رقعة شطرنج السبت 20 اغسطس 2022 :
حاجة كده معمولة بمزاج والله
✍️د.جيلان قاسم
جاهزة يا حجة
جاهزة يا بني جك صاروخ باليستي سارمات في معاميع العرر
أصل انا ببقا في اسعد حالاتي النفسية و انا بفرم في العرر و بيفرفروا تحت ايدي
الرقعة دي طوييييييييلة
وعايزة بال رايق و انحسار في هرمون الدونية تماما
🔴 لما جينا نبني السد العالي
وقفلنا الغرب كله
عبد الناصر قال ده مشروع سلام ملوش علاقة بالحروب
البلد بتغرق من الفيضان .. و الارض الزراعية بتبور مننا
ومحتاجين كهربا زيكم
🔹🔹الغرب قاله لاااااا
تشرشل قال مصر مينفعش يتعمل فيها مشروعات قومية
لازم يفضلوا تحت ضغط الفقر و الامراض
الرفاهية لو حصلت في مصر هتكون خطر علي العالم بسبب موقعها الجغرافي .... مصر لو عملت مشروعات قومية هتحقق فائض يمكنها من التسليح وده مش المفروض يحصل 🤷🏻♀️🤷🏻♀️
🔹🔹كيسنجر اقنع السادات ان رفاهية الشعوب بتبدأ من الاستيراد و فتح الباب للخواجة علي حساب الصناعة الوطنية
راح السوق اتغرق سلع استفزازية
و الاستيراد بقا شغلة الهجامين و اللصوص
و مع السنين وقفت الصناعات الوطنية
🔹🔹قعدنا 8 سنين في عهد مبارك بنكااااافح في عدم اطفاء افران مصنع حلوان بتاع الحديد لحد ما وصلنا لفرن واحد بس بفضل احمد بيه عز و بمباركة امريكا اللي مهنش عليها تقدم اي دعم
ولما الروس عرضوا المساعدة مبارك رفض عشان الامريكان ميغضوبش عليه
🔴 انهاردة امريكا بتقولها صراحة " اوعي تخلي مصر تكبر " بس عن طريق كلب من كلابها في صحيفة فورين بوليسي
و هو ستيفن كووك .. Steven A.kook😡
مقالة طويلة عريضة فيها كل حاجة وعكسها بيختمها بوجوب القيام بثورة مشابهة ب 2011 للاطاحة بالسيسي .. ومعاه الجيش ...... تفكيك الجيش المصري
انا هترجمها بما يرضي الله
واللي حابب يروح يتأكد العنوان بتاعها
Stop finding Sisi's house of cards :
توقفوا عن تمويل بيت الورق الخاص بالسيسي
As the Egyptian president spends on projects of questionable value .. the people are suffering .
الرئيس المصري بيصرف علي مشروعات وهمية بينما المصريين بيعانوا
اووووووووه تراني اتأثرت لحظة أبكي 🙄🙄
♦ الميكانيزم اللي هشتغل بيه الرقعة دي مختلف شوية
انا هاخد براجراف براجراف و هرد عليه بالارقام 👌🏻👌🏻
🔵البراجراف الاول : حادث حريق ابو سيفين و ازاي النظام متورط فيه و في حوادث كتيرة من يناير 2021 ما بين انهيار عقارات و بين حوادث قطارات و حوادث تستهدف الكنايس .. والاجواء دي مشابهة لاخر ايام مبارك
♦ الرد 👈🏻 افتكر كويس ان لعبة المسيحيين والكنايس دي استراتيجية قديمة شوية في تقليب البلد
خصوصا انه حادث قدري مش مترتب له
زي مثلا 👇🏻👇🏻
▪15 مايو 2022 👈🏻 اطلاق نار في كنيسة هيوستن و سوق
▪16 مايو 2022 👈🏻 اطلاق نار علي الخارجين من كنيسة لاجونا وودز بعد القداس
▪18 مايو 2022 👈🏻اطلاق نار داخل كنيسة بوفالو ب نيويورك وراح ضحيتها 3 اطفال بردو و 6 مراهقين
▪17 يونيو 2022 👈🏻 اطلاق نار داخل كنيسة ألباما و اتقتل القس القائم بالقداس
و 16 من الحضور
🔷🔶لو بصينا بقا في تقرير الكونجرس الصادر بتاريخ 7 يوليو 2022 و اللي نزل منه نسخة في رويترز وواشنطن بوست
بيقول اييييه .. وشوف الارقام المرعبة 👈🏻 بداية من يناير 2022 وحتي الي 3 يوليو 2022
حصل 240 حادث اطلاق نار و 19000 ضحية قتل
وبناءا عليه تقدموا بطلب تشريع قانون للسلاح 🤷🏻♀️🤷🏻♀️🤷🏻♀️
🔷🔶 طب لو بصينا علي حادثتين صغنين لاستهداف الكنايس في شيكا بيكا
♦في 3 نوفمبر 2020 تم الحكم علي هولدن ماثيو بالسجن 25 سنة بسبب احراقه ل 3 كنايس خاصة بالسود في ولاية لويزيانا 😉😉
♦في 3 اغسطس اللي احنا فيه ده
القضاء الامريكي بيحقق في كارثة كبيرة
تورط 400 من رجال الدين في اعتداءات جنسية علي اطفال داخل الكنيسة البروتستانتية
وعدد الضحايا 700 طفل ومراهقة
و لجنة ادارة المؤتمر المعمداني الجنوبي للكنايس البروتستانتية اصدر بيانه بالتعاون الكامل مع القضاء لتسليم المجرمين
📌هتروح بقا تراجع مواقع جريدة هيوستن كرونيكل و جريدة سان انطونيو اكسبريس نيوز
هتلاقي كافة البيانات الكنسية
وشهادات الناجيين و الضحايا
فبدل ما تتكلم علي كنايس مصر و تتشحتف اوي .. لا احنا زي الفل
لم خيبتك يا ستيفن ياخويا عشان كنايسكم غير آمنة حياتيا و جنسيا 😎😎 .. الكنايس في امريكا اتغيرت خاااالص يا عماد 😉😉
----------------------------------------------------------
نحتسي حسوتين من حلة النسكافيه
و ناخد البراجراف التاني
و لو اني محتاجة فنجان الست عدلات القماش 😞😞
🔴 قالك مصر بها نقص سلع و ازمة طعام منذ عام الوباء
و اي دولة تعاني من ازمة غذاء من غير المعقول تحقق ازدهار او نمو
🔷🔶 وانا موافقة علي الجملة الاخيرة
اي دولة فيها ازمة غذاء مستحيل تحقق نمو
لأنها تبقا بتترنح 🤷🏻♀️🤷🏻♀️
♦طبعا عزيزي مش محتاج اعرفه ان مفيش ازمة غذاء في مصر وتوافر السلع كلها
لكن احنا عايزين نعرف مين اللي عنده ازمة
🔹يوم 21 فبراير 2021
الجرايد الامريكية زي نيويورك تايمز مثلا نقلت تصريح غريب اووي عن المرحوم 👈🏻 احذروا من الصينين انهم يسرقون طعامكم 🤔🤔
الصين زعلت
المرحوم جه يكحلها عماها
قام طالع بتصريح يفسر بقا
قالك الوباء والحجر وقف خطوط وسلاسل الامداد الغذائي .. وقعد المزارعين في البيوت وتركوا المزارع الشاسعة حتي تلفت المحاصيل ... و انهار لدينا سوق الدواء
وكل ده بسبب الخفاش الصيني الحقير
📌 خدت التصريح ده واشنطن بوست
ونزلت علي وزارة الزراعة تسأل و تستفسر
و طلعت بتقرير كارثي عن وزارة الزراعة 👈🏻 54 مليون امريكي يكافحون الجوع هذا العام
بزيادة قدرها 45% عن العام 2019
📌 وان الحكومة الامريكية قررت تقليص برنامج المعونة الغذائية الي النصف لعدم توافر المحاصيل
📌 نفاد 12 مليون صندوق اعانة طعام ضحية عيد الميلاد لسنة 2020 ............. يا عيني
يا بني
12 مليون صندووووق
يعني حوالي 50 مليون امريكي بيتسولوا اللقمة
لا حول ولا قوة الا بالله ... اما بلاد متقدمة
و رفاهية صحيييييح 😉😉😉
🔷🔶 طب يا چي ده السنة اللي فاتت و اللي قبلها .. مش يمكن الحال اتعدل 🤔🤔
📌 انت صح يا عزيزي و احنا مبنحبوش الظلم
فهنشوف يوم 7 اغسطس 2022 فوكس نيوز الامريكية تقريرها قال ايه 👈🏻 أصبحنا امام ازمة غذاء حقيقية
طب لييييييه
ده لقاء مع كاتي فيتزجيرالد رئيسة مؤسسة feeding USA اللي هو بنك الطعام
الست قالت الازمة التي نشهدها الان أسوء مما رأيناه في جائحة الوباء 2020
فالكثير فقدوا أعمالهم ونقوم بإجراءات مقايضة اقتصادية عشان نكفيهم وجبات غذاء الذي اصبح اكثر تكلفة
تسكت علي كده .. ابداااااا
▪اتهمت ادارة المرحوم بالفشل في ادارة الملف الغذائي و ان شبح الجوع هيطارد 30% من الامريكان
و ان برنامج المساعدة الغذائية لوزارة الزراعة تم تخفيضه
و ان الحكومة توقفت عن الامدادات
و ان التبرعات قلت بسبب الاوضاع الاقتصادية المهببة فوق دماغهم و انخفاض مستوي المعيشة 🤷🏻♀️🤷🏻♀️
🔷🔶 يوم 16 ابريل 2022
بولتيكو نشرت تقرير مفصل عن العاصفة الغذائية اللي بتطارد امريكا
وتفاصيل ازمة نقص حليب الاطفال
و اغلاق شركة ابوت نيوترشين اللي افقد السوق 43% من الانتاج
و انهم زعلانين من ألمانيا عشان بعت 41 طن بسسسس ومش راضية تبعت تاني 🙄🙄
----------------------------------------------------------
🔴 البراجراف التالت : الجيش المصري بيزاحم القطاع الخاص لدرجة دخوله مجال البنية التحتية
و ده يمنع دخول الاستثمار الاجنبي
و دعم نمو الاقتصاد ............ 😁😁😁
🔷🔶 اولا 👈🏻 الجيش داخل شايل البنية التحتية
و برغم من عدم صدق الادعاء لأن في شركات مقاولات كتير شغالة ومقاولين من الباطن
لكن ياريت يجاوبنا ستيفن كووك و كل الكواكيك اللي بيشيروا وراه
▪هو الجيش الامريكي اخباره ايييييه 🤔🤔
ابدااا يا عزيزي
هتدخل علي موقع الجيش الامريكي
و تدور علي الهيئة الهندسية بتاعتهم
فهتلاقيها في خلال 7 سنين دخلت في سوق المقاولات باستثمارات 44 مليار دولار .. ده جزء من اقتصاد البنتاجون الخاص
في مجال الانشاءات
و بيتباهوا انهم حققوا ارباح 200%
و جنبوا امريكا خساير مقدارها 32 مليار دولار نتيجة انهم بنوا سدود و طرق وكباري و اعادوا احياء البنية التحتية المتهالكة 🤷🏻♀️🤷🏻♀️🤷🏻♀️
🔹 بس كدددده 🤔🤔
عيب يا عزيزي
ده انت هتلاقي الجيش الامريكي بيملك 27 شركة ما بين نشاط غذائي وسياحي و بيملك شركات التسليح و التكنولوجيا 🙄🙄
🔹 بس كده يا چي 🤔
لاااا يا عزيزي
الجيش الامريكي بيملك 46 مدرسة بيدرس فيها 73 ألف طالب ....... مش مدارس عسكرية تؤ تؤ دي مدارس خاصة 😁
حلووووو الكلام .. حلوووو
لسسسسسه لسسسسسسسسسه
🔹الجيش الامريكي لاحظ اقبال جنوده علي البيتزا
فقرر يعمل مصنع بيتزا وبدأ ينزل انتاجه السوق🤷🏻♀️🤷🏻♀️
الجيش بيعمل بيتزا يا مني .. ابقا زودلي الموتزاريلا وحياة ابوك يا چنرال 😜😜
بس طبعا للجيش الامريكي دح دح .. و للجيش المصري كخ كخ
" ومش هدخل في جدال القطاع الخاص عشان هفتح الملف القذر ده قريب .. لولا سندات الجيش كانت مافيا القطاع الخاص جوعتكم "
-----------------------------------------------------------
🔴 البراجراف الرابع :
و دي الفقرة الكوميدية هيا بنا نضحك
الترجمة بالنص 👈🏻 المشروعات الانشائية هي احتيالية تلك المشروعات هي عملية احتيال ... فجسر تحيا مصر شمال ووسط القاهرة أصبح اوسع جسر في العالم .. الي جانب التقاطعات والجسور المعلقة الاخري التي ظهرت في مصر خلال العقد الماضي مهمة وتحسينات كثيرة ...... اقرا كده يا عزيزي 👈🏻 بالطبع يمكنها المساهمة في تحقيق النمو الاقتصادي 🤷🏻♀️🤷🏻♀️🤷🏻♀️🤷🏻♀️
🔷🔶 ايوا يعني هي مشروعات احتيالية
و لا هو اعظم جسر في العالم
و ان الطفرة دي هتساهم في النمو اقتصادي 🤔🤔
و زي ما احنا عارفين درانك اند ألكول دونت ميكس
انت كنت شغال في ناسا بردووو يا ستيفن 😁😁😁
-----------------------------------------------------------
🔴 البراجراف الخامس :
الحراااااقة بزيادة 😉
" ما هو مبرر العاصمة الادارية التي تكلفت 60 مليار دولار .. و هي لم تبني للمواطن العاااادي
استني نجيب المناديل عشان دموع الشحتفة 😭😭
بل أقامها السيسي لتجميع النخبة "
فين اكلاشيه سيحرقون عاصمتهم القديمة
يا ستيفن 🤔
بس مظبطش معاه لأنه زي الدوهل قال 👈🏻 ولكنه كان من الحصافة تخصيص جزء من الارباح لتطوير القاهرة
مين اللي جاب القلعة جنب البحر 😂😂
🔹يعني انت متفق معايا انها حققت ارباح اهو .. والارباح راحت لتطوير القاهرة اهوووو
🔹بس المفاجأة اللي انا بعتها لستيفن كوك علي موقعه الشخصي ان العاصمة الادارية احنا مدفعناش فيها ولا مليم
و انها فلوس استثمارات
ومش 60 مليار الحقيقة هما 49 مليار الي 52 مليار دولار
🔷🔶 ولا انت عندك مشكلة مع مشروع النهر الاخضر
اللي 5 اضعاف سنترال بارك نيويورك
و البراندات اللي هناك اشترت فيييييه 🤔🤔🤔
ده انت منفسن بقا و ده صورم 😁😁
" و انا ببعتله الايميل معرفتش يعني ايه صورم بالانجلش .. فكتبتله تبا لك .. بتاعت انيس عبيد 🙄🙄"
-----------------------------------------------------------
🔴 البراجراف السادس :
" مصر لديها فائض كهرباء .. يبقا اييييه لازمة مشروع الضبعة
مصر لا تحتاج مفاعل نووي "
أتراك توزع من مال امك 😏😏
بس بردووووو لازم نفرح ابو صورم معانا
🔷🔶 حقيقي مصر عندها فائض كهربا
لكن احنا في مركز خامس عالميا لتصدير الطاقة
و رؤية 2030 اننا نتصدر العالم
وعشان كده
عملنا 3 اتفاقيات ربط كهربي لتصدير الطاقة لقارات اسيا و افريقيا و اوروبا
فعندنا مثلا :
▪خط الربط الكهربي مع السودان و دول حوض النيل 4800 ميجا وات
▪خط الربط مع الاردن والعراق 👈🏻 2000 ميجا وات
▪خط سوريا 👈🏻 3000 ميجا وات
▪خط الربط مع السعودية 👈🏻 3000 ميجا وات
بس بس مش هيحتاج الميجات دي بس
عشان الاستثمارات المصرية السعودية تعمل حاجة اسمها السوق المشتركة للكهرباء عشان نبيع منها
و اللي بيمول المشروع ده
📌الموارد الذاتية للشركة المصرية لبيع الكهرباء
📌 الصندوق الكويتي للتنمية الاقتصادية العربية
📌الصندوق العربي لانماء الاقتصاد
📌البنك الاسلامي للتنمية
هو بيحرق عشان مفيش اي دولار ببرنيطة معلششششش 😉😉
🔷🔶 غير مشروع الربط الكهربي بين مصر
و اليونان و قبرص عن طريق جزيرة كريت
3000 ميجا وات لكل دولة
و بتنفذه شركة يورو افريكا من مايو 2019
🔷🔶غير الوكالة الفرنسية للكهربا اللي داخلة تنفذ مشروع كوم امبو
🔷🔶ده غير الاتفاقية الجديدة للاتحاد الاوروبي لتوريد الكهربا المصرية لاوروبا عشان بوتين هيضلمها علي دماغ ابوكم ان شاء الله 🙏🏻🙏🏻🙏🏻
بالتالي ال 15000 ميجا وات الفائض مش هيكفونا
فاحنا عشان كده بنعمل المفاعل 😉😉
-----------------------------------------------------------
🔴 البراجراف الساااابع : انا تعبت 😣😣
" ميزانية مصر في وضع سئ هي اكبر الدول التي تعاني من الديون .. واخبرني صديقي من القاهرة ان كل واحد في القاهرة اصبح خبيرا في البنك الفيدرالي 🤷🏻♀️🤷🏻♀️ .. و اخبرني صديق اخر ان الحديث في الشارع المصري هو عن خفض قيمة الجنيه...... و في ليلة و ضحاها ارتفع سعر كل شئ "
قمت أنا اتخضيت 😲😱
♦ طبعا موضوع الديون والقروض انا قتلته بحثا معاااااكم ... و ان البنك الدولي و منظمة فيتش و ستاندرد اند بورز قالوا الديون 35% حد الامان
📌بس صديقك مقالش عن مشروع رفع سعر سقف الدين الامريكي الي 31 تريليون دولار .. عشان انتوا عديتوا السقف ب 8 تريليون
📌مقالكش ان مصر منتظمة في السداد
وانتوا من نوفمبر 2020 لا دفعتوا اقساط
و لا فوايد 😉
📌مقالكش ان الناس في مصر عارفين ان الاسعار عندكم زادت 22% في شهر واااااحد
اكييييييد صديقك ده المواتن اشششف 😁😁😁
-----------------------------------------------------------
🔴 البراجراف التامن :
الصعبانيات الفشييييخة 😁
السيسي لما التقي المرحوم في جدة كان قلق بشأن اسعار الطعام 🤔🤔
يعني المرحوم مكنش رايح جدة اصلا عشان يساومهم و يخوفهم بأزمة نقص الغذاء عالميا 🤔🤔
🔷🔶 ودخلنا في هبد مفتخر
📌 السجون مليانة معارضين يا حراااام
📌الانظمة الامنية تمارس القمع الوحشي في الشوارع
ايوووا يا باشا موقفين ظباط في الشوارع بينشنوا علي المصريين بالنبل .. و بيطفوا السجاير في قفاهم 😭😭
هو كيرة و الجن وصلك ولا ايه
دوكها الانجليز يا خواجة 🙄🙄
وفي النهاية قال كلمة حكمة و انا موافقاه
( سيظل المصريين يستبدلون ظابط بآخر في الحكم )
الله عليك يا استاذ متحت
اتصدق بالله انا بفكر اخلفلك ولد اطلعه ظابط وامسكه الحكم 😁😁
🔷🔶 ووجه نصيحة للامارات والسعودية
و قطر والبنك الدولي و صندوق النقد
هو مقاومة فكرة ان مصر دولة ضخمة بدرجة لن تسمح لها بالانهيار
وشوف الكوميديا يا عزيزي قال ايه 👈🏻 و ربما هذا صحيحا
لكن من الحماقة تمويل مدينة السيسي الزمردية ومشاريعه الخيالية الاخري 😁😁😁
وطبعا هيخدوا بالنصيحة
بدليل انهاردة الراجحي داخلة تعمل دراسة جدوي لمنطقة سياحية كاملة .. و مشروع الفيلات اتباع كله 😁😁
🔷🔶 ده غير انه شايف ان السيسي ملوش حزب سياسي يدعمه .. و ده يطيح بيه
حزب ايه يا حج
السيسي مش محتاج حزب ..... دولة چيلان قاسم حزبه مش مالية عينك ولا ايه 💪🏻💪🏻💪🏻💪🏻
-----------------------------------------------------------
🔴 ااه رقعة طويلة
واللي مش حابب يقراها براحته
فلو انت تعبت في القراءة .. انا بذلت مجهود تجميعها وكتابتها 🤷🏻♀️🤷🏻♀️
عملتها عشان محدش يشتغلك و يقولك خبير امريكي بيقول
ما هو ستيفن كووك ده يبقا التوائم الملتصق بتاع الخوابير بتوعنا 🤷🏻♀️🤷🏻♀️
طبعا انا عارفة ان الاكونت هيتفشخ ريبورتات
فخدوا البوست كوبي عندكم واحفظوها عشان تلزقوها في عيون ولاد حنجل
هذا و استغفر الله لي ولكم و للريس عزيز مصر و الجيش المصري اللي كايدهم .. و تحيا مصر حلوة الحلوات 🇪🇬🇪🇬🇪🇬
تحديث:
علي فكرة الردود دي قبل ما انزلها هنا
كتبتها وبعتها موقع فورين بوليسي و تليجراف وبلومبيرج وواشنطن بوست
وترجمتها الماني وبعتها دير شبيجل
وفرنسي وبعتها لوموند
عشان لمحوا لمقالة العلق ستيفن كووك
يعني انا مش بهتم ارد علي خوابير الفيسبوك بس
انا اي حد يفتري علي بلدي باكله و بنهش لحمه و فورين بوليسي بعتلي رد جاري دراسة الفايل 💪🏻
