مرحبا بك في منتدى الشرق الأوسط للعلوم العسكرية

[OSORIS]

مقطع مميز من فيلم ابواق الصمت الاسرائيلي انتاج القناة الثانية الاسرائيلية

الممتع في هذا المقطع هو اجتماع جولدامائير بالمجلس الحربي لاخبارهم بالمعلومة الهامة التي تم تمريرها لهم عبر عميلنا المزدوج " اشرف مروان " بان مصر وسوريا سيقومون بالهجوم يوم ٦ اكتوبر الساعة ٦ مساءا اي بعد ميعاد الهجوم الحقيقي باربع ساعات !!!

واذا هم في قلب الاجتماع تطلق صافرات الانذار معلنه بحدوث الهجوم المصري السوري على اسرائيل 😊

 

[Abo Alqasem]

جنود مصر الحقيقيين

 

[TOPOL]

موضوع ممتاز
اتمني تعديل اسم الموضوع وازالة المسافات من الكلمات واضافة وسوم لكي يتوافق الموضوع مع معايير SEO ويظهر بشكل افضل في صفحات البحث.

 

[Hunter]

🔷 وقت النكسة كان عمي ملازم اول لسه
كان قائد الكتيبة بتاعه مقدم اسمه عمرو ضيف
المقدم عمرو ضيف ده
كان بينصح العساكر و الظباط الصغيرين و هما نازلين لبيوتهم يلبسوا ملكي مش ميري
و الظباط كانوا بيسمعوا الكلام
و العساكر بينفذوا الاوامر
جه في مرة نقيب سأله اومال سعادتك بتنزل ميري مش ملكي ليه يافندم

قاله عشان انا مفيش أي كلام هسمعه ممكن يهزني ... مفيش اي سخرية و لا كلمة بايخة هتخليني افقد ايماني بالاڤرول ده و لا أهميته
وقتها كان الشعب بيتريق علي الجيش و بيشتموهم و يحدفوهم بالطوب و القطارات طالعة من المحطة

ساعتها رد النقيب ده قاله انا اسف يا فندم انا بعد كده هنزل ميري
انا كمان عارف قيمة الاڤرول
و كل الكتيبة خدت القرار ده
و بقا عمي ينزل ميري ... لما بدأ ينزل ميري جدتي بتقول بقيت اقوم و احضنه .. الاول و هو داخل عليا بالملكي كنت ازعل في نفسي

قعدوا فترة يحاولوا يفهموا للناس ان مفيش جيش منتصر علي طول و ان الهزيمة مش بايديهم .... لكن الشعب كان متصدرله صورة الانهزام و الانسحاب و النكسة ... مع انه هو هو الشعب اللي نزل يرفض تنحي عبد الناصر
طب انتوا ميييين فيهم
اللي مش عايزين عبد الناصر يتنحي و نزلتوا الشوارع ترفضوا ... و لا انتوا اللي كاسرين بخاطر الجيش و مخوفين الجنود من الظهور وسطكم لدرجة ان في عساكر كانت بترفض تنزل اجازات

لما بدأ الاستنزاف
جيشنا مكنش بيدخل ينفذ عمليات خلف خطوط العدو و المجموعة اللي تخرج ترجع بشهيد و اتنين ... عشان يرضوا الشعب
لا خااااالص
ده ايمان منهم بقضيتهم
ايمان منهم بإن الأرض دي أرضي و هحررها يعني هحررها ... كل دم شهيد كان ترياق لزمايله عشان يرجعوا مرة و اتنين وعشرة و يجيبوا حقه
التسابق عشان المشاركة في العمليات كان عشان يجبروا بخاطر البلد نفسها 👌🏻👌🏻

يبقا راجع من عملية و مش قادر يتحرك من الارهاق
وياخد 48 ساعة اجازة
يتقاله في القطر هتدفع التذكرة يا دفعة و لا هتنسحب ... و هو يمكن يكون نازل يبلغ ابو زميله ان ابنه استشهد
لكن " فَأَسَرَّهَا يُوسُفُ فِي نَفْسِهِ وَلَمْ يُبْدِهَا لَهُمْ " و ده صعب
انك يتكسر بخاطرك و متردش
وناس مش فاهمة تقلل من مجهودك و انت مش قادر توضح

لكن ده مهدش عزيمة الرجالة
بالعكس ... كان حافز لهم مينيموش الصهاينة 6 سنين .... لدرجة ان موشي دايان كان بيتمني المصريين يخلصوا و يحاربوا بدل الخساير اليومية دي
و انتصرنا و عبرنا اكبر نصر في القرن العشرين 🤷🏻‍♀️🤷🏻‍♀️🤷🏻‍♀️

ليه بحكي لكم الكلام ده
عشان عارفة ان كتير بيجيلكم احباط من كتر ما بتحاولوا تشرحوا و تفهموا و تلاقوا الناس متسيطر علي عقولهم من الخونة

انتوا جنود في حرب كبيرة اوووي
و الجندي لو يأس لازم هيتهزم
الجندي اللي مستحيل يتهزم هو اللي مؤمن ببلده و قضيتها وعارف ان وعد الله حق .... و انه وعد المخلصين بالنصر
ومفيش اخلاص في العالم أهم من اخلاصك لبلدك
و مفيش خيانة أكبر من خيانة الاوطان ... حتي التقاعس عن نصرها خيانة

و انا واثقة فيكم و عارفة أنكم ابطال 💪🏻💪🏻💪🏻
و الميري بتاعنا هو دفاعنا بقوة و مواجهتنا للكاذبين و الافاقين و العملا
عمرنا ما هنتراجع و نظهر بالملكي
#إنا_لمنتصرون 💪🏻💪🏻

تصبحوا علي خير
وبكرة جولات جديدة نحقق فيها انتصاراتنا زي ما اتعودنا بفضل الله ومشيئته 🌹🌹🌹

 

[صانع]

من أرشيف الجبهة فيلم ( أيام لا تنسى )

 

[fo-235]

من فضلك, تسجيل الدخول أو تسجيل لعرض المحتوى !

الكبير كبير اقسم بالله

 

[armr]

الحرب من وجهة نظر سوريه

 

[ahmed ibrahim]

 

[عبدالرحمن]

من فضلك, تسجيل الدخول أو تسجيل لعرض المحتوى !

بكل اسف الفيلم ايضا اشار الى اشرف مروان على انه هو من سرب موعد تطوير الهجوم يوم 14 اكتوبر .
والحقيقة انا مستغرب الموضوع ده جدا .,,,,,,, بالنسبالى السادات ليس محل نقاش واللى عمله كان سابق عصره .

بس انا مستغرب النقطة دى جدا ....... ليس تخوينا لاشرف مروان لان جوايا شبه يقين انه ميقدرش يعمل كدة من دماغه !!!
جوه نفسى شبه متاكد ان اشرف مروان ليس لدية القدرة انه يعمل كدة من نفسه .

وتخوين الشاذلى وحسين الشافعى للسادات بسب موضوع الثغرة , وبعدين تفكيرى المقارب لتفكير للسادات ان الوضع لو استمر على ما كان عليه على الجبهة , من تفوق مصرى" قبل 14 اكتوبر يعنى" كان هيحصل جمود على الجبهة واسرائيل كانت هتتمسك بباقى سيناء , والسذج من الجبهة المصرية كانوا سيعتقدوا ان احنا نقدر نواجة الامريكان ونحرر باقى سيناء بالقوة وبالتالى ظلال مناطق منها محتل الى الابد كالجولان مثلا !!!

موضوع اشرف مروان والثغرة سيظل نقطة مظلمة في دماغى الى ان يشاء الله او يخرج برهان لا لبس فيه .

مش عارف مش عارف بصراحة , من اكثر المواضيع المحيرة تاريخيا بالنسبالى .

​

 

[عبدالرحمن]

ومحدش يقولى سوريا وتخفيف الجهد على سوريا لو سمحتوا ,,,,,, دى غلطة ميقعش فيها عيل صغير .

 

[Shokry]

 

[Shokry]

من فضلك, تسجيل الدخول أو تسجيل لعرض المحتوى !

 

[عبدالرحمن]

من فضلك, تسجيل الدخول أو تسجيل لعرض المحتوى !

مش مقتنع بموضوع سوريا ده انا يا شكرى , الموضوع واضح للاعمى ان القوات كانت ستدمر فى العراء .

 

[Shokry]

من فضلك, تسجيل الدخول أو تسجيل لعرض المحتوى !

قرار تطوير الهجوم فنيا كارثي والنتيجة واضحة لكنك انت محتاج جبهة سوريا معاك ع الخط والا الضغط كله يبقى عليك بقية الحرب دا غير معنويات جيشك اللي هتتأثر لو تم سحقهم

لكن الثغرة مش منك ولا من اسرائيل..امريكا بعتت البلاك بيرد تصور وانت معندكش اي معدة لاعتراضها لا في السرعة اللي بتعدي ٣.٢ ماخ ولا الارتفاع



دا غير القنابل المتقدمة اللي قدرت تضرب حائط الصواريخ

نفس سيناريو روسيا واوكرانيا بس مصر وإسرائيل مع الفارق انك دولة غير مصنعة للسلاح والسوفييت رفضوا يدوك احتياجاتك في وقتها

تخيل لو اوكرانيا من اول يوم عندها F15 و F16 وابرامز هتعمل ايه في روسيا!

امريكا حتى متجسستش على روسيا بطياراتها ومقاتليها

ومع ذلك انت خلصت على اسرائيل في اول كام يوم..لكنك حاربت امريكا وحيدت الثغرة ومنعتها من التقدم للمدن

ولو كان الاسرائيلين قادرين على الثغرة مكانوش سابو سينا للابد بعد اما دفعوا مليارات في البنية التحتية

وقرار السادات اللي وافق على وقف اطلاق النار بعد اما رفضه ٥ مرات كان قرار حكيم

 

[Abo Alqasem]

 

[مطلع الشمس]

أفيخاي أدرعي جهز نفسك يابن الكئيبة عندنا طلعة عليكم الأسبوع ده .. معلهش يا جولدا يا أختششششششي


​

 

[OSORIS]

من فضلك, تسجيل الدخول أو تسجيل لعرض المحتوى !

اشرف مروان مصر ادارته كجاسوس مزدوج ... اشرف مروان كان بيسرب المعلومة ناقصة ركن بيحقق ثقه الاسرائيليين فيه وفي نفس الوقت ما يعطيش الاسرائيليين يد المبادرة ..اما عن موضوع الفشل العسكري في معارك تطوير الهجوم فكلنا عارفين ايه اسباب الفشل ده و خروج قواتنا المدرعة برة نظلة دفاعنا الجوي

اسرائيل كشفت دور اشرف مروان بعد كده وقامت بتصفيته على يد فريق اغتيالات تابع للموساد وعشان كده كان في استقبال جثمانه رئيس ديوان رئيس الجمهورية وقتها زكريا عزمي و مشي في جنازته الطاقم الذي اداره في المخابرات المصرية وقت خدمته و الصف الاول حينها في الجهاز ...رحم الله البطل اشرف مروان

 

[armr]

من فضلك, تسجيل الدخول أو تسجيل لعرض المحتوى !

يا عزيزى و هل تثق فى الصهاينه الى هذا الحد من قال او اكد ان اشرف مروان هو ناقل خبر سواء الحرب او تطوير الهجوم هم الصهاينه و لا يوجد تصريح مصرى رسمى واحد غير تصريح مبارك انه كان رجل وطنى يعمل من اجل مصر .....اشرف مروان كان عميل مصرى و استخدم ببراعة فى خطة خداع اسرائيل و كان الهدف من تسريب خبر الهجوم انه سوف يكون 6 مساء هو الاتى ( حسب جميع مذكرات قادة حرب اكتوبر و كتب غربيه و محمد حسنين هيكل )

1-تقدير رئيس الاستخبارات العسكريه اللواء فؤاد نصار ان اسرائيل ستعلم بنوايانا قبل المعارك ب 48 ساعة و يعنى ذلك ان ضربه اسرائيل المضادة سوف تكون خلال 8 ساعات من بدء الهجوم

اللواء فؤاد نصار

2-تم تقدير ان انشاء المعابر الثقيلة على قناه السويس سوف يستغرق من 6الى 9 ساعات (ماحدث بالفعل ان اخر المعابر تم الانتهاء منه قبل اول ضوء يوم 7 حوالى 16 ساعة) و معنى ذلك ان المشاه سوف يكونون وحدهم طوال هذا الوقت


_________لذلك تم اتخاذ عدة اجراءات منها


اولا.... عبور فرق اصطياد الدبابات المزودة بالصواريخ فى الموجات الاولى و كذلك سحب جميع تشكيلات المالتوكا من فرق الجيش و دفعها مع اول عبور لعمل كثافة نيرانيه لحمايه العبور من الهجوم المضاد المتوقع

ثانيا....اعتلاء الدبابات المصريه منصاتها فى غرب القناه لمساعدة المشاه بالنيران المباشرة كلما امكن ذلك

ثالثا....عدم التوغل فى اول يوم عن 1 كم شرق القناه و التحصن بطريقة دائريه تستند على القناه بحيث لا توجد اجناب للتشكيلات يمكن المناورة حولها

رغم كل ما سبق الا انه ظل هناك تخوف من عدم قدرة المشاه وحدهم من مواجهة مدرعات العدو لذلك كانت هناك حاجة ماسه لتعطيل الهجوم المضاد ولو ساعات ثمينه حتى اكتمال المعابر و كانت عمليه اشرف مروان احد هذه الوسائل و حسب مذكرات الجبهة الاسرائيليه حقق اشرف مروان ذلك بالفعل فقد تم بناء على معلومته المغلوطة تعطيل اوامر تحرك دبابات النسق الاول الاسرائيلى الى الساعة الرابعة و بالتالى قامت الحرب الساعة الثانيه و الدبابات الاسرائيليه بعيدة عن منصاتها بالساتر الترابى مما اثر بصورة كبيره على خسائر العبور(200 الى 300 فقط) و عندما وصلت كانت مجموعات اصطياد الدبابات فى انتظارها

بالنسبه لى موضوع اشرف مروان منتهى هو كان جاسوس لنا عليهم و يحاولون بشتى الطرق ايهامنا بالعكس (هل قامو من قبل بكشف جاسوس كان لهم بهذه الاهميه حتى بعد وفاته...لم يحدث قط)

تحياتى

 

[ahmed ibrahim]

تصميم جديد عملته قناه القاهره الاخباريه بمناسبه الذكرى الخمسين لانتصارات اكتوبر
الجنود اللى بيرفعو العلم امريكان مش مصريين
الدبابه اللى فى التصمييم صناعه روسيه لاكنها لم تكون موجوده خلال حرب اكتوبر
الجيش المصرى يوجد له الاف الصور خلال حرب اكتوبر ليه الحول ده

​

 

[EL POP]

تعرض اليوم قناة «‏CBC» الساعة الثالثة والنصف فيلمًا وثائقيًا بعنوان «الصدمة»، الذي يصف المشاعر الصعبة التي عاشها المصريون بعد الهزيمة في 67، بالإضافة إلى الأسباب التي دفعت المصريين لحرب أكتوبر 1973