-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
عاجل مصر: رفع الحد الادنى للاجور ٥٠٪
- بادئ الموضوع Shokry
- تاريخ البدء
عاجل
ما هو طالما هايعوم يبقى تأكد انه حصل على مليارات الدولارات سواء من السوق السودا او الشركاء او صندوق النقد
مفيش تعويم بدون حصيله دولاريه عشان تدى البنك المركزى حريه اللعب مع السوق السودا ودا كان السبب ان مصر معومتش طول السنه الى فاتت
مفيش تعويم بدون حصيله دولاريه عشان تدى البنك المركزى حريه اللعب مع السوق السودا ودا كان السبب ان مصر معومتش طول السنه الى فاتت
كده نتكلم بقى بجدية ... تحريك سعر الدولار امام الجنيه الرسمي نحو ٣٨ جنيه الى ٤٠ جنيه مع توفير الدولار للاعتمادات الرسمية لدى البنوك سيضرب السوق السوداء في مقتل ... القرارات الرئاسية جاءت في وقتها
يبقى دور البنك المركزي لاستغلال الفرصة وشل حركة السوق السوداء
المهم ان التعويم وكل الاجراءات دى تسكين لاعراض المرض لازم بقى الحكومه تتعلم وتقرر ان دا اخر تعويم الحكومه افقدت الناس الثقه فى عمله بلدها كل 4 سنين تعويم ويضيع شقى عمرك وتبص تلاقى كل الى انت عملته فى 3 سنين راح لان قيمه مدخراتك فى الجنيه قلت النص والا الحكومه بعد كده لا تلوم الناس بقى وان مضاعفه الحصيله الدولاريه للدوله من الروافد المختلفه ومعالجه الخلل فى ميزان المدفوعات هو الحل الوحيد والا الناس ومنهم اكثر المؤيدين شكلى هافقد الثقه فى الجنيه للابد ومش هاحط شهادات تانى وهاتجه للدهب او اى حاجه تانيه بعيدا عن الدولار لانى مش عايز أذى بلدى والناس ونفسى
الحكومه بعد التعويم القادم مقدمهاش اى حجه البنيه التحتيه على اعلى مستوى لاستقبال الاستثمار وزياده التصنيع والتصدير والسياحه وغيره اى فشل غير مقبول ومفيش اى مبرر والا يرحلوا جميعا لان عندى مصر اهم من اى حد
الحكومه بعد التعويم القادم مقدمهاش اى حجه البنيه التحتيه على اعلى مستوى لاستقبال الاستثمار وزياده التصنيع والتصدير والسياحه وغيره اى فشل غير مقبول ومفيش اى مبرر والا يرحلوا جميعا لان عندى مصر اهم من اى حد
التعديل الأخير:
من حقك يكون ليك وجهة نظر مختلفه ده شئ مقبول
لكن انا مستغرب من محاولة تغليف المساوء
اللى انت بتقوله كلام ماينفيش اى حاجه من اللى انا قولتها ومش بيرد عليها انت سردت بعض التصرفات اللى ماغيرتش اى شئ من واقع مؤلم المصريين عيشينه لو تصرف فى ظاهره سليم قدامه الف غلط و اقع الناس هو الفيصل لو بتتكلم عن تكافل وكرامة لبعض الفئات المعدومه عاوز اقولك انها لسه معدومه ماحصلش انهم بقوا افضل اسالك سؤال مبلغ تكافل وكرامه كام للفرد هسيبك تجاوب وتقول اد ايه بيساهم فى ظل الوضع الاقتصادى الحالى
لو بتتكلم عن فيرس سى بالفعل احنا خدنا قرض ميسر ساعد كتير فى تنفيذ البرنامج بس ده شئ كويس بس المنظومه الصحيه كلها وضعها ايه سيبك من الكلام انا بسال عن الواقع اللى الناس عيشاه وقيس تكلفه خدمه مناسبه لدخل الفرد ورد عليا وشوف اسعار الكشف كام
بالنسبه لموضوع الامارات ومحاولة انك تربط ده باستثماراتهم محتاج تعرف القوانين والدوله والفساد وحجمه مقارانه بانجلترا وممارسات الامارات الفعليه مع مصر هل هى ممارسات تستهدف الاستثمار والا السيطره وخدمة اجندات خاصه وده طبعا مش بيحصل والا فى اميركا والا فى انجلترا لاسباب كلنا عرفانها
شوف اصولك بتتقيم ازاى والصفقات بتم ازاى وابقى بعد كده احكم
بالنسبه لتوزيع الدخل والثروه ومحاولتك انك تبرر ده بتوزيع ايرادات الدوله انا بصراحه ماوضحتش ليا كلامك لان طبعا مافيش مقارنه بين الاجور وبين الارباح والتربح فى حالات المشاريع سواء بالاسناد المباشر اللى تم تعديل القانون مخصوص او حتى بخدمات البنيه التحتيه والانفاق على الاستيراد لخدمة مشاريع بعينها بخلاف طبعا التكلفه اللى تضرب فى 5 والا فى حالات بيع الاصول والتقييم البخس والا فى حالات التلاعب بالاسواق
عامة احترم اختلافك لكنى غير متفق معاك بالمره ومع ذلك انا ارحب باى شئ ايجابى من الحكومه مع التحفظ بقدره لان اداء الحكومه لازم يكون على القدر المطلوب ده مش منه ده واجبها
التعديل الأخير:
حضرتك ما شاء االله من احسن الناس الي بتتكلم ف الاقتصاد هنا...
انا مش بحب الاقتصاد وطريقة تفكيري فيه تكاد تكون عامية...سؤالي ليك : انا طريقة تفكيري هي اني بقارن حال المواطن والاسعار والاجور من اول تولي الرئيس السيسي لحد دلوقتي ووعود النظام هنشوف مصر تانية والكلام دا والوضع دلوقتي...
والنتيجة مش خافية عليك طبعا من سئ لاسوا....
السؤال : طريقة التفكير دي صح ؟
تفسر ب ايه الي ما زال بيدافع عن النظام ؟ يعني ازاي مش فاهم الصراحة ؟
انا متشكر على الاطراء ده اولا
حقيقى اى مؤسسات بتعمل فى اى دوله لازم طبعا يبقى هدفها تحسين احوال المواطنين وزيادة قدرات افراده انهم يبقو اكفأ واحسن قدرة على خدمة وطنهم من خلال تقديم خدمات تعليميه وصحيه لبناء الفرد وبناء نظام تشريعى واجتماعى لحماية الاسرة والمجتمع ككل
اكيد اى بلد بيتقاس قدرتها على تحقيق ده من خلال الدخل القومى وعدالة التوزيع وهنا اقصد توزيع الثروه بقدر عادل ومن خلال فرص عادلة لافراده ونظام حماية اجتماعيه فاعل وحقيقى لغير القادرين منه ومحتولة دائمه لدمجهم الى النظام الانتاجى بطريقة تناسبهم
ابحث عن العدل والنزاهه وسيادة القانون العادل فى اى بلد وانت تعرف مدى تقدمها
بالنسبه لمناقشتنا فى المنتدى كلنا بنحب نشارك ونقدم افكارنا واحنا كلنا مصريين واكيد نوايانا خير لكل كل ليخ طريقته وافكاره
ان شاء الله نسعد بافكار حضرتك ومساهماتك نسعد بيها
مشكلتك استاذ تامر عند تحليلك لاي قضية خلافية انك بتعرف تعرض النتائج كويس جدا لكن عندك بعض القصور في عرض الاسباب والظروف التي ادت الى تلك النتائج ...
لو حللنا مثلا تجربتنا الاقتصادية من اول التعويم الاول وبداية برنامج الاصلاح عام ٢٠١٦ وحتى عام ٢٠١٩ نجد نفسنا مثلا في حالة تصاعد ممتازة و استقرار سعر الصرف بل حتى انخفاضه و نشاط استثماري و عمراني ضخم وضع مصر كمثال ومنافس شرس في المنطقة وعبر الاقتصاديات النامية .... ده عرض مختصر لحالة انا وانت وجميع المصريين عاشوها ولمسوها و اعطتهم امل وتفاؤل كبير بمستقبل افضل
لكن بداية من ٢٠٢٠ وضربة الكورونا العنيفة التي استنزفت نصف احتياطنا النقدي ثم الضربة القاصمة الاخرى وهي الحرب الاوكرانية التي لم تؤثر علينا فقط بل اصابت الاقتصاد العالمي كله بالركود وارتفاع التضخم وتوحش الدولار ..كل هذا اثر على الاقتصادات النامية ومن اهمها مصر التي كانت تتطلع في طموح جارف للحاق بكل قوى الاقليم التي سبقتنا ابان فترة الاضطرابات والثورات التي اخرتنا وكبلتنا
هذا لم نتكلم عن الخصوم في الداخل والخارج الذين انتهزوا الفرصة وساهموا بحروبهم المعنوية والاقتصادية على الناس في إثارة حالة كبرى من الهلع دفعتهم لاكتناز الدولار الذي هو ليس بسلعة لحفظ القيمة كالذهب والعقار مثلا ..بل هو عملة نقدية تتميز بعالميتها و امكانية تبادلها حول العالم بسهولة ... كل ده حطه في اعتبارك عشان تقدر تصل لتقييم معتدل ينور لك الصورة العامة كلها
بمناسبة حديثك عن الاصول وكيفية تقييمها فاحد اهم تاخر انجاز برنامج الطروحات الذي اعلنت عنه الحكومة هي محاولة اطراف اقليمية بخس قيمة تلك الاصول بل والاستحواذ على قيم حاكمة عكس الرغبة السياسية المصرية كمحاولة للي ذراع مصر و اخضاعها مستقبلا ... القيادة السياسية التي اعادت الحرمة لاراضي الدولة والشعب المصري بعدما كانت العوبة في يد السماسرة و طبقة رجال اعمال عهد مبارك و من حولهم من منتفعين يشتروها بسعر بخس ليتكسبوا من ورائها المليارات ليس من الممكن ان يفرط في اصل من اصول واملاك الشعب المصري والدولة المصرية ....
اولا تحياتى ليك اوزوريس
انا على فكره مش فى موقع العداء من الحكومه انا فى موقع المحاسب كمواطن زى اى مواطن فى اى دوله محترمه ومصر دوله محترمه وكبيره ده للتوضيح انا معنديش مشكله مسيطرة على احكامى
بالنسبه لمصر والحديث عن استقرار استاذنا مصر عومت كام مره لحد نهاية 2023 هتقول ظروف كورونا انا عاوز اقولك ارتفاع اسعار الدجاج بدأ فى فتره كورونا لما الدوله سمحت بتصدير الدجاج لدول الخليج مع ازمة الاغلاق وصعوبة الاستيراد من البرازيل ورغم علم الحكومه بارتفاع اسعار الاعلاف فى الفتره دى بسبب مشاكل الشحن يعنى عمقت الازمه لصالح ناس بعينها ومش الدجاج بس ده كذا سلعه .نعم الازمات ساهمت لكنها مش فى سنه واحده وممكن تقول بنسبه 30% لكن سوء الاداء الحكومى واضح ومش محتاج تبرير من اول الاعتماد على الاموال الساخنه او طريقة اختيار اولويات المشاريع وحجمها وسرعة تنفيذها وده ادى لتسارع التضخم بشكل كبير مع اشتراك الازمات.
عوامل كتير ومواقف كتير تعرضنا ليها فى العديد من المناقشات اعتقد انها كافيه جدا للحكم على اداء الدوله
نتمنى الافضل فى اللى جى
التعديل الأخير:
هو شكل التعويم هيكون علي ٤٠ - ٤٥
اكتر من 30% الدنيا هتفرط , ربنا يعديها على خير
- إنضم
- 18 نوفمبر 2021
- المشاركات
- 4,604
- مستوى التفاعل
- 23,499
- المستوي
- 4
- الرتب
- 4
من 10%الي 25% يعني من 35الي 40 لو حصل
فى البدايه بس هتلاقى السعر بين ال40 و50 عشان يقرب من السوق السودا اكبر قدر معقول وبعد ما يبدأ يضرب ضرباته فى كذا اتجاه زى زياده الفايده او عمل شهاده استثنائيه لحمله الدولار بعائد مرتفع على الجنيه او شهاده دولاريه بعائد جيد عشان يشجع الناس تتخلص من الدولار او تخطه فى البنوك مع فتح البنوك لكل الى عايز دولار للاستيراد بسعر البنك مع القبض على كبار مافيا السوق السودا مع بدأ تدفق دولارات العاملين فى الخارج عبر البنوك هتلاحظ ان السوق السودا بيختفى فى خلال شهرين بعد كده بقى يقوم المركزى بتخفيض الدولار اكتر للسعر المنطقى العادل الى هو بين الى 35 و40 جنيه والدنيا تستقر والحكومه تبدأ شغلها بقى فى زياده الحصيله الدولاريه عبر الروافد زى التصدير والسياحه وغيره على مدار 6 سنين
- إنضم
- 22 أبريل 2023
- المشاركات
- 135
- مستوى التفاعل
- 745
- إنضم
- 22 أبريل 2023
- المشاركات
- 135
- مستوى التفاعل
- 745
في كل الحالات انا شايف ان ده قرار كويس جدا وسيرفع عن كاهل المواطن ولكن انا عندي استفسار هل الزيادة دي تخص القطاع العام فقط ام انت بتجبر القطاع الخاص على زياده الحد الادنى للأجور?
القطاع الخاص مش حيزود انس
المواضيع المشابهة
