-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة مستمرة بوابة مصر الإقتصادية
- بادئ الموضوع Lion84
- تاريخ البدء
-
- الوسوم
- اقتصاد الجمهورية الجديدة مصر
من فضلك,
تسجيل الدخول
أو
تسجيل
لعرض المحتوي!
Seif Mahmoud
28 mins · Facebook for Android ·
🔴 شركات العالم بتيجي شركة ورا التانية، عشان تصنع في مصر، طيب بص كده 👇
● شركة (( بيكو - Beko )) التركية، تنتهي من انشاء مصنع علي مساحة 114 الف متر مربع في مدينة العاشر من رمضان، لإنتاج الثلاجات والأفران كمرحلة أولي،و ستدخل جميع الأجهزة الكهربائية التصنيع مرحلياً،
● سيتم تصدير 60% من الإنتاج إلى أوروبا والشرق الأوسط وأفريقيا و ستحمل عبارة (( صنع في مصر ))،
● برضه مش فاهم أنا الناس اللي جيه تصنع عندنا دي 😄 مش احنا بنفلس ! 😎
#ماركر #Marker #سيف_محمود #الجمهورية_الجديدة
توقّعي الحكومة تعمل إيه في الدولار غدا إن شاء الله
-
هترفع الدولار - وهتضع قيود صارمة عليه وعلى تداوله
فاللي ما كانش مخزّن دولار هيخسر وهوّا بيشتري الدولار بالسعر الجديد
واللي كان مخزّن دولار - هيلبس - لإنّه مش هيعرف يعمل بيه حاجة
أو هيعمل بيه على فترات متباعدة تضيّع عليه مكسبه
-
الحكومة بتوصّل رسال للشعب بإنّه ( مش هتعرف تكسب من تجارة العملة )
وأنا شخصيّا مع الحكومة ( في الجزئيّة دي )
وجود مساحة لتجارة العملة في أيّ اقتصاد - تخربه
-
أي نعم الحكومة بتحارب المساحة دي - لكن ما تنساش إنّها هيّا اللي صنعتها أساسا - بقراراتها المتأخّرة دائما
قرار التعويم في 2016 كنّا بنطالب بيه من قبله بسنين
وقرار التعويم في 2022 كنّا بنطالب بيه من قبله
والقرار بتاع 15 سبتمبر ( لو حصل ) فاحنا بنطالب بيه من مارس
-
شوف حضرتك - تجيبها كده - تجيلها كده - هيّا كده
ما حدّش يقدر يصنع عالم وهميّ للاقتصاد - الاقتصاد غصب عنّك هيكسر كلّ السدود اللي هتعملها عليه - ولازم يوصل للحرّيّة الكاملة
لو كان من 20 سنة مصر مشت بسياسة نقديّة كاملة الحرّيّة - ما كانش زماننا وصلنا للي إحنا فيه ده
-
لو سعر الدولار الحقيقيّ 22 - وإنتا بتقول 19 - فده معناه إنّك بتدفع من جيبك 3 جنيه على كلّ دولار
ال 3 جنيه دول همّا مخدّر حضرتك بتحطّه في جسم الاقتصاد - مسكّن - كلّ دوره هو ( إخفاء ) المشكلة - لكن مش ( حلّها )
زيّه زيّ أيّ مسكّن - وغالبا المسكّنات في الحالة دي بتسبّب تفاقم الكارثة تحت الجلد
-
وبعدين إنتا أساسا هتجيب سعر المسكّنات منين ؟!!!
إنتا تطلع مين في حجم اقتصادك يعني عشان تتخيّل إنّك تقدر تسيطر على الاقتصاد وتفضل تدعم الدولار للأبد
معاك كام ف الحصّالة يعني - وهتقدر تصرف منّه لحدّ إمتى وإنتا بتحطّ مسكّنات للدولار
-
الكوارث دي سببها هو تدخّل السياسة في الاقتصاد
كلّ واحد يهمّه الاستقرار أكتر من الاقتصاد - فلا هيفلح في الاقتصاد - ولا هيحقّق استقرار !!!
-
زيّ ما فيه قاعدة بتقول
أولئك الذين يستبدلون الحرّيّة بالأمن - لا يستحقّون كليهما
أنا بقول
أولئك الذين يستبدلون الاقتصاد بالاستقرار - لا يستحقّون كليهما
استاذى العزيز فى شوية كلام مش مظبوط فى الكلام ده التعويم اتعمل وخلص لا يوجد شىء اسمه تعويم اخر ولكن ما كان عليه الحال هو التعويم المدار وده بعد التعويم فى ٢٠١٦ وده هو اللى كان بيتم التعامل به من البنك المركزي علشان الدولار لايقفز قفزه تدمر الاقتصاد.
والباقى متفق معه طبعاً
وللعلم التجار الان بيحسبوا المنتجات على ٢٣ جنية للاسف مع أن ده مش حاصل وكمان ده تمنه فى السوق السوداء.
وللاسف كمان فى مستوردين وبالخصوص مستوردين السيارات هو المثال الواضح بيحسبوا الدولار على ٢٧ جنية وطبعا ده كله تهريج.
وبالفعل لازم يتم ضرب الناس دى وكمان ضرب اللى ليعتبر الدولار زى الأراضي والدخل والعقارات وبتتعامل معه على أنه استثمار.
ولكن هناك شىء بسيط ما سيحدث ليس تحرير العمله كما يقال من البعض اللى هيحصل أن سعر الدولار هيتم ضربة لأن لو الدولة تعاملت بناء على ما تم الفترة اللى فاتت من تقرير ومقالات عن أن السعر يصل لـ ٢٤ على سنة ٢٠٢٦ فالموضوع هيكون مصلحة أن كل اللى يقدر يشيل دولار يشيل لأنه هيطلع زى ما كل الخبراء قالوا ولكن ما سيحدث هو العكس كبداية وسيتم ضرب سعر الدولار وتخفيضه حتى يستطيع سحب كل الدولارات من السوق كما حدث من قبل مرتين ولكن الماس بتنسى.
وبعد ذلك سيتم رفعه بالتدريج تانى وهو ده التوقع الاكثر واقعية لانه لو ترك ووصل إلى ٢٢ أو ٢٤ فى وقت قصير هتكون كارثة على السوق وهتشل الحركة تماماً.
وممكن يطبق الإجراءات التى ذكرت فى البوست اللى حضرتك إضفته بعد الضربة التى ستتم اولا حتى يتم سحب العملة من السوق.
ولكن أيضا ممكن اللى يحدث أن يفضل سعر الدولار على نفس حاله الآن ومع ذلك لا توقع هذا لأنه وضع مؤذى للسوق أيضاً.
وطبعا أنا بنقل ما أره فى السوق ولكنى لست متخصص ولكنى صانع واعرف لو حدث ذلك وتم تحرير الدولار تمام لن يكون مفيد يوجد حد لا ينفع أن الدولة تتخطاه والا هتكون كارثة على الشعب.
التعديل الأخير:
اسمحلي اختلف معاك
التعويم المدار هو في الآخر تعويم
كان افضل نسيب الدولار ياخد مجراه بعد التعويم الأول والبلد اخدت الصدمة وخلاص وكان يتم تداوله حسب سعره الحقيقي عندما تخطي ١٩ جنيه وقرار دعم الجنيه عشان يزيد الي اقل من ١٦ جنيه مقابل الدولار كان خطأ كبير لأن مفيش حاجه رخصت نتيجة انخفاض الدولار في حين الدولة خسرت قيمة دعمها لقيمة الجنيه
كلام تمام
مش لازم نختلف لانى متفق معاك فى الجزء ده فعلاً وياريت كان حصل كده لأن بالفعل السوق كمان ضرب الأسعار فى اتنين لبعض المنتجات وتلاته للبعض الآخر وكان الوضع استقر وانتهت القصة.
صناديق خليجية تبدى رغبة فى شراء نسبة فى «حلوان للأسمدة»
عقب إتمام صفقات «أبوقير» و«موبكو»
من فضلك,
تسجيل الدخول
أو
تسجيل
لعرض المحتوي!
المواضيع المشابهة
