مصر : انا حلوه اهو انا حلوه وزى الفل يا عاشور وسخريتك مش هتأثر فيا
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
رئيس الوزراء: الأسعار ستنخفض خلال 48 ساعة بما يتراوح بين 15% و20%
- بادئ الموضوع Atum
- تاريخ البدء
اخس عليك .. انا قلت هتقف معايا ضد المعارضين بتوع الاشعات ونظريات الهدم الى صدعونا الاسعار الاسعار ويرموا الفشل كل شويه على رقابه واداء الحكومه .. الى هدفهم يخلوا فيه فجوه وعدم رضا بين الناس وقياده الدوله ..
البنت دى بتفهم والله رغم الحريقه والنار و بيتها الى بيتحرق الا انها لسه محافظه على ابتسامتها و املها في بكره ان شاء الله .. وكلها ثقه في رجال الحكومه ( المطافي ) انهم هيطفوا النار .. يا ريت نتعلم منها روح الامل والتفائل رغم الازمات مش هتلاقي عندهم ناس بتردح وتقول ليل نهار الحكومه هى السبب ..
ما فيش دولة أصلا للأسف
لأ فيه دولة بس مش مفعلين الرقابة زي زمان و سايبين السوق بنسبة كبيرة للقطاع الخاص تنفيذاً لشروط صندوق النقد بأبتعاد الحكومة و الجيش عن الأقتصاد و ترك المجال للقطاع الخاص
بس ده ماينفعش عندنا لآن نسبة الجشع عالية عند جزء ضخم من التجار و بيسعوا للربح السريع و بيستغلوا الأزمات
الحل في تدخل الدولة من جديد لضبط السوق بمشرط جراح بدون مايخالفوا شروط صندوق النقد و يفعلوا رقابة شديدة غير رقابة وزارة التموين اللي اغلبها مرتشين و في نفس الوقت يندموا التجار على تخزينهم السلع بضخ كميات ضخمة من بعض المواد التموينية بأسعار منافسة تجبر القطاع الخاص على التخفيض لمجاراة الكميات اللي هتضخها الدولة
و ده ممكن يحصل من الحكومة بذكاء عن طريق شركات قطاع خاص تتولى هي توزيع السلع اللي هتدخلها الدولة بأسعار منافسة !
والله يا استاذ هى فعلا قصه تروى ازاى مصر تغلبت على ازماتها الاقتصاديه .. ماحدش كان بيصدق .. بس الحمد لله جه راس الخكمه وخلت ازمه مصر الاقتصاديه قصه من الماضي .. ومن صاحب الفضل بعد الله .. هو الرئيس والحكومه وعلاقتهم القويه بالخليج .. مصر في طريقها الى قصه جديده ان شاء الله ..
تنفيذ سياسة الدولة برده من خلال شراكات صندوق مصر السيادي مع القطاع الخاص بظل من استثمارات الدولة بشكل مباشر
و يبقي صندوق مصر السيادي هو الواجهة و مع الشراكة مع القطاع الخاص يبقي صندوق النقد ملوش حجة
ده الى بحذر منه .. حاله الياس والاحباط بسبب الحديث عن احوال الاسعار والغلاء ومش عارف ايه .. بس الناس لازم تبقى مدركه كل حاجه في زياده عالميا .. اسعار القمح والذهب والحديد والبترول وغيرهم وغيرهم من عشر سنوات غير دلوقتى الخ الخ
ولو افترضنا فيه اسعار زياده على افتراض بصحه نظريه اصحابها .. فهى مرحله مؤقته حلها المزيد من العمل لا تصدير الاحباط بين الناس ..
لا صدقنى كنت الاول فعلا معارض زي زى ناس كثيره ..
بس بعد كده اكتشفت قسما الحكومه مش غلطانه .. بالله عليك تتخيل ان ممكن رئيس الحكومه او وزير يروح الشغل متعمد انه يغلى اسعار او يفشل مشروع او يفشل في شغله .. مستحيل . حتى لو فيه اخطاء ف الكمال لله وحده .. بس فعلا مصر بتغيش انجازات غير مسبوقه والى بطئها هو كورونا وحرب اوكرانيا ومش ذنبنا .. وصدقنى اتفرج على مصر 2030 ده مش كلامى ده كلام المؤسسات الدوليه بتقول ان مصر هتبقى من ضمن اقوى عشر اقتصاديات في العالم .. بس بشرط واحد .. كلنا نحط ايدينا في ايد بعض 🙏👍🤝
تمام الاجتماع كان كويس.....لكن ما هي الية المتابعة والتنفيذ لقرارات رئيس الوزراء؟
الناس فقدت الثقة في اي تصريحات لهذه الحكومة يا استاذنا.....وكذلك التجار والحيتان اللي مسيطرين عل السوق لم يعدوا يهتموا بكلام الحكومة لان الحكومة من البداية لم تظهر لهم العين الحمراء للاسف غياب الرقابة والعقاب فاقم من المشكلة
الحل في رايي هو حكومة جديدة بوجوه جديدة بفكر جديد والاهم هو القوة على الارض علشان الكل يحترم نفسه
تحياتي لك استاذنا
التعديل الأخير:
انت بتتكلم عن دين ولا اتجاه سياسي؟
هو حول الحساب للوضع ده يوم 22 مارس و كان مسلسل الحشاشين شغال
فتقريباً هو في جنة حسن الصباح
لا ياعم دا راجل وطني بيكافح في مرحلة البحث عن الذات وطبيعي في وسط الظروف الصعبة دي الناس تتهز وتُختَبَر
المواضيع المشابهة
