مرحبا بك في منتدى الشرق الأوسط للعلوم العسكرية

انضم إلينا الآن للوصول إلى جميع ميزاتنا. بمجرد التسجيل وتسجيل الدخول ، ستتمكن من إنشاء مواضيع ونشر الردود على المواضيع الحالية وإعطاء سمعة لزملائك الأعضاء والحصول على برنامج المراسلة الخاص بك وغير ذلك الكثير. إنها أيضًا سريعة ومجانية تمامًا ، فماذا تنتظر؟
  • يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......

هام جماعة الAfrocentrism ومحاولات سرقة التاريخ المصرى القديم

هام

Shokry

ولقلبي أنتِ بعد الدين دين
طاقم الإدارة
إنضم
18 نوفمبر 2021
المشاركات
20,223
مستوى التفاعل
74,998
النقاط
238
المستوي
11
الرتب
11
زاهي حواس: لا توجد حضارة مثل حضارتنا.. و"شيخ سنغالي رأى تمثال رمسيس باللون الأسود فقال حضارة مصر سوداء"
31-8-2023 | 02:35
زاهي حواس لا توجد حضارة مثل حضارتنا و شيخ سنغالي رأى تمثال رمسيس باللون الأسود فقال حضارة مصر سوداء
عالم الآثار المصرية الدكتور زاهي حواس
من فضلك, تسجيل الدخول أو تسجيل لعرض المحتوي!
من فضلك, تسجيل الدخول أو تسجيل لعرض المحتوي!
من فضلك, تسجيل الدخول أو تسجيل لعرض المحتوي!
من فضلك, تسجيل الدخول أو تسجيل لعرض المحتوي!
من فضلك, تسجيل الدخول أو تسجيل لعرض المحتوي!
من فضلك, تسجيل الدخول أو تسجيل لعرض المحتوي!



مدحت عاصم

رد الدكتور زاهي حواس، عالم الآثار الكبير، على محاولات التشكيك في الحضارة المصرية وأصل الفراعنة القدماء.
موضوعات مقترحة
من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

من فضلك, تسجيل الدخول أو تسجيل لعرض المحتوي!

وأضاف حواس خلال لقائه مع الإعلامي أحمد موسى، ببرنامج «على مسئوليتي»، المذاع على قناة صدى البلد، معلقا: «هناك شيخ سنغالي رأى تمثال لرمسيس الثاني وتوت عنخ آمون باللون الأسود، ولهذا علق أن حضارة مصر سوداء، وكل هذه المعلومات خاطئة».
وتابع زاهي حواس: بدأت الأقلية الإفريقية في أمريكا باعتقاد أن أصل الفراعنة إفريقي، نافيا كون الملكة كليوباترا بيضاء أو سوداء اللون، وإنما كانت مقدونية.
وقال عالم الآثار الكبير: سئلت في كلومبس أوهايو من قبل الأفارقة عن سبب رفضي كون الفراعنة أصحاب بشرة سمراء، ورديت بأن المصري القديم مصور على المعابد في الدولة الوسطة والحديثة، فلم يكن شكله أسود على الإطلاق.
ونوه حواس: وجهة نظري الشخصية أن أصل المصريين مصريين، بدليل أن الحضارة قامت في مصر بمقومات مصرية كاملة سواء الأحجار أو البازلت، بعد تجميعهم من كل أرجاء محافظات الصعيد.
واختتم: محاولات التشكيك في مصر مستمرة من الخارج؛ لأنه لا توجد حضارة مثل حضارتنا، وكسبت جولة الرد على الإيطاليين حينما قالوا «إن الأهرامات بنيت عن طريق الفضائيين»، وذلك من خلال مساعدة صديق مصري في إيطاليا لعب دور الكومبارس خلال أحاديثي معهم.

من فضلك, تسجيل الدخول أو تسجيل لعرض المحتوي!
 

Sinuhe

عضو
إنضم
20 أكتوبر 2023
المشاركات
41
مستوى التفاعل
171
النقاط
33
Country flag
..نقص وضعف الدراسات السياسيه المصريه ذات الطابع النفسي الاجتماعي التحليلي اخد اسباب ضعف السياسه المصريه الخارجيه لانهم بيتعاملوا كمسؤولين مصريين مع ناس مش فاهمينهم
عقد السودانيين اللي بتشكل منطلقاتهم الخارجيه والسلوكيه في التعامل ومنها علاقاتهم الخارجيه فهمها مهم جدا لتفكيك طبيعه شخصيتهم للولوج اليها

من فضلك, تسجيل الدخول أو تسجيل لعرض المحتوي!
 
  • إعجاب
التفاعلات: hazem

Sinuhe

عضو
إنضم
20 أكتوبر 2023
المشاركات
41
مستوى التفاعل
171
النقاط
33
Country flag
* بالتأكيد الكلام هنا مش عن أهلنا بالنوبة" الحالية" و أسوان..
"الجزء الغامق " في الخريطة " النوبة الجنوبية - كوش" و حاليا مسمين أهل مصر " المحتلين"!!..

- صورهم المصري القديم بباروكة علي الرأس و أحيانا ريشة و حلق و شفاه غليظة.
- و كتبهم في الكتابات الهيروغليفية "كاش" باستخدام علامة سلسة الجبال " 𓈉 " تأكيد علي انهم دولة أجنبية لم تكن مصرية بأي حال...

سكان هذه المنطقة الحالين بياخدوا كلام علي لسان بعض المصريين و بيستخدموه ضدنا و بيكونوا أعداد كبيرة و مجموعات من الأساتذة و العلماء علشان يهاجمونا
بالأدلة العلمية و التاريخية و دي النقط اللي بيشاركوها
مع بعض👇

١ - شعب مصر الحالي هم عرب و يونانين و محتلين ارض كيميت و المصريين القدماء تم تهجيرهم..

٢ - العرب مش بيحافظوا علي "آثارهم " و بيدمروا "تاريخهم" اللي لازم يبقي في وقفة لينا !

٣ - بيستخدموا آبحاث و تحاليل DNA علشان يثبتوا نسبهم للمومياوات.

٤ - بيعلموا اللغة المصرية القديمة و الكتابات الهيروغليفية و بيطلعوا كتب لتعليمها بترجماتهم و بيتم نشرها علي نطاق واسع.

٥ - بدأ يدوروا علي كلمات متشابهة بين لغتنا القديمة و كلماتهم و عادات و تقاليد و ملابس متشابهة

٦- بيعملوا ضغط رهيب علي كل اصحاب البشرة الداكنة علي اعتناق الديانة اللي بيسموها " كيميتية " و بيأكدوا علي اهمية الثقافة و العلم لان هما شايفين ان احنا ساكتين و مش عارفين نرد و لما بنرد عليهم بنرد باسلوب غير متحضر لان احنا مش واثقين من نفسنا و عارفين ان احنا محتلين!!

٧- و اخيرا بقي في البعض منهم بيعلق علينا بامشوا و سيبولنا ارضنا!

ارجو من الجميع الوعي بخطورة الموقف اللي مصر فيه و انها علي مدار التاريخ هي مطمع.
مايبقاش الشعب المصري " عدو نفسه"..
خدوا بالكوا من كل كلمة بتتقال.

#تعلم_الهيروغليفية
#لغتنا_القديمة
من فضلك, تسجيل الدخول أو تسجيل لعرض المحتوي!
 

MaD84

عضو معروف
إنضم
29 نوفمبر 2021
المشاركات
1,961
مستوى التفاعل
6,402
النقاط
238
المستوي
1
الرتب
1
Country flag
بمناسبة السنغال .....
احنا لو فضيلنا بالوضع دة هنسيب الدنيا ليهم...

اه معلومة الشركة دى فمصر.


من فضلك, تسجيل الدخول أو تسجيل لعرض المحتوي!
 

مرمبتاح

عضو معروف
إنضم
21 نوفمبر 2021
المشاركات
5,018
مستوى التفاعل
17,228
النقاط
238
المستوي
5
الرتب
5
الأفروسنتريك منبهرين بالتاريخ المصري...و بينسبوا أنفسهم له وفكرهم ان المصري قديمًا تم تهجيره و سكن مكانه يونانيين و عرب، كلام لا يصدر إلا من أشخاص ليس لديهم أي دراية بتاريخ مصر خلال ال٢٣٠٠ سنة الماضية!

فيه قصص كتير عن مواجهة #الأقباط للحضور اليوناني في الإسكندرية بعد دخول الإسكندر، من تلك الأمثلة:

• المعبود سيراپيس اللي إبتدعه #اليونانيين بمزج الميثولوچيا المصرية باليونانية و لكنه قوبل بالكثير من الرفض من الجانب المصري لرفضهم للآلهة اليونانية

• #مومياوات و بورتريهات #الفيوم اللي اتعمل عليها أبحاث و ثبت إنها لأشخاص مصريين و رفضوا الديانة اليونانية و تم تحنيطهم و تكفينهم على الطريقة المصرية القديمة و تصويرهم بالعنخ و وضع البورتريهات تماماً مثل الأقنعة الجنائزية في مصر القديمة.

• التاريخ المدون للكنيسة القبطية في القرون الميلادية الأولى له دور كبير في الرد على مزاعم الأفروسنتريك،
أولاً أن المصري القديم لم يبرح مكانه يوماً واحداً و قام بتسجيل النصوص الدينية المسيحية باللغة المصرية القديمة (بالخط القبطي)

• الأيقونة القبطية و الفن الكنسي المستوحى بالكامل من رسوم المعابد المصرية القديمة..

• الأكلات النباتية التي ابتكرها الأقباط المسيحيين لتتوافق مع الأصوام التي فرضتها عليهم المسيحية فقاموا باختراع البصارة و الفلافل (أسماء باللغة المصرية القديمة معناها ذات الفول الكثير)

• وضعت الكنيسة المصرية من القرن الأول كلمة أقباط قبل مسيحيين للتمييز بينهم و بين المسيحيين الآخرين في العالم فظل هذا نوع دائم من التسجيل ان المسيحي القبطي غير المسيحي اليوناني (من حيث حاجات كتير، مثل اللغة و العرق و المعتقد فيما بعد) كلاهما ينتمي لنفس الدين لكن فيه فصل بينهم و لعل أشهر الإنشقاقات بين مسيحيين الأقباط و اليونانيين حدث لسبب لغوي و البعد بينهما!

🔴 هل الأفروسنتريك على دراية بكل ده؟

• هل هم على دراية ان ألحان #الكنيسة عندنا هي نفسها الألحان المصرية القديمة و نغماتها فضل المصري حافظها حتى بعد دخول المسيحية و وضع لها كلمات تناسب المعتقد المسيحي مع الإبقاء على باقي اللحن، زي لحن غولغوثا و إپؤرو و غيرهم.

• هل هم على دراية إن باباوات الكنيسة الأوائل كانوا متطلعين على الكتابات المصرية القديمة لدرجة ان المؤرخ روفينوس الأكويني بيقول إن البابا كيرلس الأول كان قارئ لكتابات تحوت!

• وفيه موقف عن لقاء بين البابا أثناسيوس و كاهن للديانة المصرية القديمة و قد ايه كان فيه بينهم تناغم لما وجداه من تشابه بين الصليب القبطي في يد البابا و العنخ في يد الكاهن.

• هل هم على دراية أن التقويم المصري القديم و شهوره (توت بابا هاتور ...) لم ينقطع استخدامها في بيت القبطي يوماً واحداً.

• هل #الأفروسنتريك يعرفوا اننا لسة بنغني وحوي يا وحوي إياحا في بداية رمضان من كل عام، منذ انتصار الملك أحمس و عودته لأمه إياح حتب في بداية الشهر القمري.

• هل عندهم دراية بالزخارف المصرية القديمة في المساجد؟

• هم فاكرين ان المصري القديم فجأة اختفى و بقا فيه واحد بيتكلم عربي مكانه، ميعرفوش ان المصري عمره ما اختفى و لا لغته اختفت بل مازالت القبطية مستخدمة و المصطلحات المصرية القديمة حاضرة في العامية المصرية زي ما هي نفسها من آلاف السنين!

• ميعرفوش ان التحول من اللغة القبطية للعربية كان تمنه غالي و مؤلم و اتفرض على المصري بالقوة و التحول كان في غاية القسوة و كله متسجل.

• هل هم على دراية ان الأسماء المصرية القديمة مازال يستخدمها الأقباط (الأسماء إللي الأفروسنتريك ميعرفوهاش، اسماء ليست أسماء #ملوك فقط) زي صرابامون ( ابن رع المنتسب لآمون) أو بيشوي (العالي أو السامي)... واسم ميريت ومينا وايزيس كل دي أسماء مصرية قديمة

• هل هم على الدراية ان المصري فضّل تحمل الاضطهاد الروماني على أن يترك أرضه لدرجة أن فيه مدن كانت تغرق بدما.ء الأقباط.. زي إسنا و أنصنا.

• هل الأفروسنتريك يعرفوا حاجة عن الثورة #البشمورية المناهضة للإحتلال العربي أو ثورات المصريين الأخرى في مختلف العصور؟

• تاريخ المصري كله متسجل و مدون و لم ينقطع تدوينه أبداً بالقبطية إلى جانب العربية فيما بعد.

• من القصص اللي بتؤكد ان #المصري مش #عربي ولا إفر.يقي موقف حصل في عهد عبد الملك ابن مروان، وجد فيه المصري نفسه في مواجهة الإتنين.

• في وقت الثورة البشمورية أرسل ملك إفريقي يدعى (كرياقوس) ملك ماكوريا (المقرة) في السودان حالياّ رسالة إلى البابا القبطي حينها البابا ميخائيل الأول و شهرته "خائيل" و عرض عليه أن يتدخل بجيشه لمساعدة المصريين وبالفعل كان جيشه اتحرك نحو مصر، ولكن البابا رفض التدخل و طلب منه العودة إلى بلاده و يترك شأن المصريين للمصريين.

أحداث كتير لا يكفيها كتب أو مجلدات، كلها تثبت انك نفس المصري القديم اللي عاصر تحول الحقبة المصرية و بيصارع لإسترجاعها من جيل لجيل...
𓂋𓍿𓀂𓁐𓏥𓈖𓆎𓅓𓏏𓊖
©️ 𓂋𓍿𓀂𓁐𓏥𓈖𓆎𓅓𓏏𓊖

#القومية_المصرية
#المركزية_الأفريقية
#الهوية_المصرية #مصري_مش_عربي
#مصر_ليست_عربية

 

مرمبتاح

عضو معروف
إنضم
21 نوفمبر 2021
المشاركات
5,018
مستوى التفاعل
17,228
النقاط
238
المستوي
5
الرتب
5
من فضلك, تسجيل الدخول أو تسجيل لعرض المحتوي!

•• ترويج للمركزية الافريقية على أكبر قناة اىىىرا ئيلية! ••

اللي قدامكم باختصار هو قناة i24 NEWS الاىىىرائيلية وهي القناة الأكبر في اىىىرائيل ومن الأكبر في الشرق الأوسط وعندها قنوات بُلغات متعددة حول العالم.

من 9 شهور القناة استضافت رجل أعمال أمريكي من أصل افريقي اسمه Dexter Caffey بيزعم أنه أجرى اختبار DNA مع شركة 23andme وحسب كلامه اكتشف أنه حفيد الملك المصري رمسيس الثالث. لكن هل فعلاً الدراسة تربط بينه وبين رمسيس؟

رجل الأعمال Dexter Caffey مؤسس شركة اسمها Smart Eye و اللي اخدت من "عين ودجت" المصرية الشهيرة رمز لها، المذيعة الاىىىرائيلية بعدها عرضت صورة لتماثيل الملوك سيتي الأول ورمسيس الثالث وبتقول لضيفها أنه شكله شبههم.. والراجل فخور جداً وفضل يكرر جملة "أنا أصولي مصرية!" طول اللقاء.

اتضح أيضاً خلال اللقاء أنه زار اىىىرا ئيل اكتر من مرة قبل اللقاء مع قناة i24 NEWS.

مش هنستغرب أبداً أي دعم اىىىـرا ئيلي للمركزية الافريقية لأن فيه جمعيات كتير في أمريكا مملوكة لرجال أعمال يـ ه ود أو اىىىر ا ئيليين بتساعد على نشر المركزية الافريقية وترويجها على أوسع نطاق في المجتمع الغربي وبينهم تقارب فِكري واضح لأن الإتنين متعلقين بمظلوميات واهية لا وجود لها تاريخياً عشان يبرروا مطالباتهم في أراضي وتراث الدول الأخرى.

🔴 الراجل دة بيقول كلام صح ولا غلط؟

لكن هل التحليل بتاع رجل الأعمال دة يظهر أنه فعلاً من أصول مصرية؟ الحقيقة لأ.. الراجل عنده السلالة الأبوية R1b و هي سلالة موجودة عند أكثر من نصف الرجال في غرب أوروبا (بريطانيا، فرنسا، ألمانيا، أسبانيا، إيطاليا) وأيضاً موجودة عن 15% من المصريين ومنتشرة في الجزيرة العربية وحتى دول وسط آسيا يعني مش سُلالة مصرية خالصة.

السلالة R1b أيضاً موجودة عند رمسيس الثالث لأنه مصري.

وفق كل الدراسات الوراثية، التركيبة الوراثية للأفرو-أمريكيين تحتوي على 25% أصول غرب أوروبية.. رجل الأعمال دة عنده السلالة R1b عشان هو ربعه أوروبي.. مش عشان أصوله تعود لمصر.

من حوالي 10 سنين أيضاً خرجت مقالة داعمة لفكر المركزية الأوروبية تزعم أن نصف الغرب أوروبيين هم أحفاد توت عنخ آمون لأنهم يشتركوا في السلالة الوراثية R1b ولكن وجود السلالة دي في أوروبا ومصر والجزيرة العربية وحتى في وسط أفريقيا هو أمر طبيعي جداً مش معناه أبداً أنه اللي رجل الأعمال دة أصوله مصرية..

بالعكس بنسبة 99% هو عنده السلالة R1b بسبب الأوروبيين لأنها موجودة عند أكتر من نص الأوروبيين ومن المعروف أن أجداد الأفرو-أمريكيين اتجوزوا بكثرة من الرجال الأوروبيين و مفيش أي مصريين تم أخذهم كعـ ب يد إلى أمريكا ولا حتى رجال مصريين هاجروا لأمريكا كمُلاك عـ ب يد زي الأوروبيين.

المركزية الإفريقية تتشابه جداً مع اىىـ ر ايل في كل شئ و من الوارد أنهم من الحين للآخر يدعموا بعض زي ما شوفنا ولسة هنشوف.. وبيتكرر كثيراً على لسان داعمي المركزية الافريقية عبارة "سوف نستعيد مصر مثلما استعاد اليـ ه ود أرضهم".

كل دة بيحصل في ظل حالة اضطراب هوية عند معظم الشعب للأسف وتمسك بشعارات عروبية (اللي هي فتحت المجال للمركزية الافريقية أصلاً انها تتجرأ علينا وتشكك في أصالة شعبنا) وتشكيك في صدق نوايا القومية المصرية اللي كل أركانها قائمة على الحقائق التاريخية والعِلمية عن الشعب المصري.

احنا مستمرين في نشر الوعي والتصدي للمركزية الافريقية سواء حصل تحرك إعلامي وثقافي كبير في الداخل المصري لمواجهتهم أو لا.

#المركزية_الافريقية
#القومية_المصرية
#الصحوة_القومية
 

الذين يشاهدون الموضوع الآن

أعلى أسفل