رغم انة مش كفاية لاكن هو دا قصدي
فكنا من الدلتا دلوقتي . احنا عندنا فعلا فرصة لخلخلة التكدس السكاني فالصعيد زي محصل فالقاهرة
بسبب العدد الكبير دا للمدن الجديدة بالاضافة لقربها الكبير من التكتلات السكانية
بشرط انها تراعي خصوصية التفكير الريفي اللي بتفضل امتلاك بيت خاص عن امتلاك شقة في عمارة او كمبوند
يعني انت مشاء الله عندك الصحراء مترامية الاطراف خد حتة ارض كبيرة وقطعها واعرضها للبيع بسعر منخفض مغري
والدولة تتحمل تكاليف الخدمات والمرافق واضمنلك في عشر سنين تنجح في خلق مجتمعات عمرانية كبيرة فالمدن دي
مبارك في اخر فتراتة كان عمل مشروع اسمة ابني بيتك بنفس الاسلوب دا والاقبال علية كان كبير جدا وكانت هتبقي انجح
تجارب المجتمعات العمرانية الجديدة لولا الانعدام الشبة كلي للخدمات فالاحياء دي .ومع ذالك في عشرات الاف الاسر حاليا
فالاحياء دي في اكتوبر والعاشر معظمهم جايين من الشرقية واطراف القاهرة الريفية . لية منكررش التجربة دي ونضيف لها تحسينات
في مدن الصعيد الجديدة.احنا في حاجة شديدة لاخراج الناس من الوادي الضيق دا