مرحبا بك في منتدى الشرق الأوسط للعلوم العسكرية

[OSORIS]

من فضلك, تسجيل الدخول أو تسجيل لعرض المحتوى !

فعلا يا استاذ مارشال ..انت بتقول ايه

كل اللي قلته دي امور طبيعية ..عاصمة جديدة يعني مقرات حكم جديدة
عربية X5 ....بالمناسبة في X6 و X7 وبيركبوهم ناس لمؤاخذه جرابيع بس معاهم فلوس
وطيارة الرئاسة الجديدة ...ما طبيعي طيارة بقالها ٣٠ سنه في شغل متواصل اكيد تتقاعد ويدخل مكانها الجديد لان طائرة رئاسة الجمهورية مش طائرة عبدالفتاخ السيسي

وماله حوار مشط الشعر سواء ماسكه عميد ولا عقيد ... دول مرافقة ياوران رئاسة الجمهورية .. الرئيس طلب مشط شعر عشان وياللعار عاوز يسرح شعره فاتعمل حفلة طويلة عريضه على الفضيحة دي !!

عاوز تعرف ايه مشروع خياه كريمة

انزل الارياف وانت تشوف قرى باكملها بتتحول لمدن صغيرة من كله ...قرى مركز زفتى مثلا وده مركز من مراكز المرحلة الاولى


منورنا استاذ مارشال 🌹

 

[Xمارشال]

من فضلك, تسجيل الدخول أو تسجيل لعرض المحتوى !

لا ... تعالى اقعد معايا في نبطشية وتعرف فعلا حال الناس
و 3/4 من اللي سايقين المشاريع الحكومية همه اللي كانوا نايمين على بطونهم أيام مبارك

انزل اسأل المهندس اللي مش متعين بيتعمل فيه ايه في مكاتب هندسة استشارية في مصر ... ده لو هندي مكانوش عملوا فيه كده
اسأل الممرض اسأل الدكتور
مش اللي عاوزين نشوفه في التليفيزيون
فيه كائنات تانية عايشة برضك ومضرورة

أنا مش اللي قلت اننا فقرا ولا أنا اللي اتكلمت عن البؤس
كل واحد ممسوك من لسانه
وعندنا بدل القصر قصور .. قصور تاني ليه ..؟
وميدان تحرير نورناه وطفيناه

هو ليه مش مؤمنين إن اللي ماسك ممكن يغلط
هو فعلا بيغلط ... أنا متأذي من سياساته ... مش بتكلم بلسان غيري بقى
سياساته بالنسبة ليا ضارة ... وفيها اجحاف وشغل عافية مع إن سياسات تانية كانت تبقى أفضل

الدولار قيمته مانزلتش ليه أيام طارق عامر ... وهو اللي قال مش أنا
حصلت كورونا وحرب ... أقل حاجه كنا شوفنا نقص 3-4 جنيه مثلا مش هقول الدولار باربعة

وحاجات كتير

أنا مش بقلل منه هو عمل ... بس فيه ناس انضرت وضررها أصاب حياتها في مقتل مش مجرد شوية احباط
والضرر كان ممكن يتمنع مرة واتنين وتلاته

أنا مش عماد أديب ... أنا حد لما كورونا قالت يا مصر ... جيتلها من الغياهب ... وغيري كتير
ومازال أحدهم بيتكلم باسمنا عن المؤامرة الكونية
تجريم كل من يقول ... إحنا غلط
هي مش بلدي وليا رأي ولا ايه .؟

 

[Xمارشال]

من فضلك, تسجيل الدخول أو تسجيل لعرض المحتوى !

بالمناسبة أنا لما كنت ظابط مكانش الأمر بيحتاج مني أكتر من زنق بعض الناس في الحيط علشان المكان يتظبط
وكله كان يقول ده مكان غير المكان
أقولهم لأ
هو ... بس كدابين الزفة اللي عششوا قبلي زنقتهم
من غير ماتنضرب فرشاة بياض عالحيط المكان بقى وكأنه جديد
في قيادات لو اتحاسبت بأثر رجعي ... ممكن تلاق يالعمار بيضرب في كل حته
لكن وعلى يدي فيه قيادات قالت اخترناك اخترناك وهمه ذات نفسهم .. ارحل يعني امشي ياللي مابتفهمشي ... همه ذات نفسهم اللي قالوا نحمل الخير لمصر وأخيرا قالوا تحيا مصر وتسلم الأيادي
هو تركة صعبة

لكن برأيك 14 مليون قطعة سلاح لما تتهرب جوه البلد ... بلسان الكاتب ... مين يتحاسب ؟ ده مثل بسيط

 

[Xمارشال]

@OSORIS
بنورك يا ريس ... معليش الجلالة خدتني شوية

 

[OSORIS]

من فضلك, تسجيل الدخول أو تسجيل لعرض المحتوى !

المهربيين ببساطة هم من يحاسبوا استاذ مارشال ... تخيل قعدت من ٢٠١٢ الى٢٠١٧ تقريبا بتامن ١١٠٠ كم على طول حدودك مع ليبيا على الناحية التانية كل يومين تلاقي ميليشيا او كتيبة شكل بتدير منفذ امساعد على الحدود المصرية الليبية ده غير اصلا مفيش قوات حرس حدود ليبية تامن الحدود الطويلة الصعبة والخطيرة والانكى ان الميليشيات والكتائب اللي كانت بتتصارع للسيطرة على المنفذ معاك كانت ضالعه في تهريب السلاح نفسه

هاتلي اتخن قوات حرس حدود و مخابرات حرس حدود عشان تضبط حدود بالشكل ده مش هتلاقي وبالرغم من الامور تحسنت نسبيا على الحدود مع ليبيا الا اننا لسه شايلين الليلة وبندفع دم قلبنا في انظمة رصد ومراقبة عشان نحكم الحدود دي ده غير الطين اللي شايله ضباط حرس الحدود وجهاز مخابرات حرس الحدود

ده احنا انكتب لنا عمر جديد والله لكن الناس اتعلمت البطر والبطر اخرته وحشه

 

[OSORIS]

من فضلك, تسجيل الدخول أو تسجيل لعرض المحتوى !

منتداك ومكانك استاذ مارشال وبقولها من غير مجاملة 🌹🌹

 

[hazem]

وقت الأزمات الناس كلها بترمي علي بعض وكل واحد بيشوف خسر أيه بس لكن عمر محد بيقول هو كسب أيه

ودي مشكلة كبيرة عموماً في مثل بيلخص المشهد كله وهنعيشه كلنا قريب متعرفش قيمة أمك غير لما تجرب مرأة أبوك

الناس بتتكلم علي قصريين وغلاء المعيشة لكن متكلمتش علي الجامعات الجديدة متكلمتش علي مئات المستشفيات الجديدة متكلمتش علي معدل البطالة اللي قل متكلمتش علي تسليح الجيش اللي كان عفا عليه الزمن متكلمتش علي بنية تحتية كانت اوسخ من الصومال ودلوقتي بقت دولة متكلمتش عن أمن وارهاب كان في البلد لمدة ٦ ٧ سنين ودلوقتي تقريبا اختفي

البطر وحش قوي يا جدعان والله وفي ناس ألفت النعم عموما دورة الحياة بتلف كده كده واللي مش بيحمد ربنا بمزاجه هيحمده غصب عنه كمان شوية الزمن بس هو الفاصل

أتمني السيسي ميترشحش بعد ٢٠٢٤ ويريح أعصابه ودماغه ويسيب البلد لحد جديد أو جمال وعلاء أن شاء الله يرجعوا ونشوف هتمشي إزاي

 

[Lion84]

من فضلك, تسجيل الدخول أو تسجيل لعرض المحتوى !

معاك في كل اللي قولته ما عدا إن الرئيس ميترشحش.
لأن ببساطة محدش معاه عصا سحرية هيعمل افضل مما كان والغالب اللي هيجي مش هيكون بنفس الطموح والأداء ده يعني إحنا اللي هنلبس في الآخر ونخسر مشروع قربت تؤتي ثماره.
أما الانتقاد فهي ظاهرة صحية بشرط بس يكون موضوعي،
الدنيا مش وردي وفي تحديات ومصاعب ولكن للأسف الناس متحامله بشكل غريب ومحدش بينتقد بناءا على حقائق وانما كلام مرسل وخلاص والسبب من وجهة نظري ملف الإعلام الحكومي الهزيل.
مفيش اعلام مؤيد محترف يذكر الحقائق والانجازات ويقارن قبل وبعد ويقارن حالنا بحال دول في نفس ظروفنا وكل المتصدرين اما مطبلين بشكل مستفز أو غير محترفين في الوصول إلى الناس.

 

[عبدالرحمن]

الفلو ل والمباركية صوتهم عالى اليومين دول ......

تخيل لما حد يحاول يقنعك انه وطنى وشايل هم البلد وهو بيمهد لجمال معدوم الشخصية وعلاء اللى باع اغلى ما فى البلد دى وهو تاريخها , تاريخها اللى احنا بنشوف جزء منه فى متاحف الاوروبيين وحديثا بعض العرب واحنا بنتحسر على تاريخنا اللى اتسرق وراح ببلاش .

وقبلهم ابوهم اللى جمد البلد وحولها لكهنة لمجرد انه بس مش عاوز صدام او وجع دماغ .

وبعد كل ده يحاولوا يقنعوك فى سيل من الكلمات والسطور والدراما الهابطة والحقائق الناقصة والمجتزئة بدموع تماسيح انهم خايفين على البلد وعاوزين مصلحتها .

مفيش حد فى فى قلبه ذرة خوف على البلد دى ممكن يرضى يسلم البلد تانى لجمال وعلاء اللى باعوا البلد بتراب الفلوس واكيد مش هيترددوا انهم يبعوها تانى وينتقموا من شعب وضعهم ووضع ابوهم المعظم خلف القضبان .

شوية ضمير الله يرضى عليكم , عارف انه صعب بس حاولوا يمكن .....​

 

[hazem]

من فضلك, تسجيل الدخول أو تسجيل لعرض المحتوى !

مش عارف في أيه والله الواحد هيتجنن

 

[عبدالرحمن]

لو حد يقدر يكدب الكفراوى .........

 

[عبدالرحمن]

من فضلك, تسجيل الدخول أو تسجيل لعرض المحتوى !

حاملى المباخر وضاربي الدفوف ............ تعليق معبر جدا من الكفراوى هنا .


وهما مش قليلين فى بلدنا برده

 

[وليد المصري]

من فضلك, تسجيل الدخول أو تسجيل لعرض المحتوى !

بس التغيير نفسه حلو وتغيير للدماء وتغيير وجوه عفنت من كتر ما هي في السلطة وأفكارها نفسها عفنت واطمئن السيسي مش هيسيبها الا علي القبر زي اللي قبله

 

[Shokry]

من فضلك, تسجيل الدخول أو تسجيل لعرض المحتوى !

لانه لبسهم احلى عمة وطلعهم قفف

 

[وليد المصري]

من فضلك, تسجيل الدخول أو تسجيل لعرض المحتوى !

انا ما زلت عند راي في موضوع الخليج وغيرهم أن احنا السبب احنا اللي نزلنا من قيمة بلدنا فطبيعي أن الكل يطمع فيك حتي ولو اخوك ابن امك و ابوك زي ما بيقولوا فيه شوية فشلة مهما تديهم فلوس ولو بالطن هتضيع يبقي اديهم ليه ثانيا هما اتعودوا أننا مجرد ناس فقراء لا يملكون من أمرهم شئ وبرده مين السبب في أن الانطباع ده يفضل عندهم وعند غيرهم

 

[Shokry]

من فضلك, تسجيل الدخول أو تسجيل لعرض المحتوى !

لا خالص الخليج افتكر انه يقدر يشتري مصر بالفلوس و دفعوا لكن خدوا ف*ها

واما لاقوا السيسي مش طيِّع كانوا عايزين يغيروه والبداية من الامارات

 

[Nile Crocodiles]

من فضلك, تسجيل الدخول أو تسجيل لعرض المحتوى !

للاسف يا صديقي ترك الاعلام لمثل هذه الشخصيات جعلها تبث سمومها في عقول الكثيرين......مصر بها من الرجال الاكفاء الذين يستطيعوا ان يخرسوا مثل هؤلاء المتلونين الجهلاء لدينا مثلا اسامة الدليل وهو رجل مثقف وقومي ووطني اذا تركنا له المساحة الكافية في اعلامنا لاخرص هؤلاء المتلونين وايضا رجل مثل الدكتور سعد الزنط، مدير مركز الدراسات الاستراتيجية
تحياتي لك

 

[Nile Crocodiles]

من فضلك, تسجيل الدخول أو تسجيل لعرض المحتوى !

شوف يا هندسة انت متفق معك في كل اللي قلته لكن اتمنى يترشح لفترة تانية وفي المقابل يكون هناك مرشحين اخرين وعلى الشعب ان يقول كلمته اما الاستمرار في اكمال المشروع الذي بداه الرئيس السيسي وهذا لا يمنعني ان اقول ان هناك بعض السلبيات لكن يا جماعة هذا طبيعي فنحن بشر وللاسف دايما اللي على البر عوام لكن وقت الجد من في موقع مسئولية هو من يرى كل المعطيات لذلك يجب الا تكون متسرعين في الحكم

المقال ببساطة عبارة عن دس السم في العسل للبسطاء الذين لا يعلمون حقيقة شلة اديب ومن ورائهم
تحياتي لك

 

[Nile Crocodiles]

من فضلك, تسجيل الدخول أو تسجيل لعرض المحتوى !

ليه بتقول كدا يا استاذي
هو مبارك طلع من الرئاسة على قبره ولا الشعب شاله وجه مكانه الجماعة الارهابية ومندوبهم في قصر الرئاسة محمد مرسي وبرضو الشعب شالهم ورامهم في السجون والسيسي ممكن يمشي عادي بردوا......لكن فعلا الراجل شغال وفي كل المجالات البلد فعلا كانت شبه دولة ولا توجد بنية تحتية محترمة ولا اسس لاقتصاد حقيقي

تتفق مع الرئيس السيسي او تختلف معه فهو الوحيد الذي تولى مسئولية مصر ووضع مصلحتها فعلا في المقام الاول وحتى قبل شعبيته التي تاثرت بسبب القرارات المصيرية التي اتخذها لتعديل دفة هذا البلد ومع الوقت الناس بتفهم ان اللي عمله هو لاصح حتى في ظل المتاعب والمصاعب الاقتصادية وانا واحد من الناس من الطبقة المتوسطة واعاني مثل الاخرين لكن الحمد لله اعلم اين كانت بلدي قبل 2013 واين هي الان وانه لولا جائحة كرونا والحرب الروسية لكان الوضع افضل

مصر الجديدة او الجمهورية الجديدة لن تبني بسهولة بل بالتعب والمجهود والمشقة وعلى الكل ان يتحمل اذا كنا نريد ان نكون دولة حقيقية ونرجع الى مكانتنا الطبيعية التي تليق بشعب وحضارة مصر العريقة...........ربما تكون انت يا استاذي معارض للسيسي ولا يعجبك وهذا حقك تماما وانا احترمه وانا العكس مؤيد له واريد ان يكمل المشوار للنهاية رغم وجود بعض السلبيات لان هذه هي طبيعة اي عمل ان يكون هناك سلبيات........وفي النهاية الكلمة ستكون للشعب المصري
تحياتي لك يا استاذي

 

[Atum]

من فضلك, تسجيل الدخول أو تسجيل لعرض المحتوى !

هما علاء وجمال فى الامارات مش فى مصر