متفق معاك طبعا في ضروره اخراج السامات القديمه 2/3/6 وضيف عليهم الشابرال والكروتال والهوك
بس يعني ايه غير مقبول ان تتلقي مصر الضربه الاولي بخسارة 25% من قواتنا الجويه؟
قصدك ان لو حصل حرب هنخسر ربع قواتنا الجويه في بدايه الحرب؟
اليهود حاليا بيحاربوا ميلشيات حماس وحزب الله بالقوات النظامية وقوات الاحتياط
اكيد لو هيحاربونا هيستدعوا الاحتياط برضو ويحشدوا كل امكانياتهم
طبعا الموضوع ده هيحتاج وقت وقبل كل ده هيحصل توتر في العلاقات وطرد متبادل للسفراء وتصريحات مننا ومنهم
يعني هيكون عندنا وقت كافي جدا للاستعداد للضربه الاولي
وايه سبب الحرب اصلا؟
هنصحي الصبح من النوم هنلاقي نفسنا بنحاربهم ليه؟
وكل تعليقات الاعضاء حصرت الحرب في حجم القوات وتسليحها
الحرب حاليا بتعتمد رقم 1 علي القوه الاقتصاديه ووزن الحلفاء
وطبعا موقفنا الاقتصادي واضح والتوازنات والتحالفات في المنطقه معروفه للناس كلها
الولايات المتحده بتساعد اسرائيل بكل قوه
فيتو في مجلس الامن/ نشر حاملات طائرات وغواصات نوويه في المنطقه/شحنات ذخائر لم تتوقف/الاردن والسعوديه والامارات عملوا جسر بري لنقل البضائع لليهود لتعويضهم عن خطف السفن في البحر الاحمر
الوضع مختلف عن 73 ولا فيه اتحاد سوفيتي يهدد الولايات المتحده ولا العرب هيساعدونا
بالعكس هيساعدوا اليهود وهيعلنوا واللي مش عاجبه يخبط راسه في الحيط