مرحبا بك في منتدى الشرق الأوسط للعلوم العسكرية

[Hunter]

----------------------------------------------------------

حد سألني هو احنا علاقتنا بأمريكا شكلها ايه

احنا معاهم و لا ضدهم
بص يا عزيزي
احنا علاقتنا بأمريكا سجادة عجمي شكلها حلو
بس ترفعها يابني تلاقي كوووووم تراب

احنا علاقتنا بأمريكا بايظة من ايام اوباما
ومن ايام ملف حقوق الانسان اللي ماسكين لنا عليه صاجات ده
ومن ايام فتح الباب للمنح التعليمية للمناهضين للجيش المصري
و بعد كده قطع المعونة
و بعد كده طلعوا عيننا حبة حلوين عشان
الF 15
و من شهر رفعوا الجماعة الاسلامية المصرية من قايمة الارهاب

الادارة المصرية مش ساذجة
وقصاد كل فعل لنا رد فعل
و ايام العسل المباركي مع امريكا مش هترجع تاني

هي امتي امريكا كانت في ضهر مصر .. فكرني كده

المرحوم جاي يقابل السيسي
عشان محتاج سلاح الجو المصري يدافع عن اسرائيل ضد ايران لو اتهورت
فتطلع انت بالكام سوخوي اللي استلمتهم .. والراڤال اللي طلع عين اهلك فيهم .. تتخانق في عركة مش بتاعتك
عبط احنا يا عماااااد

الموافقة المصرية علي الانضمام لنظام مير المصرفي الروسي .. و الانضمام ل بريكس بلس و العملة الموحدة اللي مفيهاش الدولار
و التقليل من الدولار في الاحتياطي المركزي
ده يقولك اختيار مصر ايه

بوتين قالها انهاردة صريحة في قمة البريكس
قال

* هنعمل عملة موحدة بين ال 9 دول
* هنعمل مشروعات تكاملية بيننا بحيث نستطيع تقديم اقتصاد عملاق
* هنجهز تارجت تكاملي نشتغل عليه كلنا
وختم كلامه
انتهي ذلك العالم الذي كان يحكمه قطب واحد للابد
واي دولة بقا يا عزيزي عليها اختيار مصيرها
يا تتمسك بطرف مركب الغرب اللي بتغطس
في البحر و تعمل تشششش .. يا تحط عينها علي الشمس الجديدة

ده غييييير

انك ك تحالف عربي قدرة توجد لك دور ومكانة
ده انت رئة العالم اصبحت في ايدك

ترجع تنزل علي ركبك ليه بعد ما صلبت طولك .. فكر فيها كده

 

[Hunter]

-----------------------------------------------------------

طبعا كنت قولتكم الصبح علي خبر الاطاحة ب كيريل بيتكوف رئيس وزراء بلغاريا الكتكوت ده
* وقولتلكم في الكومنتات
احنا في انتظار الغرب باتهام رومن راديف الرئيس بالديكتاتورية والتبعية الروسية
و الحقيقة حزب كيريل مكدبش خبر

وطلع قال ان بعد زيارة السفيرة الروسية في بلغاريا ومعاها وفد متضمن بعض رجال ال JUR
للرئيس البلغاري في قصره
تاني يوم الرئيس اطاح بيه عن طريق حجب الثقة البرلمانية
و اتهامات بأن اللي عزل رئيس الوزراء السفيرة الروسية
و هو مين بيحكم و هري كتير

لما تكون دبلوماسي في منصب قوي
مينفعش كل حد يستفزك تمسح بيه الارض لازم تبقا هااااادي
لكن وزارة الخارجية بتعين شخص يرد

الشخص ده هو برينسيس الدبلوماسية متعددة الطلقات ماريا زخاروفا
الست طلعت في تصريح

قالت ان الدبلوماسية الروسية بقالها مئات السنين مش هتلتفت لمبعوث باتمان في بلغاريا في اتهاماته
و ان بلغاريا ليست مدينة جوثان التي كانت يحاولون انقاذها من الچوكر .. لكن لا بأس يمكنه الاستعانة ب باتمان الانجليزي لاعادته الي منصبه
قصف جبهة من الشمخ الجواني

" يومااااا ماا ديالا بنتي هتقعد علي مأدبة غداء واحدة مع ماريا زاخاروفا .. بأمر الله وحوله دون حول منا ولا قوة "

المفروض انك أدركت يا عزيزي
ان الحرب حاليا
هي حرب اقتصاد
ثم حرب معلومات و دي اللي بيديرها اجهزة المخابرات

و بالمناسبة ال KJB ده جهاز مخابرات الاتحاد السوفيتي اللي فككه امريكا ... الجهاز الروسي اسمه ال JUR

-----------------------------------------------------------

والكماشة الروسية بدأت تطول بولندا
و لكن عن طريق الحليفة البارة بيلا روسيا
و ده خبر حزين بالنسبة لي علي الاقل

وكالة نوفوستي الاخبارية نقلت اجتماع بعض قادة البيلاروس مع وفد عراقي
سلمتهم فيهم صور وفيديوهات و هويات ل 4000 واكثر لاجئ عراقي .. قامت بولندا باعدامهم اعدام جماعي بعد احتجازهم في مكان حدودي بين بيلاروسيا و بولندا
و زعمت انهم موالين ل روسيا

لو هتسألني علي رد فعل الكاظمي هيعمل ايه
هقولك مش كل الرجال صدام

نحتسبهم عند الله شهداء و لا نذكي علي الله احد
هم ابناء بغداد الجريحة

 

[Hunter]

-----------------------------------------------------------

تعالي كده معايا يا عزيزي
نشوف بريطانيا مالها

من اسبوع قالك اصابات نص مليون بالكورونا

بعدها بيومين قالك عندنا مرض البورنا اللي بيصيب الحيوانات

امبارح قالك لقينا فيروس شلل الاطفال في الصرف الصحي
هو يا باشا انت ماشي تعري البلاعات وتاخد عينات بحثا عن الفيروس

مش يمكن حنا السكران بيلعب لعبة الموت
و بدل ما البلد تقفل عليه اقتصاديا
هو يقفلها بالحجر الصحي .. و يبقا نفد من المقصلة

ومننساش انه ابن الماسونية و ليبرو صناعة الاوبئة
* يعني مثلا انهاردة القطارات دخلت في اضراب مفتوح
* يوم 26 يونيو هيقفلوا المطارات
* يوم 29 يونيو هيبدأ اضراب عمال النقل والشحن
اسمه هيتكتب في التاريخ بالنيكوتين

اول رئيس وزراء ل بريطانيا يضرب شعبه بالقنابل البيولوجية
استمررررر ... كل الدعم يا حنا

----------------------------------------------------------

تخيل يا عزيزي
ان لبنان البلد الحلوة دي
انهاردة الناس رفعت اسلحة بيضا علي بعض وسقط قتلي
صراعا علي الحصول علي 5 ارغفة فقط

و سعر الرغيف دولار كمان

فييييين الناس اللي كانت بتقاوح معايا في دهب لبنان
لقد ذهب الذهب يا عزيزي

-----------------------------------------------------------

الناس اللي بتسأل عن ليبيا
طب ما انا عملت رقعة خاصة ب ليبيا لوحدها فصصتها فيها
و قولتلكم ان المباحثات هتفشل

وبالفعل فشلت
وحاصل نزاع مسلح حاليا فيها
وخد اللطيف بقا
الدبيبة بيقولك احنا ملناش دعوة بالحرب الاهلية دي
ليييييه يا عم دبيبة
قالك اصل وزارة الداخلية قالتلي انهم جهازي امن غير تابعين لهاااا
يا سلاااااام
هو انتوا بتعملوا تصفيات بين اجهزة امنية خاصة
و اللي يجيب سكور اعلي
تضموه للداخلية

وطبعا مندوبة الاتحاد الاوروبي ستيفاني ويليامز المسئولة عن الملف الليبي قالت هنعمل مباحثات توافقية تانية اخر الشهر ... وهنستدعي رئيس البرلمان و رئيس الوزراء للقاء عاجل في جينيف

ولو عايز تحليلي الشخصي يا عزيزي
الاتحاد الاوروبي له مزاج في العركة الدايرة دي عشان عينهم علي الغاز
و لانهم شايفين ال 5 جهات المتناحرة شوية بهايم وخونة

-----------------------------------------------------------

يمكن انهاردة اعتمدنا علي تحليل الاحداث اكتر من الاخبار
لان دي هي ربط التفاصيل للي جي
هذا واستغفر الله لي ولكم و لرجالتنا في الجيش المصري و اولهم ماي بيبي طبعا

 

[Hunter]

رقعة شطرنج 24 يونيو 2022 :
جيلان قاسم

و هنبدأها من اثيوبيا
و نرجع لرقعة الشطرنج اللي قولتلكم فيها ان حوار سد النهضة مبقاش يشغلني
و بلطجية الكوكب هما اللي هيشتغلوا عندك
عشان محبس الغاز بقا في ايدك
وانا كنت واثقة ان في ناس حتي من داعمي الدولة بردو مش في استيعابهم لسسسسه قوة الذراع المصري الحين
تدرون شنو السالفة هسه
الغرب بيتبرع انه يأمن أمنك المائي
و ركز معايا يا عزيزي في الكام نقلة دول
* يوم 19 يونيو الامم المتحدة طلعت بيان لطيف
اتهمت فيه اثيوبيا بإنها بترتكب جرائم ضد الانسانية
و ان المبعوث الاوروبي معاه مستندات ضد اثيوبيا انها قامت بقتل 4000 شخص في يوم واحد

* يوم 20 يونيو مستر بلينكن وزير خارجية امريكا وهو بيهوب علي الصين و بيلقح كالعادة
جاب سيرة الدول التي ترتكب جرائم ضد الانسانية
و قام قايل علي سبيل المثال ما فعلته اثيوبيا امس في منطقة الفشقة

* يوم 22 يونيو مندوب الاتحاد الاوروبي في مجلس الامن فتح ملف سد النهضة .. وقال اننا ندعم مصر في الحفاظ علي امنها المائي
و نتعجب حتي الان لماذا لم تتقدم اثيوبيا
حتي الان بالخرائط التي تؤيد عدم تعرض حصة مصر لأي مخاطر
" ألا حلوة مصر دلوقتي يا عماااااد .. اومااال
يا جدع دي بقت سكر محلي محطوط علي كريمة

"
و راح طالب مندوب الاتحاد الاوروبي في التحقيق فيما حدث في منطقة الفشقة الحدودية مع السودان
حلوووو الكلام .. حلووو
نشوف بقا رد فعل اثيوبيا والترزي بتاعها

طلع وزير الخارجية دمقي موكنن قال الاتحاد الاوروبي بيفتح ملفات لم تكن من قبل في دائرة الطرح
يعني يا عزيزي هما والفشقة بيطحنوا في بعض بقالهم 4 سنين كاملة ومحدش مهتم
اشمعني دلوقت احلوووت الفشقة

وقال علي الاتحاد الاوروبي البحث خلف الدولة التي تمد السودان بالسلاح لمواجهة اثيوبيا
يقصد مين سخام الهم ده

وطلع دينا مفتي المتحدث باسم وزارة الخارجية اتهم الاتحاد الاوروبي بالانحياز في جانب مصر
وشجب و استنكر .... لا شجب جاااامد يا عزيزي

وقال ده احنا وصلنا ل 80% من الانشاءات و يوم 20 فبراير اللي فات ده ولدنا منه كهربا
وراحت فين يا حبيبي الكهربا اللي ولدتوها دي .. ماتت في الحضانة

وطبعا لان الاتحاد الاوروبي جهة نزيييهة و شفااااافة ... لا نزيهة صحيح
فالسيدة اورسولا فون دير لاين قررت ارسال مبعوث اوروبي معاه وفد للتقصي من حقيقة
ال 80% دول و الكهربا ويستلم الخرايط اللي بيتهربوا منها من 2015 لحد انهاردة

وخد بالك ويحقق في عمليات الابادة البشرية في اقليم تيجراي و بلدة الفشقة التي يقوم بها الجيش الاثيوبي

يا ريت يا جماعة نجهز تي شيرت زيتي لأبو احمد عشان هيحتاجه اليومين الجايين

طب من وجهة نظرك يا چي هيحصل اييييه

شوف يا عزيزي
السياسة لا تخضع لوجهات النظر
انت اديني مدخلات منتظمة .. أخرجلك نتيجة متخرش الميه
* لو كان اثيوبيا عندها خرايط تثبت عدم ضعف موقفها .. مقدمتهاش ليييييه لحد انهاردة و سكتت مصر
* هي فين الكهربا اللي خرجت من السد .. وليه صور الاقمار الصناعية مجابتش صورة واااحدة الا للتوربين الحزين اللي في الجانب الشرقي للسد

* فضايح اقليم تيجراي موجودة بالفعل هتهرب منها فين
* حدوتة الفشقة دي هي متورطة في اعتداء خارجي ليييييييه عشان في بروتوكول مؤتمر وضع الحدود اللي استمر من نوفمبر 1902 الي مارس 1903 تم ضم المنطقة دي بالفعل للارضي السودانية

وعلي الجانب المصري
قدم مندوب الاتحاد الاوروبي في مجلس الامن توصية للجانب المصري اعادة فتح الطلب المقدم بتاريخ 15 سبتمر 2021 والذي ينص علي تمسك مصر بتسليم كافة الخرائط الخاصة بالسد

فهمت يا عزيزي كنت ليه بقولك انت مش هتتكلم تاني خلاص .. وتهاااااتي
مرحلة الافعال جاءت بالفعل

روح بقا يا عزيزي افتح موقع جريدة الانباء الاثيوبية واتفرج علي الردح بتاع احفاد أبرهة
و اتهامهم لمصر انها اللي زقت عليهم الاتحاد الاوروبي
وان مصر من زمان مش بتحبهم
ده انتوا معاديين طوب الارض .. ده انت امك اللي خلفتك بتكرهك يا ولاااا

 

[Hunter]

-----------------------------------------------------------

نيجي بقا لحاجة مهمة جداااا
مقابلة الملك عبد الله ملك الاردن مع قناة CNBC انهاردة
ومش ههتم بالداخل الاردني
لكن هاخد تصريحين كده فيهم الزبد
قال اييييه
العمل حاليا جار من اجل تشكيل جبهة دفاع مشتركة يمكنكم تسميتها " الناتو العربي "
الناتو ايه يا چي

العربي يا عزيزي ... العرببببببي
مقالش الشرق اوسطي
و أكد ان الجيش الاردني سيكون اول المنضمين له تحت قيادة اي دولة عربية شقيقة قاااادرة علي قيادته
ده منتهي الوضوح والتصالح مع النفس
الاردن جيش كويس لكن مش افضل جاهزية
ف الراجل معندوش مانع يكون تحت قيادة جيش قوي
قال ان الهدف منه هو حماية الاراضي العربية
و انه متوافق مع محمد بن سلمان علي التمسك بحل الدولتين الذي يضمن حقوق الفلسطينيين
أنا گ چي احب الراجل الواضح هواي .. اللي ماكو لف و دوران فيه
يعني اسرائيل محطوط لها العقدة في المنشار
و دولة عربية هي اللي هتقود الجيوش دي
ومش شوفونية ولا تحيذ مصري
بس اللي عنده جيش زيننا .. نقوله يا عمنا

تاني تصريح اثاره الملك عبد الله
هو الوجود الروسي في سوريا
ده كمان حذر من التراجع الروسي في سوريا وقال انه هيشكل مخاطر امنية علي الاراضي السورية و روسيا هي حليف وصديق قوي للمنطقة
ده الكلام

تخدك چي للي ورا الكلام
*هو مين اللي استهدف سوريا من يوم ما روسيا سحبت ال 60 الف جندي

اسرائيل
*نبه كمان علي بدء علو الصوت لتنظيم داعش
هو مين اللي ورا تنظيم زفت

امريكا
يبقا الاردن مهتمة بوجود روسيا من اجل الوقوف امام مييييين يا حلوين

امريكا واسرائيل

طب خد كمان حاجة صغنونة في تصريحاته كده :
قالك الاردن عندها نفط وطاقة
لكن معندناش قمح
و نأمل مساعدات وتعاون الدول التي تمتلك القمح
مين ملك القمح في الكوكب نااااااو

بوتين
يبقا دي مغازلة مضغمة ل روسيا
فمتستغربش ابدااا اليومين الجايين
اني اجي اقولك خبر اتصال لافروف بالملك
عبد الله عشان توريد القمح الروسي

ومش هتعدي علي بوتين

و لو حابب أديك اشارة
ف أنا عينيا ليك يا عزيزي

في قمة البريكس بلس انهاردة
كلمة بوتين كانت بعد مقابلة ملك الاردن
ب ساعة و 48 دقيقة
قال فيها روسيا الان علي استعداد لتصدير القمح والحبوب لكل الدول المحتاجة إليها
ونملك 50 مليون طن ذات جودة عالية مستعدون لتزويد العالم بها ... فقد حققنا زيادة عن انتاج العام الماضي و ارتفع من 37 مليون طن الي 50 مليون طن
شوف يا قيصر قلبي طول ما انت طيب كده وبتتقي ربنا .. هيفضل يكرمك دايما

سيدرس ابناءكم مستقبلا ان رجلا يدعي فلاديمير بوتين زأر ك الاسد في وجه ضباع النهب و لصوص الثروات .. فانتفضت خلفه كل الاسود

وبما اننا جبنا سيرة بريكس بلس
ف طبعا لازم نحتفي بكلمة الاسد المصري
عبد الفتاح السيسي وكلمته
اللي استعرض فيها التنمية المصرية في كافة المجالات و سعادة مصر بوجودها في المؤتمر وان مصر تقدر جيدا اهمية بريكس و بريكس بلس في الاقتصاد العالمي
تشي جينج رئيس الصين اللي هو رئيس الدورة الحالية للبريكس أما جه ينوه عن كلمة السيسي قال ايه
قال لقد أصبحت مصر الان رقما هاما في المعادلة العالمية

تخيل يا عزيزي ان رئيس الصين اللي جايب تبول لا ارادي لمرحوم البيت الابيض بيقول كده عن مصر
و ايمن ابن احلام كراوية مش شايف ده
و هارينا بوستات عن انهيار البلد
و المواتن اشف الدوني مبيقولش عليها الا المخروبة

انا مش هعقب عشان بتزعلوا اما بتنرفز وبقول ألفاظ
فأنا هبقا اقول براحتشي مع صحابي جوا البيدچ ونقفل علينا الباب

 

[Hunter]

-----------------------------------------------------------

دلوقت بقا في كام عزيزي قلقوا من موضوع اعتبار ان اوكرانيا ومولدوفا دولتين مرشحتين للانضمام للاتحاد الاوروبي
وبيسألني هل ده يضعف موقف بوتين يا چي

خد المعلومة الصغننة دي يا عزيزي
مقدونيا الشمالية بقالها 17 سنة دولة مرشحة
ألبانيا بقالها 23 سنة دولة مرشحة
طب مدخلوش ليه
عشان الفساد ومعاملة الاقليات
طب اوكرانيا فيها فساد يا چي

فيهااا فساااد
ده اوكرانيا هي اللي جوا الفساد
اوكرانيا ترتيبها ال 117 من ضمن ال 120 دولة المتهمة بالفساد علي مستوي العالم

طب اقولك علي شوية عبث كده
اثارته فورين بوليسي و ديلي ميل و تيلي جراف
طلعت شهادات وتقارير عن حجم السوق السودا للسلاح في اوكرانيا
وان السلاح الغربي اللي بيوصل
يا بيقع في ايد بوتين
يا 10% منه بس هو اللي بيوصل الجيش الاوكراني والباقي ال 90% بيتباع

و وول ستريت چورنال انهاردة طلعت تقرير تحليل
ل اقالة رئيس المخابرات الاوكراني في الوقت ده واعتقاله
قالت ان مستحيل تكون الاقالة دي بسبب تقصيره في الاستخبارات والمعلومات
و انه تم اعتقاله بسبب تورطه في بيع السلاح الغربي لجهات خارج اوكرانيا
ده الكاتب چون ويلز .. و ده كان ظابط اساسا وكاتب عسكري فهمان انا شخصيا بحب مقالاته
قال ان رئيس المخابرات ده مكنش شغال لوحده
دي اكيد مافيا كبيرة
بتقدر تتواصل مع تجار السلاح والحركات المتمردة و المنظمات الارهابية
وفي طبعا اللي مهمته ينقلها خارج الحدود الاوكرانية لدول اخري متواطئة مقابل نسبة
و احنا لو دورنا شوية سنصدم من نتيجة البحث
" والله هو طلب مني اسأله البلورة السحرية حجي مش هتأخر عنه ... بس مستعانش بيا خليه بقا

"
الخيانة چينات فيهم موروثة من ايام السامري
مكتفاش انه هرب فلوس اوكرانيا علي تل ابيب
لااااا كمان بيبيع السلاح
Monsieur Macron, il faut se dépêcher de finir le travail

وعشان نكمل العبث الاوروبي
انهاردة البرلمان الايطالي كان في عركة كبيرة
وناس مسكت في بعض وحاجة ليڤل العباسية

* نواب بيتسألوا هل المفروض انهم يستمروا في تزويد اوكرانيا بالسلاح بعد الهزائم المتكررة .. و سوق السلاح السودا
* طلع نواب تانيين ماسكين لافتات مكتوب عليها رفض لتزويد اوكرانيا ولو بطبنجة باريتا الحلوة دي .. بحبها

وقاموا يلفوا باللافتات ويهتفوا ضد دراجي رئيس الوزرا
* قام شوية كمان قالك ده مش ديموقراطية يا نائب انت وهو
* راح دولم مسكوا في دولهم و 7 غرز في دماغ الديموقراطية

طب هما يولعوا في بعض متربووووش
احنا بقا شنو المهم مالتنا
ان الصف الايطالي حصل اخوه الفرنسي
و اخوهم البريطاني و اخوهم السويد .... واصابته لعنة الانشقاقات
بوتين

ويووووووووووزع
الصراحة يعني دولة فيها ارتفاع اسعار رهيب
و مهددة بالجفاف في منطقة الشمال
ونقص سلع وطاقة
ما يخلوهم في حالهم

واللعنة اللي حلت ب بريطانيا لامؤاخذة العظمي لسه صايباها طبعا
رئيس بنك اوف انجلاند انهاردة قال الحكومة عاجزة امام خسائر اسبوعية تقدر ب مليار جنيه استرليني
والاضرابات تصيبنا بالشلل
چي ريأكتد

معلش

ألمانيا انهاردة تدعو الشعب الي التقشف
عشان القادم منيل بنيلة
شوف يا عزيزي
من عشرتي للألمان
المواطن الالماني مش مواطن عايش ببذخ ..
لا معتدلين جدا
وناس بتاعت شغل جدا
وتعمل تحت ضغوط كمان
لكنه مواطن استحقاقي من الدرجة الاولي
يعني ايييييه

جنس آري شايف نفسه انسان مميز يستحق كل التقدير سواء من حكومته او من العالم
عشان كده اجتهدوا انهم يكونوا اقوي اقتصاد اوروبي
الاستحقاق ده بقا هو اللي هيخليه يدي الحكومة الحالية بالجزمة ... وأولهم وزير الاقتصاد اللي مبيقولش خبر عدل ده
كمان اتفاجأوا بإن قدرات الجيش الالماني ادني من اعتقادهم بكتيييييير
ف العك في المانيا قرب جدا
-----------------------------------------------------------

خبر ناخد ما وراه
نتفليكس الاسبوع قبل اللي فات سرحت 560 عامل
انهاردة سرحت 300 موظف
و اعربت عن اسفها لذلك .. لكن ميقدروش علي شئ تاني بسبب انهيار الايرادات الغير متوقع
ايه اللي يهم چي في الخبر ده
اقولك انهيار الاجندة الماسونية مش بس طالت الاقتصاد او الجيوسياسة
لا ده ادوات البرمجة كمااااان بتنهار
ده انا مش احب بوتين
ده مستحيل قلبي يميل ويحب يوم غير هو

هذا واستغفر الله لي ولكم و للاسود و ل بلورتي السحرية اللي مزعلة مني الصحفيين علي ما تفرج

 

[Hunter]

رقعة شطرنج 25 يونيو 2022 :

جيلان قاسم

تميم جه ومشي
ولا عرفنا تفاصيل .. ولا شفنا الوفد التجاري اللي قال جي معاه ... و لا يحزنوووون
والكلام مبهم
قطر هتستثمر في الزراعة والطاقة
* الزراعة وعرفناها

عايز يعمل سلة غذائية.
* الطاقة والحوار مخرجش عن محطات الاسالة
اومال كان تايه كده ومش عارف يسلم علي مين ليييييه

من لغة الجسد بتاعته تعرف انه مش عايز يغلط .. وعايز يبان ودود ......... يعمل فيها جوز اختنا يعني

تميم جي يعرض وجهة نظر اسياده
في المرحلة الجاية
ونعمل ناتو
وايران مزعلانا .... وهو حليف ايران علي فكرة

و انا اتورطت في كام طيارة راڤال كده يا كبير وناسي ان معنديش طيارين اساسا

وطبعا خبر عزم مصر لبناء الجيش العراقي .. خبر مؤلم للغرب كله
الناس دي قعدت 28 سنة تخطط ازاي تدمر جيش العراق .. فمتجيش انهاردة انت تعيد احياءه .... بردا وسلاما علي العراق

والراجل " بس متقولش راجل

" هيكون موجود في اجتماع مجلس التعاون الخليجي .. يعني امريكا معاها صوت اهووو جوا المجلس
بس كل ده ولااااا يشغلنا

طب هو قطر ممكن تبني محطات اسالة بفلوسها في مصر يا چي

قولا واحدا : لأ

طب مصر هتعمل محطات اسالة جديدة

ايوا ... في 4 محطات جديدة بالاضافة لتوسيع محطة دمياط وادكو والمحطة الروسية اللي هتعملها شركة روستنف في اسكندرية
احنا بالصلاة علي سيدنا وحبيبنا النبي كده هنبقا المركز اللوچيستي لتوزيع الغاز في العالم

انا مش بقولك عشان تتفائل فقط يا عزيزي
لاااا انا بنقلك واقع تم توقيع كل اوراقه بالفعل

" احنا اسفين للمواتن اششششف اللي خبر زي ده يجرح شعوره الدوني .. و بيصيبه بالتهابات صورمية حاااادة

"

حد سألني هو المرحوم لما يجي قمة المناخ هيناقش غاز الكيمتريل
يا عزيييييزي ، بايدن ده صبي الماسونية .. معقول هيناقش فضايحهم ما هما اللي خانقين بيه الكوكب ..... استبعد طبعا

 

[Hunter]

-----------------------------------------------------------

حالة الزخم بقا و القلق والخوف اللي عند كتير من عزيزي
وبعتوا يسألوني
ريأكتدت

احببته اقسم بالله
الناس بتحب البلد لدرجة انها تتخض من خبر عليها

روسياااا يا چي هتعمل ممر بديل لقناة السويس

معقول بوتين يغدر بينا كده

قاتل الله اليوتيوب يا عزيزي
وتعالي اقولك الدنيا بدايتها ايه ووصلت فين

سنة 2018 في نوفمبر
آنا كوروليوفا
الصحفية والسياسية الروسية اعلنت ان الهند تقدمت بمشروع يكون طريق يربط بين روسيا .. ايران .. الهند
" لو انتوا فاكرين رقعة اللالئ المضيئة اللي لفت الكوكب هتفتكروا ان ايران والهند بينهم طريق اسمه طريق القطن و ده ملاحي .. ويهم الهند انها تدخل اوروبا "

وجت وكالة انترفاكس الروسية اعلنت عن مداولات ومناقشات لبحث جدوي الطريق ده
و تم تكليف سيرچي ليساكوف رئيس مجموعة Tele trade بمركز المعلومات التحليلية الروسية .. بجمع البيانات والمعلومات الكافية
طلعت قناة برس تي ڤي الايرانية تزيط بقا .. واحنا اللي هنيم قناة السويس من المغرب

سيرچي ليساكوف بقا كلف شركة " روس ٰاتوم " تشوف الدنيا في بحر الشمال اخبارها ايه
رد " روس اتوم " هنحتاج نوفر دايما كاسحات جليد عملاقة تعمل 24 ساعة ....
و ده شئ تكلفته عالية للغاية لكنه ممكن
* خد بالك يا عزيزي من جملة " تكلفته عالية للغاية دي "
ليييييه لأنك لو عايز تقدم خدمة تنافسية لازم تنافس في السعر .. والتكلفة جزء من التسعير لتعريفة المرور

مات الكلام علي كده
ليساكوف عمل تكلفته وطلعت حاجة تقطم الوسط
راحت روسيا قالت ان التكلفة بالنسبة للايرادات مش مجزية الحقيقة .. خصوصا اننا 7 شهور جليد في السنة

جت في 23 مارس 2021 جنحت السفينة بتاعت ايفر جرين بنت ال........ ولا بلاش

وبالفعل نجحنا في تعويمها في 6 ايام
دي قعدت 44 يوم جانحة في امريكا ومش لاقيين لها مالكة

بس يوم 28 مارس 2021
راح كاظم جلالي السفير الايراني في موسكو مجلس الدوما
وطالب بالبدء في مشروع " ممر شمال - جنوب "
وصعبانيات بقاااا
شايفين قناة السويس عطلت العالم
ده ايفر جرين جنحت .. والحركة اللوجيستية
والحقينا يا حكومة
* يا عم انت ماااال امك
انت لك سفن بتعدي من عندنا ... ده انت تحمد ربنا اننا بنغمض عينيا عن براشديفن و كولدانينا وبنصدق انهم بنما

و طلعت وكالة " إرنا " الايرانية تزييييييط تاني
وانا كنت بتفرج علي مقالات الاوهام واحلام السراب واضحك

بعدها بيومين السفينة اتعومت
والعالم كله وقف يصقف لمصر و ل اونكل هيك الونش

جاء رد الدوما مفاجئ ل كاظم جلالي

مازالت مصر هي الافضل في مجال الشحن اللوجيستي

 

[Hunter]

شوف اللعب الانجليزي الوسسسخ بقا

يوم 2 ابريل 2021 صحيفة الاندبندنت عملت حتة تقرير .. انما ايييييه يفور دم المصريين كلهم " ما عدا اشششف و كراوية وولدها ايمن "
طريق قطبي شمالي جديد .. اوروبا لم تعد في حاجة لقناة السويس
مصر خلاص بالسلامة
و زوبع طلع يزوبع علينا
و معتز مطر طلع يرقص لنا عضلة السمانة كالعادة

الاعلام الروسي فيه لوبي يهودي سيكا كده بيحمي مصالح اليهود الروس طبعا
منهم فلاديوف رودتستمن
فلاديوف استضاف چيرمان ماسلوف نائب رئيس قسم الخدمات اللوجستية في شركة ڤايسكو اليابانية الاصل
يتكلم عن اهمية بحر الشمال
فالراجل قال هيكون بالنسبة لنا نقل للبضائع عبر روسيا في ميناء فلاديفوستوك ثم الي خطوط السكك الحديدية التي تدخل اوروبا ...... اسهل من اننا نوصل لقناة السويس ثم البحر المتوسط ثم موانئ اوروبا
لكن الادارة المصرية ولاااااا كأنها هنا
من مميزات ابو محمود انه راجل راسي مبيتزحلقش ورا زحاليق الاعلام
طول ما مفيش اي تحرك سياسي .. فهو ساكت
التحرك السياسي بقا

يوم 4 ابريل 2021 چورچيو بوريسيكو السفير الروسي في مصر اتوجه في زيارة للاتحادية .. وجلسة ساعتين مع السيسي
بعدها كتب تويتة
" الحفاظ علي الاصدقاء هو مسألة امن قومي لروسيا .. وبرغم عرضنا للمساعدة في تعويم السفينة للادارة المصرية وقت الجنوح والازمة و التي كانت فيها مصر تقيم الموقف بنفسها كنا نثق في قدرات مصر لتخطي الموقف ببراعة "
ماذا اقول و اي قول يقال بعد ما قيل

وخلاص مات الكلام تاني علي كده

من حبة كده جه واحد صحفي قال لبوتين هو ممكن يتعمل اي طريق مشترك مع ايران و الهند
رد وقال الهند حليف قوي وصديق عزيز لكن ايران بها مشكلات داخلية كثيرة تمنع القيام
بأي مشروعات كبري
" بالنسبة للبعض يقولك اااه بوتين مجابش الناهية
يا عزيزي السياسة تحتاج بعض من الدبلوماسية الكلامية "

تعالي انا بقا أدمرلك الفكرة تماما
* يابان مين اللي هتتعاون مع روسيا دلوقت و هو فاشخهم في جزر الكورويل .. ده مش بينيمهم

وبعدين تجارتهم اساسا بعد انهيار الين هتتقلص جدا
* اوروبا ايه اللي بوتين هيدخلها بضاعة
ده هاين عليه ياخد الساندوتشات من شنط العيال وهي رايحة المدارس عندهم

* ايران و روسيا دولتين معاقبتين
مين الدولة اللي هتخاطر بتجارتها في ممر ممكن ينضرب جوا باعتباره خرق للعقوبات

انا مش بطمنك يا عزيزي
انا بفردلك الورق علي الارض بالمنطق اللي بيحكمني
كمان خليييه يفكر يأذينا
و كان السيسي ميعدلوش ناموسة من قناة السويس و يروح يلطم بقا
انا احب بوتين و في ضهره للاخر لو هيضرب الكوكب بالنووي
بس تيجي علي مصر ... لااااااا تبقا ألد أعدائي واشوط الشطرنج برجلي في وشك

فاطمن يا عزيزي
لا بوتين غبي ... و لا السيسي غبي .........
و لا في رجل مخابرات غبي اساسا

عزيزي قلقان ومش مرتاح وخايف
لا يحصل حاجة كده ولا كده
طب تعاااااالي يا عزيزي

روسيا اليوم دي مش موقع اعلامي .. دي منصة مخابراتية
حلو الكلام .... حلووووو
يوم 25 مايو 2022 .. اللي فات ده
الكسندر لازروف الصحفي الروسي نزل مقال موجه لمصر
علي طريقة " عايزاني و لا هتتخطبي لابن خالتك اللي جي من الكويت "
مصر بين روسيا و امريكا
" و خد بالك يا عزيزي لازروف ده العالم كله عارف ان عنده بيبي روسي مجنده زي كده

.. وان بيتكلم بلسان ال JUR اساسا
المقال استعرض التعاون العسكري بين مصر و روسيا
و طاعة روسيا لمصر في تعديلات السوخوي
و مفاعل الضبعة .. ومنطقة السويس الاستثمارية .. والقمح .. والسياحة
وان علاقة روسيا بمصر بقالها 80 سنة و ياما استخدمنا الفيتو عشان مصر
و حاجة منتهي هل عندك شك انك احلي واغلي امرأة في الدنيا

و في اخر المقال قال انه عارف كويس ان مصر دولة تجيد مسك العصا من المنتصف ..
و تفضل سياسة المواءمات
لكن الضبابية دي هتنقش بمجرد رفض او قبول الرئيس السيسي حضور منتدي سان بطرسبرج الاقتصادي في ظل العقوبات

رد فعل السيسي ايييييه

قبل الدعوة
و كلمته اتذاعت و تريند استثمر في مصر الجملة اللي قالها في كلمته تصدرت تويتر
3 ايام

* لاااا ده كمان حضر اجتماع بريكس بلس اللي مطلعة تلاتين ام الدولار
* ودخل نظام مير المصرفي
" بالمناسبة اللي سأل عن الفرق عن بريكس
و بريكس بلس
هي هي المنظمة لكن بريكس 5 دول
بريكس بلس 4 دول زيادة وان شاء الله مصر تنضم لهم
ليه اثيوبيا كانت موجودة رايحة تعمل ماركتنج لنفسها وتطلب اعانات عشان المجاعة والجفاف"
و ده بروتوكول عادي .... انت بس اللي عضمك طري يا عزيزي وبتتخض بسرعة .. اجمد كتاااااا

اطمنت كده .. انا دوري اطمنكم و اعرفكم انتوا واقفين فين
ليه بضايقك بالاسماء المكعبلة
والتواريخ
عشان تبقا المعلومة عندك صلبة وقوية
و مفيش اي عيل يوتيوبر و لا عيلة هرموناتها معذباها يهبدوا اي هبد يرعبك اونطة
ومش بتضايق من الاسئلة
ده انت عزيزي يعني .. اللي ها عزيزي مو علي بعضك احسك ! .. ها عزيزي لخاطري لا تؤذي نفسك

 

[Hunter]

-----------------------------------------------------------

نروح نشوف بقا حنا السكران وهو جي بضهره :
و قبل اجتماع الدول السبعة الصناعية في برلين
و بعد وزير الاقتصاد الالماني ما طلع رمي بلوة في وش الألمان
وقالهم احنا السنة دي هنعمل خساير في الناتج القومي بمقدار 12%
و ان في سيناريو اسود منتظر ألمانيا الشتاء القادم
و يا ريت فترة الاستحمام لا تتعدي 5 دقايق عشان نحافظ علي الغاز
" هما اصلا بيستحموا يا عم

"
وقال احنا مش الدولة الوحيدة اللي هتواجه سيناريو حزين ... ده معانا بلغاريا
و هولندا و رومانيا

وان بريطانيا لو بتحرض علي الاستمرار في الحرب معتمدة عشان مطمنة علي الغاز " لانها بتاخد 18% بس من روسيا " ف سيناريو الاقتصاد هو الاكثر ظلاما منذ الحرب العالمية الثانية

قال كمان ده السكر غلي وانا أحلي بايييييه

مش بهزر يا عزيزي
قال اقروا تقرير جريدة مانهايمر مورجن عن شركة سوتزكر لصناعة السكر
*في ايه التقرير ده نيلز بوركسين رئيس الشركة قال احنا هنرفع الاسعار 300%
بسبب ارتفاع تكلفة زراعة البنجر و تكلفة الطاقة
يا نرفع الاسعار .. يا نوقف شغل
" نبعتلكم من مصنعنا الجديد في المنيا يا ولااااا

"
حنا السكران بقا اخد الكلمتين دول و صرهم في قلبه يا عيني وقامت عينيه اغرورقت بالدموع وقال
أخشي ان تجبر كييف علي قبول سلام مهين و سئ

اوووووووه يا حراااام
طب مفهمتش بردو انت مال امك
ده انت مطار هيثرو انهاردة لاغي رحلاته كلها بسبب الاضرابات والناس مفترشة الارض وبيشتموك بالاب والام

ومش هيثرو بس
ده في هبل بيحصل في المطارات
بروكسل واقف اضرابات
شيفول في هولندا لغي 100% من الرحلات
الارندا و سكافستا في السويد الغاء 100% من الرحلات
شركة لوفيتهانزا الالمانية بتعمل 3000 رحلة جوية في الصيف لغت 2200 منها بسبب نقص الوقود

و زيها يورو وينجز لغت 1700 رحلة من اصل 2400 رحلة .. وقود بردوووو
دي مؤامرة عليا عشان الاجازة قربت

و لووووو البيبي المصري هيطلعلي سرب راڤال يا دول غلبانة معندهاش وقود يا ولاد الكلللللللب
ومصر للطيران اللهم صل علي حضرة النبي شغالة يا اشششششف في الطاقة القصوي

* وبمناسبة اجتماع الدول السبعة
ف مارتن فريك مدير برنامج الاغذية العالمي
و هو الماني
مجهز لهم تقرير انماااا ايه عنب
مسميه عام 2023 عام الجوع

يلااااااا بخاطرهم بقا .. انا ياما نصحتهم

-----------------------------------------------------------

نشوف عم المجرة وهو بيضرب في اسفل منتصف الهدف :
* انهاردة كان في لقاء بين لوكاشينكو رئيس بيلا روسيا و بوتين
* قاله فيها انه لازم يردع طيران الناتو اللي بيخترق حدود بيلاروسيا في المناورة الشغالة
* راح بوتين مشمر ونازلهم البلطيق ملطططط
و حرك قطع حربية من كالنجراد " مقر عملي المستقبلي

"
و هووووووب صاروخ روسي يرشق في سفينة امريكية من المشاركين في المناورة
والمرحوم يدعو لاجتماع عاجل
و تقارير بتقول انه Tos 2 .. وتقارير بتقول انه اسكندر
ومش عارفين الخازوق جالهم منين ولا شكله ايه
بس اللطيف انهم عرفوا ان بوتين مبيهددش

وقال في تصريحه انه هيجري بعض تعديلات علي السوخوي 35 و تبقا تحت خدمة القوات المسلحة البيلاروسية
وان في خلاااااال شهر منظومة صواريخ اسكندر m هتتنقل ل مينيسك
و فرش الملاية بقا
قالك امريكا مجهزة 257 طائرة في اوروبا للاستخدام المحتمل للسلاح النووي
و تحتفظ بالروؤس النووية في 6 دول اوروبية تابعة للناتو
" شوف الدقة في الارقام ..تقولش چيلان قاسم اللي عملاله التقرير

"
وبعدها استعرض سقوط سيفيرودونتيسك انهاردة تماما
و استيلاء القوات الروسية علي مصنع ازوت
و فضايحه
وقام رازعهم مفاجأة ان في كتيبة اوكرانية بتقاتل جنبا الي جنب مع رمضان قاديروف في اوكرانيا قوامها 2000 جندي
بصصصص انا عايزاك ترقصهم علي نغمات النشيد السوفيتي كده

واحتفي بالنجاح الباهر اللي حققته شركة غاز بروم في صربيا والعقد الجديد اللي ابرمته مع الرئيس الصربي ألكسندر فوسيتش بتوفير 62% من احتياجاتهم من الغاز
وهيدفعوا بالروبل

-----------------------------------------------------------
طبعا رقعة طوييييلة ف بعتذر
بس هي تتاخد علي بعضها كدددده
وعينيا والله للي بيبعتوا سلامات للبيبي المصري
هو بيشوف كل حاجة اساسا ربنا يحميه

هذا واستغفر الله لي و لكم و لكل حد بيحب بهية لدرجة ان خبر قديم يقلق منامه ... تحيا مصر حلوة الحلوات

 

[Hunter]

رقعة شطرنج 27 يونيو 2022 :

جيلان قاسم
مااااائة عام من المنشن
والصراحة معاكم حق
ده انا ذات نفسي افتوجئت علي رأي عمرو عبد الجليل

* هو اقتصاد روسيا قوي ولا ضعيف

* هي روسيا العقوبات هتوقعها

* الروبل موقفه ايه

* الديوووون روسيا مديونة

أ.ب اقتصاد هو علم الارقام
لا هو علم المنطق .. و لا هو علم الهوي الشخصي والحكم بالمعايير
عشان كده قسموه
لاقتصاد دولي .. سياسي .. كلي .. حدي .. معياري .. حر .. مختلط .. تقليدي
ده مش عشان الاقتصاديين فاضيين وبيعملوا منيو
ده عشان مش دايما كل المعطيات بتخرج نفس النتايج
حلوووو الكلام ... حلووووووو
نشوف الارقام بتقول ايه

في 28 مارس 2022 :
اللي هو بعد شهر من الحرب
قفزت روسيا اقتصاديا من الترتيب ال 11 الي ال 6
ااه والله تخييييل
و ده وفقا للتصنيف علي اساس الناتج المحلي

في 28 مارس من العام 2021 كان الناتج المحلي 1.65 تريليون دولار

في 28 مارس من العام 2022 الناتج المحلي اصبح 4.32 تريليون دولار
هو انتي ليه يا چي بتقولي تصنيف علي اساس الناتج المحلي اوعي يكون في تصنيفات تانية ومخبية علينا

اااه يا عزيزي
مش بقولك ان الاقتصاد ده بحر غدر قام علينا

* في تصنيف تاني بناءا علي القوة الشرائية
و ده بتتقدمه الصين مش امريكا
امريكا بتقع في المركز الرابع

* وفي تصنيف تاني بناءا علي قيمة الاصول مجتمعة
ده بيقيم التحالفات
و بيتصدره دول الخليج
بعدها النمور الاسيوية
بعدها الاتحاد الاوروبي
بعدها امريكا

طب يا چي ده الخبراء والمحللين بيقولوا اصل روسيا اقتصادها ريعي

طب يا عزيزي ما نبص علي حصيلة الصادرات كده
* 166.8 مليار دولار من صادرات الطاقة
* 174.2 مليار دولار من صادرات الحبوب الزراعية والقمح والمعادن
غيييييييير حاجة اسمها ال hidden trade
اللي هي معادن كريمة وماس و غازات نبيلة
هيرد عليا مش عزيزي و يقولي والاستثمار

ده يا لهوي لو قولتلك علي حجم الاستثمارات في روسيا كان ازاي قبل العقوبات
هو بس احسب ان ماكدونالدز كان له 837 فرع
و شركة ماريوت كان لها 27 فندق
و ستاربكس كانت 410 فرع
طب يا چيچي ايه هي القوة الشرائية دي

يعني العملة دي ممكن تشتري ايه في دولتين
ناخد مثال عشان عزيزي يفهم بالراحة
كيلو الفراخ في امريكا ب 7.6 دولار يعني 134 جنيه مصري
طب ب 134 جنيه دول تشتري كام كيلو فراخ 3 كيلو و ربع
يبقا القوة الشرائية للجنيه اكبر من القوة الشرائية للدولار
حلو الكلااااام .. حلووووو

طب هي قوة الدولة نقدا .. مش بردو جزء من قوتها يتحسب بالاحتياطي النقدي و غطاء الدهب
طب يا عزيزي ما احتياطي روسيا 643.2 مليار دولار
و عندها ب 130 مليار دهب اللي هو 20% من احتياطي العالم
لا يا چي ما هو طلع الاحتياطي ده ملوش اي لازمة بقا عشان العقوبات

قول والمصحف

طب انت عارف بقا ايه اللي حرام بجد
يا عبد ربه .. ان يبقا في 5 منظمات تجارية عملاقة يتم تجاهلها
اللي حضرتك تغفله ان سنة 2013 كان حجم التبادل التجاري بين روسيا و بين البرازيل 95% منه بيتم بالدولار
بعد ما دخلت عقوبات القرم هي روسيا نفسها اللي وقعت الدولار مع البرازيل وخلتا لتبادل 10% منه بسسس دولار والباقي روبل والريال البرازيلي

 

[Hunter]

بس كده الغرب متأثر لكن روسيا بردو متأثره

ده البابا في روما و الحطابين في الجبال النائية و العجائز حول المدفأة متأثرة
يا بني انت في حالة ازمة اقتصادية بسبب حرب داخل فيها قوي عظمي يا بني

لكن نشوف مين اللي بيعيط
مش محتاجة احكيلكم علي وضع اوروبا وامريكا
ما انت عارف يا عزيزي الصياح

بس تعالي احكيلك علي العظمة اللي بتعملها إلفيرا نابيولينا

الست دي دلوقت بتفكر ازااااي تخفض الروبل وتكبح قوته .. ااه وربنا

الروبل انهاردة 57.10 روبل / يورو & 55.8 روبل / دولار
عملة تصنع المجد
طلع انطوان سيلوانف وزير المالية قالها
لا يا ست الله لا يسيئك وقفي الرهوان شوية
لييييييه

حتي لا تفقد روسيا ميزتها التنافسية في التسعير عالميا
ما هو من اعاجيب الاقتصاد ان كل عملتك ما قويت .. كل ما قدرتك علي التنافس السعري قلت
احنا ليه ك مصر مش بنشتري حاجة من الكويت
ولا عايزينهم يستثمروا عندنا
عشان الدينار الكويتي يتبدل باعضاء بشرية مش فلوس

تعمل ايه روسيا عشان توقف الروبل
يبقا العالم كله بيرفع فايدة
والفيدرالي فااااشخ الكوكب وراه
والبنك المركزي الروسي يخفض الفايدة من 14% الي 11%
و تصنع ارتفاع تضخم

بس تخيل بقا
ان مجموعة جولدمان ساكس البنكية الامريكية توقعت ان العقوبات والحرب هتخلي تضخم روسيا يتخطي 22%
يقوم يبقا 17.6% في 14 مايو 2022
و يتباطئ في الهبوط ليصل الي 17.1%
في 8 يونيو 2022
يعني العالم كله التضخم راكب الناقة وشارخ
و روسيا التضخم فيها بيقل
بس طبعا ده مش قوة اقتصاد ولا حاجة
ده دعوة الحاجة ام بوتين ساعة الفجرية

اللي بتعملوه في الاقتصاد ده حسابه لا يقل عن حساب زنا المحارم

والارقام دي مصدرها روستات
روستات دي هيئة الاحصاء الاتحادية الروسية
وتقاريرها بتتنشر علي رويترز
و هي هي نفس روستات اللي نشرت تقرير الفائض الروسي
عن شهري يناير وفبراير
اللي ساوي 148.3 مليار دولار بارتفاع 54.9% عن نفس الشهرين في 2021
طب يا چي ما جايز صرف الفائض ده علي الحرب ولا شرب بيهم سجاير مثلا

لا يا عزيزي
تكلفة الحرب لحد دلوقت علي روسيا 58 مليار دولار
يعني لسه شايل في الحصالة 90 مليار دولار

طيب والعقوبات والتجارة و التبادل

بردو هخدك يا عزيزي لمجموعة جولدمان ساكس البنكية
واقولك ان تقريرها اللي اتنشر علي فايننشال تايمز يوم 24 مايو اللي فات
و انا جبتهولك بالمناسبة يا عزيزي يا ابو ملحق

قال ان روسيا تجاريا قدرت انها تصنع حائط صد ضد العقوبات
وكان الدرع بتاعها منظمة بريكس
* اللي هي متحكمة في 27% من اقتصاد الكوكب
* وبتخدم 40% من سكانه
* و انها اقوي من مجموعة ال G7
* وعندها كيان مالي اسمه بنك التنمية الجديد اللي مقره شنغهاي و هو رابع اقوي بنك عالميا
* و عندها نظامين للمدفوعات
الاول ال CIPS ...... التاني مير
و دول بديل جيد لسويفت

 

[Hunter]

تاخد بيانات تقرير صندوق النقد الدولي عن بريكس
طبقا للقوة الشرائية
الناتج الاجمالي لها 44.1 تريليون دولار
في حين ان الناتج الاجمالي لمجموعة G7 يساوي 40.7 تريليون دولار

بس روسيا بتترنح بردووو زي الانكيلاب كده

بس روسيا عليها مديونية هتتخلف عنها .. و المهلة انقضت يا چي

لا اله الااااا الله
و ده اثره ايه ده يا عزيزي
هيروحوا يعملوله محاضر بايصالات الامانة في قسم مدينة نصر اول

يا بني ما هو كده كده عليها عقوبات
و كده كده الدين اللي ب 100 مليار دولار ده دين لدول غير صديقة اساسااااا
يعني مفيش بينهم تعاملات خلاص

عارف ايه الاجراء اللي هياخده الدائنين

مش هنتعامل معاك تاني
و ده عقاب بوتين ميقدرش عليه

اللي انت متعرفوش ان بوتين انهاردة حظر تصدير الماس و المعادن للدول الغير صديقة

وعموما احنا مبنقبلش الحرام
انطوان سيلوانف وزير المالية
قال دي ازمة مصطنعة طبعا
و دي ديون سندات حكومية
وهنحط فلوس المستثمرين في حسابات بنكية من الفئة C يتم الوصول اليها بعد تقديم طلب الي المؤسسة المالية لتسوية الودائع الروسية
يعني ايه فئة C

حساب يخضع للرقابة الحكومية

يعني فلوسك موجودة هتقدم طلب وتاخدها بالروبل .. مش عاجبك اعملي محضر

روسيا
* بتتحكم في انتاج 33% من القمح العالمي هي و اوكرانيا اللي روسيا مسيطرة عليه
* 63% من انتاج الاسمدة الزراعية
* 71% من انتاج الاحجار الكريمة والماس
* 77% من الغازات النبيلة اللي متحكمة في صناعة الرقائق الالكترونية
غير الغاز والنفط والفحم
يا عزيزي روسيا مش دولة ..... دي قارة لوحدها
و الشتا فاضله شهرين تلاتة
و اوروبا وامريكا بتصيح
و نشوف بقا مين هيعيط بجد المواطن الكتكوت الاوروبي ولا المواطن الاجريسف الروسي

الاسواق بقا اللي روسيا فتحتها
200 مليار حجم تبادل تجاري مع الصين
و مش عايزين يعلنوا عن حجم التجارة مع الهند
عشان اوروبا بتتذل للهند وتشتري منهم نفط روسيا
غير 21 اتفاقية شراكة وتكامل تجاري
و صداقة غير محدودة
ده الموقف الاقتصادي الروسي بالارقام

 

[Hunter]

-----------------------------------------------------------

هنجت يا عزيزي
لا اجمد كداااااا
واستني اجيب قهوتي
ونشوف كالينجراد وضعها ايه

ليتوانيا زي ما قولتلكم عملت زي رشدي بالظبط .. انا 100 عتريس في بعض
من 20 سنة كالينجراد كانت بتاخد كهرباء من محطة اجناليا في ليتوانيا
* ليتوانيا اتفاجأت ان كالينجراد بقالها سنة عندها محطة خاصة

ليتوانيا هتقطع انبوب الغاز

* بس كالينجراد عندها محطة مارشال فاسيليفسكي بالفعل

* وموجود الاسطول المدني في البلطيق اللي هينقلهم اللي هما عايزينه
بس مش عملت راجل ... قاااابل بقا

شوف التصعيد الروسي
* الدوما انهاردة النائب يفيجني فيدوروڤ اتقدم بمشروع قانون لالغاء الاعتراف بانفصال ليتوانيا عن روسيا الاتحادية
من الاخر ليتوانيا دي بنتنا و هنربيها بمعرفتنا

* هو اساسا انفصال ليتوانيا ده كان بناءا علي ايه يا عزيزي
انا اقولك
بناءا عن مفاوضات قادها ديمتري روجوزين
بين موسكو و بروكسل سنة 2002/ 2003
اني هسيب ليتوانيا تنفصل مقابل ضمانات الاتحاد الاوروبي للعبور الي كالينجراد
* طب لما ليتوانيا توقف العبور هلغي الاتفاقية و هروح لمحكمة العدل الدولية وهفرج عليكم المجتمع الدولي وبعدها هاخد اصوات في مجلس الامن و اضرب ليتوانيا واخدها .. بلا قرف بقا
روسيا هتطالب ب كلايبيدا
ايه كلايبيدا دي
* قرار مؤتمر بوتسدام سنة 1947 اللي اتعمل لارضاء الاتحاد السوفيتي بعد الحرب العالمية التانية
اعطي للاتحاد مدينتي ميمل و كولينجسبرج
ميمل بقت كلايبيدا و سابتها روسيا ل ليتوانيا وفيها روس عشان تأمين الحدود
كرلينجسبرج بقت كالينجراد
روسيا هتاخد ممر سوالكي
و ده السبب اللي رجع بوتين الكرملين بعد نص الليل
ممر سوالكي ده يعني قفل علي بولندا باب الاوضة مع بيلاروسيا
ومش هينفع نوضح عشان دي منطقة اعراض

هيفصل ليتوانيا عن نظام الطاقة الخماسي بريلل
اللي هو شبكة طاقة بين روسيا - بيلاروس- ليتوانيا - استونيا - لاتيفيا
يعني هتبقا ضلمة
عزيزي هيسألني هي ليتوانيا مكنتش عارفة بالهم ده يا چي
والله يا عزيزي ما عارفة الناس دي بترفع ايه .. ده لو فودكا حمضانة ما هتعمل كده

-----------------------------------------------------------

نسيبنا من دول ونشوف خناقة ال G7
شيطان بقا ودخل بينهم يا عزيزي
* المرحوم قال لماكرون انت السبب في اللي حصل لاوكرانيا ده عشان في 2008 رفضت دخولها الناتو في قمة بوخارست هي
و جورجيا
ماكرون قاله الله يخرب بيت اللي بينسي يشحنك .. انا مكنتش في الحكم

بس بردوووو مش هوافق دلوقتي
* حنا السكران قاله انت اكثر اتصالا ب بوتين وشكلك بتحبه وكنك مش مظبوط ياض
ماكرون قاله عندي ازمة كهرباء والله .. ومش هورط نفسي اكتر
راح مطلعله ليست المساعدات
طلعت فرنسا متوقفة عن دعم اوكرانيا ب 2 مليار دولار اول عن اخر

مسيو ماكغون بيشتغل الناتو

* رد ماكرون والله دي امكانياتنا
ولازم نوصل لتفاوض مع بوتين قبل الشتاء
* رد حنا السكران احنا كده هنهين كرامتنا و بوتين هيزداد فخرا بنفسه " و ده كان اول دليل علي ان حنا السكران عنده استروچين وبروچسترون زيينا .. عشان ده شغل هرمونات مش سياسة خالص

"
* راح المرحوم جاب شولتس مستشار ألمانيا
وقاله بص انا مخلفتش غيرك
انت هتدفع لاوكرانيا عشان انت مؤدب
جه شولتس في خطابه الصحفي قال هدير المدافع في الحرب لا يجب ان يشغلنا عن كوارث الاقتصاد
و ان الاموال الوطنية الوطن اولي بيها

وبعدين الهرمونات قامت عليهم كلهم
و عملوا مؤتمر عن بدلة بوتين و وقفة بوتين
و ضحكة بوتين
و حاجة منتهي قعدة مدام ناني وولاد خالتها

ومطلعناش بحاجة من ال G7 تخدم اوروبا
الا ان بريطانيا و امريكا و اليابان و كندا قاطعوا الدهب الروسي اللي هو اصلا حظره عنهم يوم 2 يونيو اللي فات ده

و اتخاصم حنا السكران و ماكرون لما لمح له بالخيانة وانه خايف من بوتين
قاله ده يالهوي علي اللي بيتقال عنك في التليفزيون الروسي
هو انت متعرفش ان اندريه جورليوف النائب السابق للمنطقة الشمالية العسكرية قال ان اول مدينة هيتم قصفها هي لندن
ده قبل دول البلطيق .. و مجهزلك واحد سارمات وصاية

الكوكب بيحكمه سلاحف النينچا والله

-----------------------------------------------------------

 

[Hunter]

-----------------------------------------------------------

تعالوا بقا ناخد خبر
خلاني وقفت و صقفت ل بن سلمان

مصطفي الكاظمي رئيس وزراء العراق الحبيب كان اول امبارح في السعودية
واستقبله بن سلمان بحفاوة جدااا
و أبدي استعداده لمساعدة العراق

امبارح بقا مصطفي الكاظمي راح طهران محمل برسالة من بن سلمان ل ابراهيم رئيسي رئيس ايران
و دخل معاه هو و قائد الحرس الثوري الجديد وبعض النخبة اجتماع مغلق لمدة 3 ساعات

بن سلمان بيلعب سياسة كما أنزل اقسم بالله
و اتمني طبعا ان مساعي الكاظمي تنجح
لان الخبر ده مخلي الميديا الامريكية تردح ل بن سلمان

منتهي الاستعدادات ل زيارة المرحوم
و مش هينوبه الا بنزين الطيارة الرئاسية

-----------------------------------------------------------

في مدعكة دايرة علي الحدود الاثيوبية السودانية
اثيوبيا خطفت 7 جنود ومواطن سودانيين
من شهر
و امبارح نفذت فيهم حكم الاعدام

الزول مسكتش
و في ضرب بالمدفعية الثقيلة و قتلي و اطلاق نيران متبادل
و التيجراي دخلوا يجاملوا
و جيش ابرهة بيتروق
والحقيقة كل الدعم للزول

يبقا يخلي الترزي ين.....ينفعه

-----------------------------------------------------------
هذا و استغفر الله لي و لكم و للبيبي المصري اللي قالي روسيا بتترنح و انتي بتشربي نسكافيه يا هانم وبعدها زربيح منشن بقا ...
لا ما هو بوتيني الهوي بردو

 

[Hunter]

رقعة شطرنج 28 يونيو 2022 :

جيلان قاسم
أولاااا :
انا حابة اشكركم علي العظمة اللي اتعملت عند الخبير الاقتصادي الحاصل علي شهادة خبرته من مجلة ما تزوقيني يا ماما

برغم من قرفي من البوست بس قعدت قرأت الكومنتات
اصدقائي هنا و اصدقائي في الجروبات اللي بتنشر الشطرنج
والردود بالارقام و الكومنتات الفاهمة انا فخورة بيكم .. وتعبي مش بيروح هدر ابداااا

من اظرف الكومنتات بقا
حد مش صديق عندي
" شيل البوست ده عشان لو جيلان قاسم عترت فيك هترزعك واحدة شطرنج تخلي الوزير يروح يترجاها تعتقك "

-----------------------------------------------------------
ثانيا : العودة للرقعات الطويلة

عايزين نشوف الارقام ممكن ترد ازاي علي رواد دكاكين الاقتصاد :
قهوتك في ايدك يا عزيزي عشان متهش مني
و يلااااا بينا

ايه هي الدولة القوية اقتصاديا والدولة الضعيفة غير الفرق اللي يعرفه كل الناس
يا محمد يا نمر :
خبراء الدكاكين يقولك الناتج القومي طبعاااا
بس ديفيد ريكاردو بقا له رأي تاني
بيقولك ان الدولة القوية اقتصاديا هي الدولة القادرة علي تلبية احتياجات مواطنيها دون اللجوء للحد الادني و بعدم الاخذ في الاعتبار حد الكفاف
وسعت مننا

.. معامل انيس عبيد

* الحد الادني هو توفير السلع الغذائية والادوية والخدمات كلها او معظمها في متناول المواطن
* حد الكفاف هو اقل قيمة نقدية للحصول علي السلع
يعني اقتصاد لوكسمبورج اقوي من امريكا
بص ع الجراف كده
الحتة الفوشيكا دي تبقا لوكسمبورج اللي هي اصلا نانو دولة
والحتة الفوحلكا دي تبقا امريكا اللي هي نصف قارة
و ده علم جديد اسمه الاقتصاد بالمازوة

لكن الواقع ان اقتصاد لوكسمبورج اقوي
لأن نصيب الفرد فيه من الدخل القومي اعلي من نصيب الفرد في امريكا
نشوف الارقام
*لوكسمبورج 116.570 دولار
/ امريكا 42.364 دولار
ده مش كده وبسسسس يا عزيزي
ده عشان نصيب الفرد من الدين بردوووو
* لوكسمبورج 6.733.455 دولار " ااه الرقم صح 6 مليون وكسور "
* امريكا 7.870.180 دولار بالمليون بردووو
و ده مش من الديب فريزر
ده موقع انسايدر مونكي اللي تخصصه رصد الديون الخارجية للدول وعمل تقارير للبنك الدولي

ناخد مفاجأة كمان
في 4 يناير 2021 طلعت الموازنة الامريكية قالتلك ان حجم الاصول وصل 8.7 تريليون دولار
اوووووووووه براڤو
اديني حجم الدين بقا يا مونبيه
حط وشه في الارض وقال 29 تريليون

لا استني متعيطش انت عندك اصول
طب نخصم كده طلع كااااام علي صوتك و سمعني 20.3 تريليون دولااااار
يعني بعد ما ابيعك وانفضك واجيب تمثال الحرية يغسلي المواعين هتفضل مديون ب 20.3 تريليون دولار

طب ايه رأي البنك الدولي في الكلام ده يا چي

في 22 مارس 2021 طلع بيان ان امريكا تحتل المرتبة الاولي في الدين الخارجي
وبفارق هائل عن الدولة التي تليها
اللي هي بريطانيا عليها 12 تريليون و كسور
و ان الامر هيؤدي لكارثة
ابسطها
البطالة ترتفع ل 6% عن معدلاتها

يجي عزيزي مع چي عشان يشوف النصباية الامريكاني

سنة 1917 البنك الفيدرالي بيقر قانون اسمه سقف الدين
يعني ايه يعني الحد الاقصي من الدين

سنة 1991 وبعد تفكك الاتحاد السوفيتي وكشف نصباية الدهب بتاعت نيكسون رفعوا سقف الدين ل 28.4 تريليون دولار
يعني روح استلف يا حبيبي بس اوعي تزود عن كده
بيسد بقا الاقتصاد الامريكي
الله الوكيل ما بيسد دولار
ده عايش علي خد من ده ادي ل ده .. و دخل ده اوضة ده
لما في 30 سبتمبر 2021
لقوا سقف الدين تم اختراقه ووصل ل 29 تريليون
يعني 29.6% من الناتج المحلي
قعدوا يفكروا
تتصرف كيف يا عبرحيم تتصرف كيف يا عبرحييييم

وبعدين في جلسة الكونجرس بتاريخ 15 ديسمبر 2021
توصلوا لحل عبقري
قانون رفع سقف الدين الي 31.4 تريليون دولار

" ده نظام الاكل بالليل بيتخن .. طب وايش عرف الاكل اننا بالليل

طب بعد معادلات الاقتصاد لحساب النسبة العادلة السوقية لدولار الامريكي
استنادا لحجم الدين وغطاء الدهب اللي هو صفر .. و طبع الدولارات .. و ازمة استدانة الاصول يطلع الدولار 0.77 سنت
و أتحدي لو في 10 اقتصاديين في مصر يعرفوا معادلة القيمة العادلة للعملة

 

[Hunter]

نروح نشوف روسيا في المرتبة الكام للدين

العشرين
وبعد الحرب بقت ال 17
وفي الوقت اللي امريكا عندها عجز موازنة في 1 مايو 2022 يقدر ب 22.8 تريليون دولار
روسيا عاملة فائض 243 مليار دولار
و حاطة رصيد بنكي الفئة C للسندات الدول الغير صديقة 100 مليار دولار
الاقتصاد مش علم العافية
شنو السالفة البزر الحين يحچي

عشان كده لما صديقنا محمد الروبي يسأل
ازاي البورصات بتقع في امريكا
وازاي مفيش محطات كهربا ومفاعلات ويعني ايه مفيش يورانيوم
ما هو يا عزيزي عسران الضبع في فيلم الهلفوت كان عايش بالاونطة
فهمت القصة
الديون اكتر من الدخل بمراحل
كل الموارد بالاجل
الصين مداينة امريكا ب تريليون و 700 مليار
اليابان مداينة امريكا ب تريليون دولار وبتبوس ايديها دلوقت عشان تاخد جزء منهم تلحق الين
وامريكا بتقولها والله المرتب ما نزل اجيبلك منين .. امشي في البطال

حد يسألني ويقولي ليه ولاية تكساس متسدش الديون دي

معلش اصلها بتفرهد في الحر

-----------------------------------------------------------

خلصنا اقتصاد :
ندخل علي السياسة المحشية اقتصاد وعليها من فوق موزاريلا

ايه يا چي اهمية طاچكستان ل روسيا
كل يوم والتاني بوتين رايح هناك

بص يا عزيزي

زمااااان بعد الحرب العالمية التانية و مؤتمر لوزان وبوتسدم و مارسيليا
عملوا حاجة اسمها دول الستارة الحديدية
اللي دول لا يمتد لها النفوذ الاوروبي
والستارة دي اللي قافلها الاتحاد السوفيتي
بحيث ان لو اوروبا طلع فيها فوهرر جديد وحب يروح هناك .. الاتحاد السوفيتي يلبه
اتفكك الاتحاد واصبح الخليفة بتاعه روسيا الاتحادية
والتزموا معاها بالستارة الحديدية
بتشمل كل الدول كازاخستان طاجيكستان تركمنستان اذربيجان الشيشان قزوينستان و اي آن ومعاها ارمينيا
كل ده تحت سيطرة روسيا وفي اتفاق امني بينهم

اللعب بقاااا
المرحوم جتله فكرة عبقرية اثناء تناول الدوا
انه هيجيب غاز ايران لحد اوروبا
خط بارتيكو
يبدأ في ايران الى اذربيجان الى ارمينيا الى تركمنستان الى كازاخستان الى جورجيا وهناك البحر الاسود و هيتصرف فيه بقا
" لو رجعتوا لرقعات مارس هتلاقوني جايبلكم الخرايط للخط التخيلي ده وفقا لاحداثيات المكان "
اعتمد المرحوم علي الصفقة النووية
انه يخلصها مع ايران ويرفع عنها العقوبات
و علي تمرد كازاخستان اللي عايزة تخرج من الستارة الحديدية
بالرغمممم من ان الجيش الروسي هو اللي بيحكم كازاخستان
وقال الخط ده مع خط تبريز - انقرة اللي بيروح لتركيا
وتبقا اوروبا اتعشت كده و هزمن بوتين
يااااااه ع المتعة يااااه

بس هو نسي ان كل خطوط كازاخستان المتحكم فيها طاجيكستان اساساااا
واللي هي متحكم فيها روسيا
و ان اذربيجان كماااااان متحكم فيها طاجيكستان
ف الخط ده هو يرسمه ع الارض ويمشي عليه عشان ميقعش من علي العجلة تاني

استني يا چي متاكلناش كده
انتي قولتي خط تبريز - انقرة
هي مش ايران معاقبة بردو وممنوعة من البيع والشرا وفقا للعقوبات

يا عزيزي متبقاش حنبلي كده
انت بتصدق موضوع العقوبات ده
ايران المعاقبة دي بتورد لتركيا عن طريق الخط ده 14 مليار متر مكعب في السنة

طب فاكر لما قولتلك ان شركة ريذيدانس الهندية بتبيع 54% من نفط روسيا في اوروبا وامريكا
انهاردة بقا بتتبع الشركة طلعت زودت البيع 61%
ده فرنسا اللي هي G7 عملت حساب في بنك غاز بروم

اوعي العقوبات تعضك

 

[Hunter]

-----------------------------------------------------------

زهقت مني يا عزيزي

معلش استحملني كمان حبة
وتعالي نشوف كيسنجر امبارح قال ايه
الراجل استني اما نمت و قام هابدهم واحد تصريح
انما روق ال G7
قال ان موسكو هي القاعدة العسكرية للصين في اوروبا
و بكين هي القاعدة العسكرية لروسيا في المحيط الهادي
وعلي الغرب الكف عن ملاحقة بوتين
لأنها ملاحقة خاسرة ولن تؤدي لهزيمته
و قال ان الوحيدة اللي كانت ممكن تكبح بوتين هي ميركل
هي دي حقيقة كان بيقولها نكت ابيحة و بتسكت

ولو الغرب عايز يخلص مأساته قبل الشتا وانقاذا لكارثته الاقتصادية
عليه باقناع اوكرانيا بالاستسلام
بس طبعا اييييش عرف كيسنجر .. ايش فهمه ده
امه كان قائد طابية
ده بوتين بيتهزم اقتصاديا وعماد مأكدلي

يجي انهاردة ديمتري بيسكوف المتحدث الروسي
يسألوه
ايه رأي روسيا في التهديدات بتاعت ال G7
والمساعدات العسكرية
رد عليهم احنا عارفين كويس ان بريطانيا وامريكا عايزين يصعدوا الموقف انقاذا لوضعهم عالميا
بس الحقيقة احنا مكملين في العملية العسكرية ولن تتوقف الا باستسلام كييف

اللي هو طب والله ما منزلين ل كيسنجر كلمة

وفي سياق اخر زينيلسكي عايز ال G7 يعلن روسيا دولة راعية للارهاب

روووووخر صدق نفسه انه رئيس وله في السياسة وحوارات كتير كده
* ماكرون قاله لا معاكوا ربنا بقا اعلنوها لوحدكم .. انا معنديش استعداد البس التي شيرت الزيتي مبحبش اللون ده
* و شولتس اعتبر ده انزلاق خلف سذاجة سياسية .. اه وربنا قالهم كده

-----------------------------------------------------------

نصقف للبلورة السحرية اللي قالتلكم علي الجولات المكوكية للقادة العرب

والسيسي في البحرين .. وسلطنة عمان
راح يفكر هيثم انه لسه معانا في الكوكب

المرحوم هيجي يلاقي القميص مغسول ومكوي
هو هيلبس بسسس .. انا اقصد القميييص

خطواته عاملة زي تفتيش الحرب
اللي ميعرفش يعني ايه
يسأل البيبي المصري حجي
و لسه في تحركات اخري

ولو بتسأل عن ابرهة الحبشي
ف هو بيتهم مصر بمد السودان بالسلاح
و بيستعجب علي رفع الكفاءة القتالية لمتمردين التيجراي
و بيهدد مصر باللجوء للمجتمع الدولي
دراعك بيوجعك اوي ياض يا مرسي

وطبعا احنا ملناش دعوووووة
مين التيجراي دول اصلا

----------------------------------------------------------

ان شاء الله رقعة العراق soon عشان في مستجدات كويسة
وانا عارفة اني مقصرة في اجابات الاسئلة بس في هجمة غريبة كده بنحاول نتصدي لها
بس انا مدوناها كلها وهجاوبها مش هكروتكم

هذا واستغفر الله لي ولكم و للي مجندني كلهم بقاااا

 

[TOPOL]

هيه بوستات فيها افكار حلوة جدا بس مش قادر اركز معاها مش ماسكة فكرة واحدة وبتناقشها كلمة من الشرق علي كلمة م الغرب
تحسها قاعدة علي مصطبة بتتكلم صحابها ومش ماسكة طرف خيط واحد
بس هيه قالت فكرة مهمة بخصوص اثيوبيا والسد

 

[Hunter]

من فضلك, تسجيل الدخول أو تسجيل لعرض المحتوى !

عشان هيا بتتكلم فى كل الى بيحصل فى العالم
وبتربط كل التحركات على مستوى الدول ببعض
على فكرة كلامها حاليا وانتا وبتقرأة دى بالنسبالك احداث حصلت بالفعل عشان كدة انتا شايف انها مش ماسكة فكرة واحدة لكن انا عشان متابع المقالات اول بأول فأنا متابع انها فعلا بتتنبأ بأحداث قبل ماتحصل