بصراحة انا عندي طرح بعيد شوية…. بس الفكرة مش عاوزة تخرج من دماغي عشان كده هقولها.
انا شاكك في البرهان نفسه ان ليه ايد في اللي حصل لقواتنا .
ازاي… .
البرهان الفتره الاخيرة تحركاته كانت بعيدة عن مصر ، وده يدينا مؤشر ان كان عاوز يلخص من الوصاية المصرية وبالتالي قوانتا الموجوده علي الارض عنده ...
بس اعتقد انه مكنش عارف يعمل كده… .. بالتالي باللي عمله حميدتي ضرب عصفورين بحجر :
الاول خلص من منافسه الاول " حميدتي" .
التاني قواتنا خرجت من عنده وبدون ما يكون في الصورة .
اصلي مش معقول القاعدة تتسلم بسهولة كده يا جماعة وواضح جدا ان قواتنا اتخدت علي غفلة… .. ده بعضهم باللبس الملكي .
ربما يكون طرح بعيد شوية… .. بس الفكرة مش عاوزة تخرج من دماغي .
لا اتمني خروج قواتنا من السودان لعدة اسباب:
اولها ان رجوعك هناك تاني هيكون صعب جدا. .
ثانيها: ان دي خسارة كبيرة لينا وانتصار كبيرة لسياسية الكماشة اللي بتعملها دول الخليج لينا مؤخرا.