لا مش احساس تفاخر،
الحرب نفسية وهيخليك تخاف وتحس انك بشكل او بآخر أقل منه، وانه مهما حساباتك كانت دقيقة هيبقى فيه حاجة غلط وهتخسر في النهاية.
امريكا شغالة كدة، قطر شغالة كدة، بتوع العظمى من أي اتجاه شغالين كدة. احنا شغالين كدة كمان، فاضل الاعلان عن الرد واننا نقول بشكل ديبلوماسي لأ كدة عيب وتركب اللي قدامك وتاخد مكاسب على الأرض.
ثورة يناير حرب نفسية، ثورة ٣٠/٦ حرب نفسية، مسلسلات الاختيار حرب نفسية، فيلم العساكر حرب نفسية.
اصل النقاش اننا نلتزم بالبيانات الرسمية، واحنا لسة مكسوفين وأصلنا "منضبطين جدا جدا وكدة كدة هتعدي زي أي خلاف ما راح في حاله" وان الادارة المصرية لسة بتختار السكوت ووضحت امثلة على كدة... وانه بالدليل فيه فشل في ايصال وجهة النظر الرسمية للشارع لأن وجهة النظر الرسمية بتستهبل الشارع وفاكراه عبيط... الناس لو بطلت تسمع هتبقى اسوأ من يناير الف مرة لأن فيه من عينة جوكر في مناصب رسمية عمالة تتكلم كتير وتدافع بهبل عن كل شاردة وواردة هياخدوا على دماغهم. والثورة الجاية من وجهة نظري "يا رب تخيب" هتبقى ثورة الفشلة والخايبين والجعانين... نوعية شباب يناير وغيرهم اللي بيتشتموا راحت، واللي جاي خرا على دماغنا كلنا.
فالتأثير النفسي مهم... والقيادة في ملفاتها واخدة بالها من كدة ولكن تعاملاتها "كتصريحات وحوار مسموع ومقروء" لازم تبقى على نفس مقدار اللي بيحصل على الارض (دا لو في حاجة بتحصل)... فاكر الخلايجة وهم بيقولوا اصل الطيران المجهول دا مش مصري؟ انت ضربت وتعبت ونجحت ومخدتش الكريديت بتاعك كله. مع تفهمي لحساسية الموقف في مثال طيران ليبيا المجهول، باقي الملفات فيها مجال حركة كبير ومن حق الناس تعرف. ايه يعني لما تضرب حميدتي وتقول اننا ضربناه، هيعمل ايه يعني؟ ما الكل عرف 🤣 والكل بيتعامل انه انضرب، ماتقول في تصريح صحفي ان السفن واقفة بسبب كذا وكذا وكذا، مش ممكن سبب تقني؟ اتفاق فلوس؟ اي حاجة غير سياسية؟ مفيش دليل ولكن المعلن ان المصريين لايملكون قوت يومهم وعايشين على المساعدات. ودا ببساطة يأثر على عقود المصريين في الخارج ودخلهم ويزيد من صعوبات عملهم في الخليج. كله نفسي... وكلها دبابيس بتخرم فيك لغاية ما تبقى تحت التأثير المطلوب.
دايما مع الناقص هتلاقيه مايعملش معاك الكبيرة، هيعمل معاك الناقصة الصغيرة بس كتير، لغاية ما تبقى حجمها كبير.