عمري ما أبرر الغلط أنا معترض أصلا أن الدولة ركزت في حاجة تانية غير اللي المفروض تركز فيها
لو بأيدي كان أول ملف أركز فيه قبل البنية التحتية والكلام ده هو فرض قانون الخلفة 2 بالكتير واللي مش عاجبه يشرب من البحر ويتنفخ
وده كان هيساعد الدولة أنها تاخد نفس وتعمل كل اللي هي عايزه علي الهادي
أنما هما أختاروا المعركة الغلط للأسف
أما كلامك عن القصور والعلمين والجو ده محدش كان هيروح يشتري هناك من غير مالدولة تبني وتتحرك أقتناعك من عدمه بتاعك بس أنا واحد كنت هشوف المشروع ده فنكوش لو الحكومة معملتش مباني حكومية هناك زيها زي العاصمة الأدارية والمشاريع دخلت للدولة كمية فلوس زي الرز مش اتصرف عليها من جيب الدولة يكفي أن العاصمة كسبت 800% حاجة زي كده من الفلوس اللي أتحطت فيها
أنا معترض علي الجوامع الكتير والكنائس بس أنت نسيت الحملة بتاعت بيهدوا الجوامع وبيهدوا الكنائس والا مكنتش عايش معانا في مصر بس للأسف النظام أستسلم للحملات دي
الملخص النظام المصري أختار المعركة الغلط وفكر بغلاء المعيشة المشكلة هتتحل لكن التجربة أثبتت الفشل وكل تأخير في الملف ده عواقبه وخيمة
شعب تعليمه صفر بسبب النظام التعليمي الزفت وعيه صفر بسبب الأعلام الخاوي مينفعش أسيبله الحرية في تحديد مصير البلد في نقطة مهمة زي دي
لك أن تتخيل أن مصر زادت في ال12 سنة اللي فاتت 20 مليون بني أدم وده الرسمي واللي مش رسمي ممكن يقفل ال22 مثلا دول لو الزيادة دي أتسيطر علي 70% منها مثلا كنا زمنا فين يعني سنغافورة مثلا 6 مليون بني أدام أحنا زدنا قد دولتهم 3 مرات متخيل قد الامارات مرتين
دي المشكلة الحقيقية وأي كلام عن أي موضوع تاني هو عبث
علشان ترفع الدعم فتعرف تلاقي فلوس تظبط بيها كل الملفات زي التعليم والصحة والاجور مش هيجي غير عن طريق السيطرة علي عدد السكان
علشان تظبط الميزان التجاري فتوفر الديون ومتستلفش تاني مش هيجي غير عن طريق السيطرة علي عدد السكان وأي حد هياخد المواضيع في غير في الاتجاه ده هو غير أمين علي الناس لأنه بياخدهم في الحتة الغلط
ده الفشل الأكبر لنظام الرئيس السيسي في وجهة نظري مش قصور ومباني وعاصمة والكلام ده