقمار جديدة يعني توسيع وتحسين الخدمة وضم عملاء جدد. والأرباح ستساعد في تطوير صواريخ سبيس إكس.​

ومع كل تطوير سيأتي تمويل، وزيادة في أسعار الأسهم، والعملاء، وبالتالي الأرباح، بما يؤهل إيلون ماسك ليصبح في النهاية أول تريليونير في العالم.​

من فضلك, تسجيل الدخول أو تسجيل لعرض المحتوي!

 

[tayga]

من فضلك, تسجيل الدخول أو تسجيل لعرض المحتوى !

لا تصدق هذا الكلام الفارغ هذا المشروع هو عملية نصب ويمثل خطر كبير على الكوكب اذا تم السماح للنصاب ايلون ماسك باستكمال هذا المشروع

 

[OSORIS]

من فضلك, تسجيل الدخول أو تسجيل لعرض المحتوى !

صراحة انا بتعامل مع الطموحات الثورية دي تعامل المراقب الحذر خصوصا ان ايلون ماسك و جيف بيزوس وغيرهم من اللي بيقودوا ما يسمى بالثورة الصناعية الرابعة مش بيتحركوا من فراغ او بدون داعم او غطاء سواء رسمي او غير رسمي كمؤسسات مالية ضخمة اوتنظيمات شبه سياسية او لوبيات سياسية وصناعية ... فلازم نركز الضوء عليهم لان في حال تحقق ولو ٥٠٪ من اهدافهم دي ..هنشوف نقلة تانية خالص للحضارة الانسانية ككل وفي حال العكس يبقى اخذنا درس للمستقبل ... وكما قال ابو كمال في احدى مواعظه عن عبثية الحياة ونزوات الانسان المعاصر

 

[tayga]

من فضلك, تسجيل الدخول أو تسجيل لعرض المحتوى !

الاعتقاد ان شخص معين مدعوم من كيانات سياسية او اقتصادية ضخمة معناة ان ما يفعلة الشخص دا صحيح هو اعتقاد خاطىء لان دا مبنى على تصور ان الكيانات السياسية او الاقتصادية الضخمة هى (كلية المعرفة) وبالتالى هم عارفين بيعملوا اية ودا بيعتبر خطء ووهم لانة حتى الكيانات السياسية او الاقتصادية الضخمة لا تعرف كل شىء وبترتكب اخطاء وواحدة من الاخطاء دى هى دعم النصاب ايلون ماسك

دا فيديو من يوتيوبر اسمة Thunderf00t وهو عالم كيمياء بريطانى والصراحة هو بيكرة النصاب ماسك من كتر اللى شافة منة من كذب ونصب على الناس وكل فترة بيعمل فيديو بينتقد فية واحدة من ادعاءات النصاب ماسك الكاذبة والوهمية

وفى الفيديو دا بيعمل اعادة لكل نقدة السابق على كل ادعاءات النصاب ماسك وبعد كدة من الدقيقة 15:05 بيبدا فى نقد مشروع ستار لينك
انا مش هاقدر اترجم الفيديو كلة ولكن نقدة بيتركز فى عدة نقاط :

1- نقد ادعاء ماسك ان المشروع سيكون مربح وذلك بمقارنة التكاليف بالارباح وايضا نسبة الاشخاص حول العالم الذين لديهم القدرة على دفع ثمن الخدمة

2- نقد فعالية الدش والريسيفر وقدرتهم العملية على الاستمرار وخصوصا فى ظروف جوية صعبة وايضا استهلاكهم للكهرباء

3- نقد فعالية نظام ستار لينك على توصيل انترنت سريع لكل الناس وهذا لان اقمار ستار لينك هى عبارة عن روتار فضائى ومثلها مثل اى روتار اذا زاد عدد المستخدمين يصبح النت بطىء

4- تاثر وضع عشرات الاف من الاقمار الصناعية فى الفضاء (42 الف قمر صناعى لمشروع ستار لينك) وهذا يضع عراقيل امام علماء الفلك فى مراقبة الاجرام السماوية

5- اهم واخطر نقطة وهى ان سبيس اكس اعلنت ان اقمار ستار لينك عمرها الافتراضى هو 5 سنوات وبعدها سيلزم اطلاق نفس العدد من الاقمار الصناعية مرة اخرى وهذا سيزيد النفايات الفضائية فى مدار الارض بشكل خطير وسيسرع من ظاهر ( متلازمة كيسلر ) وفى النهاية سنجد انفسنا محبوسين فى الكوكب

 

[Raptor6]

من فضلك, تسجيل الدخول أو تسجيل لعرض المحتوى !

الموضوع في الوقت الحالي سهل جدا جدا فوق ما تتخيل ....صناعة الاقمار الصناعية Cubesats حاليا بقي ليها بيزنس موديل معين انك كشركة او مؤسسة تطلع بالفكرة بس و مهمة التصنيع والتجميع والاختبار بقي ليها شركات كتير حوالين العالم متخصصة في الموضوع ده بس تديها المواصفات تديك مجموعة اقمار جاهزة في اقل من سنة زي ما تروح للصين كتاجر تقولهم عاوز فانوس رمضان بيغني ويرقص ويعملوهولك في ظرف شهر و تيجي انت تبيعه في مصر لان التصاميم بقت modular و اجهزة الاتصالات بقت Software defined.... تكلفة ال cubesat الواحد بالتصنيع والاطلاق لا تتعدي المليون دولار لان مهمات الاطلاق حاليا بقت rideshare مع شركات تانية....وبالتالي لو عاوز تغطي دولة زي مصر محتاج تحط بتاع 20-30 قمر في مدار Polar orbit و التكلفة الكلية لن تتعدي ال 50 مليون دولار مع تكلفة المحطات و المعدات الارضية....بس تقول لمين و مين يسمع....الموضوع اكبر بكتير من حتي شبكة انترنت او خدمات حكومية....مصر ممكن تستفيد كتير في تطبيقات مدنية وعسكرية من الاقمار ال cubesats بس للاسف مفيش vision او حد فاهم يعرف الكلام ده ...... وكالة الفضاء بصورتها الحالية الامل فيها ضعيف للاسف و بقالهم بتاع 5 سنين بيتفاخروا بنماذج هندسية لاقمار اوكرانية وروسية محطناش فيها مسمار و كمان اهتمامها الحالي متركز علي اقمار الجامعات اللي مبيتمش اطلاقها و علي بروتوكولات التعاون مع الجامعات في مصر

 

[Raptor6]

من فضلك, تسجيل الدخول أو تسجيل لعرض المحتوى !

اقمار starlink الجديدة فيها خاصية deorbit او نظام دفع للغلاف الجوي بعد انتهاء العمر الافتراضي للقمر عشان يتحرق بالاحتكاك..ودي هتبقي خاصية لاي قمر هيتم اطلاقه مستقبلا ان ينحرف للغلاف الجوي او يروح للمدار المقبرة او ال graveyard orbit

 

[tayga]

@Raptor6

لو شفت الفيديو هتلاقية ذكر النقطة دى فى الدقيقة 30:4 جايب خبر بيتكلم ان عدد من الاقمار التى تم اطلاقها فشل ومع ذلك خاصية الدفع للغلاف الجوي لم تعمل وبقيت هذة الاقمار فى مدارها كنفايات فضائية

 

[Raptor6]

من فضلك, تسجيل الدخول أو تسجيل لعرض المحتوى !

دي مشكلة عند شركات ايلون بصفة عامة انها عايزة تحقق KPIs باسرع وقت ممكن علي حساب الجودة ....بس ال regulators في امريكا هينفخوه في موضوع الاقمار ده تحديدا لو حصل اي مشاكل مستقبلية

 

[Raptor6]

من فضلك, تسجيل الدخول أو تسجيل لعرض المحتوى !

عايز الصراحة؟ ال 5G في مصر حاليا مش economically viable ...مفيش عندك كمية ال IoT devices اللي انت محتاجلها شبكة بقوة ال 5G عشان تدعمها و كمان مفيش تطبيقات Low latency اوي ومعظم اجهزة ال IoT في مصر بتعتمد علي شبكات 3G حاليا.... الميزة الوحيدة هتبقي السرعة الاعلي للنت و دي كمان مش هتعرف تبيعها اوي في مصر لان الناس كلها ماشية بباقات نت صغيرة و ال 4G اصلا بيسحبها بسرعة ....الموضوع اقتصادي بحت مش غلاسة ولا حاجه...لو كان في فايدة اقتصادية هتلاقي شركات المحمول نفسها هي اللي بتتخانق عشان تنزله مصر

 

[hazem]

من فضلك, تسجيل الدخول أو تسجيل لعرض المحتوى !

أختلف معاك أستاذنا في شركات في مصر مستنية ال 5G علشان التطبيقات اللي عايزة تعملها
أنا عن نفسي عملت Architecture ل أبلكيشن ليه علاقة بالمستشفيات وسراير العناية المركزة والروتنج لأقرب سرير وهكذا ووقفنا في حتة internet speed وقد أيه الداتا مش هتبقي واقعية بسبب السرعة
ضيف علي ده تطبيقات وسائل المواصلات في أفكار كتير تساعد في حل مشكلة المرور بس برضة من غير 5G الداتا هتبقي أوت ديتيد وملهاش لازمة

 

[Raptor6]

من فضلك, تسجيل الدخول أو تسجيل لعرض المحتوى !

الفكرة ان دي كلها مبادرات محدودة يعني انا كشركة مش هعمل roll out لشبكة 5G بمليارات و انا شايف الماركت لسه مش محتاجها بشكل مجدي ماديا

 

[House]

من فضلك, تسجيل الدخول أو تسجيل لعرض المحتوى !

ايلون ماسك قال انهم قدروا يوصلوا بتكلفة القمر الواحد ٢٥٠ الف دولار .. وبيطلقوا عشرات الاقمار في المرة الواحدة .. عملية الاطلاق نفسها بصاروخ فالكون ٩ المعاد استخدامه بتكلف حوالي ٥٠٠ الف دولار .. تقديراته ان تكلفة المشروع بالكامل هتكون حوالي ٢٠ الى ٣٠ مليار دولار لاطلاق حوالي ٣٠ الف قمر

من فضلك, تسجيل الدخول أو تسجيل لعرض المحتوى !

هي الفكرة مش تغطية مصر بس .. الفكرة ان الاقمار دي لازم توفر سرعة عالية (عشان كده لازم تبقى في مدار leo) .. وكمان عددها المتوفر في الخدمة يكون كبير عشان يوفر الخدمة لعدد كبير من الناس في نفس الوقت نظرا لمحدودية العدد اللي ممكن يتصل بقمر واحد في نفس الوقت قبل ما تتردى مستوى الخدمة

نفس الامر على فكرة مع ستار لينك وغيرها .. الناس فاكره انها هتتيح خدمة الانترنت للجميع .. لكنها في الحقيقة موجهة اكتر للمناطق النائية وقليلة الكثافة السكانية نظرا لمحدودية قدرة القمر الواحد على الاتصال بعدد معين من الافراد حتى لا تسوء الخدمة .. لكن ده في استخدام الانترنت وتشغيل الملتيمديا والالعاب الاونلاين وخلافه .. لكن اعتقد بالنسبة للخدمات الحكومية والتعاملات المالية هيكون الامر اسهل يمكن اتاحتها للجميع .. او على الاقل هتحل مشكلة المناطق النائية وتوابع القرى في مصر

SpaceX CEO Elon Musk has pointed out the satellite technology would struggle to supply enough internet bandwidth to users residing in heavily populated locations. “Starlink is great for low to medium population density. But satellites are not great for high-density urban,” he told Joe Rogan in a February

من فضلك, تسجيل الدخول أو تسجيل لعرض المحتوي!

. “So you’re actually better off having

من فضلك, تسجيل الدخول أو تسجيل لعرض المحتوي!

for that.”

من فضلك, تسجيل الدخول أو تسجيل لعرض المحتوى !

يعني لو كنا من البداية جهزنا العاصمة الادارية والعلمين والمدن الجديدة ببنية تحتية 5g وكمان بنية تحتية للسيارات الكهربية ووفرنا في جراجات العمارات اللي اتبنت شواحن كهربا جاهزة .. كان ده رفع من قيمة المدن دي جدا واهلها بجد للسيارات الكهربائية والقيادة الذاتية .. وخلاها مدن جيل خامس مش جيل رابع .. وكان ده جذب الشركات والافراد على استخدام اجهزة iot .. انا مقتنع بجملة محمد بن راشد .. build it and they will come

 

[Aymanop1522]

من فضلك, تسجيل الدخول أو تسجيل لعرض المحتوى !

العاصمة الإدارية مجهزة لل 5،g وهيشتغل هناك

 

[House]

من فضلك, تسجيل الدخول أو تسجيل لعرض المحتوى !

لا تشغيل تجريبي فقط الي بيتم .. لكن مفيش نية حاليا لتعميميه عليها .. اكيد في المستقبل هيتم .. غالبا زي شبكات الجيل الرابع هنكون من اواخر دول العالم في استخدامها

 

[Raptor6]

من فضلك, تسجيل الدخول أو تسجيل لعرض المحتوى !

ان كان علي الخدمات الحكومية فا انت عندك طيبة 1 يحل المشكلة ...انت مش هتفرق معاك ال latency اوي هنا