انت متوقع ايه؟
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
دعوة للنقاش هل قطع الخليج النفط عن مصر؟ وهل يسحب ودائعه؟ وما دور ايران؟
- بادئ الموضوع Shokry
- تاريخ البدء
دعوة للنقاش
- إنضم
- 19 نوفمبر 2021
- المشاركات
- 11,504
- مستوى التفاعل
- 39,041
- المستوي
- 10
- الرتب
- 10
هتعدى وهنرجع نتعامل مع الخليج عادى
طب ليه الامارات كلت علقة سخنة في السخنة؟
عفوا, لكن مش لما نلوم الحكومة علي مشكلة عالمية زي دي مش ده برضه تصدير للمشكلة لبرة ؟!
انت كمواطن (أتكلم بشكل عام و لا أقصدك تحديدا) ف أزمة زي أو ف غير الأزمة عليك واجب أنك تخفف الأحمال بأكبر قدر ممكن, هل ده تم ؟!
أكيد لا و الا مكناش هنعاني كلنا بالشكل ده
ثانيا بالنسبة للتنبؤات الجوية فهي بتعتمد على بيانات ونماذج الرياضية معينة و برغم من أنها بتعتمد على تحليلات وحسابات دقيقة لكن ممكن كمان تحتوي على درجة من عدم اليقين والخطأ.
خدمات التنبؤ الجوي بتقدم تقديرات واحتمالات بناءً على بيانات متاحة في الوقت الحالي و أي تغير طفيف في المعلومات دي ممكن أن يحدث خطأ كبير في التنبؤات دي نتيجة لتغير غير متوقع في الظروف الجوية (تأثير الفراشة)
عاما يجب أن يتم فهم التنبؤات الجوية على أنها تقديرات واحتمالات وليست أحداث مؤكدة وبالتالي ممكن تحدث أخطاء في التنبؤات الجوية
و لذلك دول عظمي و كبيرة و أغني مننا كتيير وقعت ضحية التنبؤات الغير متوقعة دي و شافت أزمات زينا و أكتر
ثالثا مشكلة المحطات التي تعمل بالغاز انه مع تزايد درجات الحرارة يزيد إستهلاك المحطة للغاز لإنتاج نفس الكمية من الطاقة, و مع تزايد الاحمال يزيد الاستهلاك أكثر و أكثر و بالتالي انت استهلكت مخزونك من الغاز بعجلة متسارعة.
كانت في مشكلة تالتة و هي محولات الخدمة اللي في الشوارع و اللي مش مهيأة للنوع ده من درجات الحرارة و بالتالي انت قدام خيار أنك تشغل المحول بكامل طاقته ليوم أو يومين بالكتير و تخسر محول تمنه يتعدي ملايين أو أنك تقوم بفصل أحمال (مخطط), الناس هتتذمر شوية لكنه هيسعفك و ينقذ الشبكة
انا شايف ان الحكومة قامت بدور عظيم و ناجح و تأقلمت مع المشكلة بسرعة, حقيقي كان في تخبط ف أول يومين زي أي أزمة طارئة و تعلمت من الأزمة لكن حقيقي الناس دي حقيقي بتقوم بشغل جبار في ظل أزمات عظام إقتصادية و سياسية و أمنية و اللي أقل أزمة منهم ممكن تعصف بدول ضيف عليهم إهتراء البنية التحتية و المواطن @#*& المستهلك اللي عاوز كل حاجة تيجي لحد عنده ببلاش
شكرا مصطفي مدبولي و محمد شاكر و طارق الملا
فمن لم يشكر الناس لم يشكر الله
- إنضم
- 19 نوفمبر 2021
- المشاركات
- 11,504
- مستوى التفاعل
- 39,041
- المستوي
- 10
- الرتب
- 10
اهى دى انا مستنى 2 اسبوع او شهر نشوف الى هيحصل بعد الزياره والى هيجى بعدها لو خير يبقا الحلف الجديد الى بيتكلمو عليه وهيدعمونا والامور هتعدى بالذات ان ملك البحرين جه هوه كمان ...لو شر مثل الى حصل فى زيارته الاخيره والسودان يبقا الامور هتبقا صعبه معاهم وهنضرب فى بعض بس مش هنوصل لمرحلة عداوه لان للاسف ده فكر الرئيس وسبق جربناه اكثر من مره مش بيصعد غير فى اخر لحظه الى هى الحرب
وده عين العقل ، انت اتخذت مسار مختلف و بتتعامل بشكل برجماتي بس ده مش معناه انك تعاديهم لإن بينكم مصالح كثير لكن انت بدات تشكل علاقات و تحالفات مختلفة غير تقليدية كما كان معتاد ،
يا صديقي انت دافعت عن مصالحك و بشكل عنيف و ده كان غير متوقع من ناحيتهم لانهم اتعودو علي نظام مبارك بس ده مش معناه انك تعاديهم لكن مش هتعتمد عليهم في المستقبل لكن هنحافظ علي علاقات كويسة معهم زي الملف السوداني و قبله الليبي و قبله الاثيوبي
ايه ده هو فيه حد لسه عاقل فى الشعب ده ومش بيزايد ومنطقى وبينظر للموضوع نظره شامله وبينتقد الشعب وسلوكياته قبل الحكومه ومش بيحمل الحكومه والرئيس كل المصايب العالميه على اساس انه شعب سويسرا ومش مشارك فى الازمات الى احنا فيها كنت مفكر انى الديناصور الوحيد الى هنا
مش عارف لية في هجوم علي الامارات والسعودية كتير اووي وان مثلا قطر ماحدش بيتكلم عنها خالص في أي سوء يحدث في مصر؟ رغم أن الإمارات والسعودية حلفاء مجربين في مواقفهم معانا!
القيادة السياسية اتكلمت بصراحة وبوضح عن العلاقات مع الإمارات تحديدا وابن زايد في مصر الايام دي يطلع حد يقولك هايسحب الودائعماحدش شكرة علي الودائع واللي ليها مواعيد وبتجدد يعني وحقة لو خلص الوقت يسحبهم لا ونشكره كمان انه وقف معانا اما بقي فكرة ان مصر بتبلطج واحنا حقنا ناخد فلوسهم اولا دة مش الواقع ثانيا بتقلل اووي مننا ثلاثا اللي بيهاجم هنا او في اي منتدي يعني دول بتستضيف ملايين المصريين لما تشتمهم دة منطق !
بلاش نكرر منتدي تاني بس بصبغة مصرية لا العنصرية والتكبر هايكسبنا شيئ بالعكس واللي يعمل فيها عالم بواطن الامور معلش هل انت صحفي قولنا مصدرك انما انت لا صحفي ولا معاك مصدر ما تسكت احسن وتسمع من الدولة لكن تسمع اللي يقول اصل ابن زايد جاي يعمل اية كان اللي بيحكم مصر دة راجل بركة مش عارف حاجة يا عيني فيجي يشكر في ابن زايد
اللي شايفة ان الكلام عن فصل مصر عن العروبة كلام مرفوض من كل الشعب المصري وكلام ناس مش فاهمة حاجة والكلام عن أن الخليج بيتامر علينا والله دة الطبيعي في اي سياسة دولية الدول كلها كدا مع بعض في ملف وضد بعض في ملفات تانية وشوفو فرنسا وامريكا
اخيرا شيطنة الخليج كلام مبالغ فيه جدا ويكذبه الواقع مصر دولة عارفة مصالحها والكلام عن الشعوب اللي بنا وبنها جوار لازم يكون بحساب مش كل واحد يقعد يتكلم وكانه مدير مخابرات لو في مشاكل طبيعي وبتتحل بعيد عن الشعوب انت مدايق من واحد خليجي اشتمة هو بلاش تعمم علي بلدة كلها وقبل ما يتقلي انت عضوية انتحارية وخليجي وعامل فيها مصري انا مش هايفرق معايا وقولت واتمني ان الناس تتكلم في الموضوع بشكل علاقني حتي لو دخل خليجي ولو صدفه يطلع بانطباع كويس عن مصر والمصريين لكن وانا مصري بشوف بعض الاعضاء بيتكلموا بحس كان مصر دي مافايا ولازم تاخد علشان معرفش اية عيب احنا اكتر بلد قدمت مساعدات ودة مش من علي حد دة واجب وزي ما وقفنا معاهم وقفوا معانا وربنا قال انما المؤمنون اخوة "اخوة"
القيادة السياسية اتكلمت بصراحة وبوضح عن العلاقات مع الإمارات تحديدا وابن زايد في مصر الايام دي يطلع حد يقولك هايسحب الودائعماحدش شكرة علي الودائع واللي ليها مواعيد وبتجدد يعني وحقة لو خلص الوقت يسحبهم لا ونشكره كمان انه وقف معانا اما بقي فكرة ان مصر بتبلطج واحنا حقنا ناخد فلوسهم اولا دة مش الواقع ثانيا بتقلل اووي مننا ثلاثا اللي بيهاجم هنا او في اي منتدي يعني دول بتستضيف ملايين المصريين لما تشتمهم دة منطق !
بلاش نكرر منتدي تاني بس بصبغة مصرية لا العنصرية والتكبر هايكسبنا شيئ بالعكس واللي يعمل فيها عالم بواطن الامور معلش هل انت صحفي قولنا مصدرك انما انت لا صحفي ولا معاك مصدر ما تسكت احسن وتسمع من الدولة لكن تسمع اللي يقول اصل ابن زايد جاي يعمل اية كان اللي بيحكم مصر دة راجل بركة مش عارف حاجة يا عيني فيجي يشكر في ابن زايد
اللي شايفة ان الكلام عن فصل مصر عن العروبة كلام مرفوض من كل الشعب المصري وكلام ناس مش فاهمة حاجة والكلام عن أن الخليج بيتامر علينا والله دة الطبيعي في اي سياسة دولية الدول كلها كدا مع بعض في ملف وضد بعض في ملفات تانية وشوفو فرنسا وامريكا
اخيرا شيطنة الخليج كلام مبالغ فيه جدا ويكذبه الواقع مصر دولة عارفة مصالحها والكلام عن الشعوب اللي بنا وبنها جوار لازم يكون بحساب مش كل واحد يقعد يتكلم وكانه مدير مخابرات لو في مشاكل طبيعي وبتتحل بعيد عن الشعوب انت مدايق من واحد خليجي اشتمة هو بلاش تعمم علي بلدة كلها وقبل ما يتقلي انت عضوية انتحارية وخليجي وعامل فيها مصري انا مش هايفرق معايا وقولت واتمني ان الناس تتكلم في الموضوع بشكل علاقني حتي لو دخل خليجي ولو صدفه يطلع بانطباع كويس عن مصر والمصريين لكن وانا مصري بشوف بعض الاعضاء بيتكلموا بحس كان مصر دي مافايا ولازم تاخد علشان معرفش اية عيب احنا اكتر بلد قدمت مساعدات ودة مش من علي حد دة واجب وزي ما وقفنا معاهم وقفوا معانا وربنا قال انما المؤمنون اخوة "اخوة"
التعديل الأخير:
- إنضم
- 18 نوفمبر 2021
- المشاركات
- 5,984
- مستوى التفاعل
- 29,193
- المستوي
- 5
- الرتب
- 5
لو حضرتك مش شايف أنهم تحولوا من المنافسة للاذي يبقي عندك مشكلة كبيرة
افتح العربية وسكاي نيوز هتلاقيها بقوا أوسخ من الجزيرة
مش فاهم بتستعمونا مثلا واللا المطلوب نتهان منهم في صمت؟؟
دورهم بقي عدائي جدا بص حواليك يا باشا نص سلاح حمديتي امارتي شوف الطيارت رايحة علي تشاد قد أيه عدوا ال٦٠ رحلة
مش هقول أنك خليجي لا مصري بس ممكن تبررلنا اللي بيحصل؟
والله اتكلمت كذا مرة ... بس هنا الناس مش كرييتف مع احترامي ... هما رد فعل مش فعل
تلمنتدى هناك يكتب عن مصر هما يكتبوا عن السعودية و الخليج
بدل ما نناقض مشاكلنا ... بنهاجم الحلفاء بل دولة عربية ... عشان احنا استنتاجنا واصل ان هما بيئذونا..
لكن انت مش عندك اي دليل حقيقي .. و الدولة ادرى
مش فاهم اعادي شعب وبلد بحالها عشان استنتاج
وقطر اللي كنا شفنا منها انها تعبتنا و ساعدت في قتل اخواتنا سكتنا عنها بخجة السياسة و الغلوس و الاخوان مشيوا من عندهم وقلوا الهجوم عنك
وفين حق الكم الف من الجيش و الشرطة اللي ماتوا
و الناس المدنية الغلبانة اللي ماتت
احنا للاسف زي ما يتضحك علينا من بتوع التدين
بيضحك علينا بالشعارات الرنانة بتاعت المصلحة وبتحركنا التريندات وبس
ده غلابة اوي
ده على اساس ان الامارات و الكويت كانت بتصدر ليك بتمن اقل
نسيت دي
تعالى اوريك انك بتبص من ناخية واخدة بس وبتتعمد ما تبص للجانب التاني
انهم في عز ازمتك في ٢٠١٦ ما سحبوا الودائع بتاعتهم وفضلوا برده يمدوا في تسديد القرض اللي اخذته منهم ..
اللي بالمناسبة برده لسا انت رئيس و حكومة بتحاوا برده تاخد منهم استثمارات وخاصة من الخليج اكتر من اوروبا
يعني مش عارف اقول ايه
بنعتمد دايما على فكرة بص العصفورة
طب كا تبص تحت رجلك الاول وشوف وضعك
- إنضم
- 18 نوفمبر 2021
- المشاركات
- 5,984
- مستوى التفاعل
- 29,193
- المستوي
- 5
- الرتب
- 5
طيب
شوف يا استاذ حازم سكاي نيوز والعربية مؤسسات اعلامية تمام تتبع دول لو مصر حبة ترد ترد علي قنواتها وعندنا قنوات زي القاهرة الاخبارية انما الدولة مردتش يبقي الدولة مش شايفة اللي انت بتقولة طيب انت هاترد هل انت انا اسف مؤهل للرد طيب انت عارف لية الدولة بكل جرايدها وقنواتها رافضة ترد؟
بتتكلم علي حمدتي والله الدولة اعلم مننا ببواطن الامور ومع ذلك واحنا مالنا ما هما احرار واحنا بندعم الجيش السوداني وحقنا ملف ومختلفين فيه عادي ورغم كدا الامارات اتوسطت في الافراج عن جنودنا يعني ممكن العلاقات تقلل الخلافات شوية ممكن ممكن نغير وجهة نظرهم في الملف
تاني اللي بقوله السياسة الدولية غير السياسة الداخلية اللي ممكن انت تطلع عليها اكتر انت ممكن تعرف تفاصيل حاجات كتير جوا البلد لكن السياسة الخارجية امور السري فيها اكتر من العلني فيها والدول ممكن تضرب بعض ورؤساها يبتسوا قدام بعض لان الاعلان عن المشاكل يعقدها انت شايف سكاي نيوز نزلت حاجة عن مصر سلبية انشر الايجابيات يا سيدي هاجم سكاي نيوز بلاش ارد علي الامارات كلها لان خطاء زي ما انت شايف ان الدولة دي بتحاول تعمل حرب اعلامية انت مستاء من اسلوبهم بلاش انت تستخدم نفس الاسلوب علما انهم محترفين وعلشان تمسك عليهم حاجة هايبقي فيها كلام اصل احنا بنغطي بحيادية اصل معرفش هنا بقي العضو بسم الله ما شاء الله هجوم بغشومية ولا احترافية ناس بتقول كلام مش فاهمة اضرارة يا اخي انا لما اشوف رئيس دولتي مع رئيس دولة بعتقد انها بتسعي للاضرار بيا لو انا مواطن بسيط هاقول شوف ابن ال .. الخاين الي واللي واللي وبتخدم انت علي اجندا الدولة بتحاربها بدون قصد
مفيش حد ابقى …. لازم مصر تبقى قطب بنفسها … علاقتنا متوازنه مع الجانبين …
قديما كانت العلاقات مع الخليج معتمده على الود والصداقه والعاملين بالخليج والدعم المادي …. الآن الود والصداقه ليس لهم موقع من الاعراب …
العاملين بالخليج تقل اعدادهم بشكل كبير خاصة في السعوديه … والدعم المادي غير موجود ولا نريده .. نريد استثمار .
اذا العلاقات مستقبلا ستكون حسب المصلحه
مشكلة عالمية ايه
معلش مع احترامي الشديد ... ولا اقصد الاهانة
في سنة تانية ... ٧٣ في المية من دفعتي سقطوا في مادة عندنا ودي كانت من اصعب وارخم المواد ومحتاجة تركيز اوي
بس توقعوا ان الدكتورة مش هترخم عليهم في الأسئلة
ام جابت الدكتورة امتحان يقطم الظهر
هات اقرب حجة للطالب اللي معداش
يابني ده الدفعة كلها سقطت في المادة هوا انا لوحدي
طبق بقا ده بشكل اوسع على بلدنا
اللي كل مشكلة تقولك كورونا و حرب اوكرانيا
طب و البلاد اللي تعافت ... تفرق عنك بحاجة
ياراجل مفيش حد منكم قادر يقول ان الحكومة فشلت انها تحكم التجار وقادين تصدروا المشكلة لحتة تانية
واخرها يتقال ٣٠ في المية عند الحكومة
ال ٣٠ في المية دول اذا هما كانوا حلوها حال الناس كان هيبقى ايه
ما تشتغلوا وتعلموا اللي عليكم ... وتحكموا البلد صح ... لكن الحقيقة المرة اللي مفيش حد عاوز يسمعها ان الحكومة غلطان غلط كبير اوي ... ولازال الناس بتدافع عنها ..
طيب جزئية بقا مهمة جدا وهي التنبؤ و التحليل في مجال الطقس
طالما عندك داتا هتفدر تتنبأ صح
وانت الطقس عندك كذا سنة في تصاعد وتطرف
بسهولة تقدر تتنبأ بالطقس
الموضوع مش صعب تكاد يكون بنسبة تصل ل ٩٩ في المية
فما تقولي سيرة احتمالات وتعرض في الكلمة عشان توحي للناس انها مش حاجة اكيدة
امال انت بتقول درجة الحرارة النهاردة اواي يوميا
ولا دي عادي و دي لا
حضرتك تمديد الكلمات و توصيل للناس ان معدل الخطا عالي في مسألة التبؤ والاحصاء في مجال الطقس ... شيء خاطئ جدا
وانا فاهم اللي بقوله كويس ...لان data scientist
مش هتعمق كتير وادخلك في حتة data streaming بيحصل فيها ايه و ازاي الداتا لازم بنسبة كبيرة ما يبقى فيها missing
Data
و models معينة معمولة عضان الحجات دي
فليلة كبيرة ازي ... خطأ بنسبة ١ على الف بيأثر جامد ... وفيه نسب مخطوطة لمعدل الخطا
ده
يعني من الاخر مفيش تبؤ بيخرج الا وبنكون متأكدين بنسبة حتى بتكون اكتر من ٩٩ في المية
بس ده اللي كنت عاوز اقوله
وما تزعل مني لاني انفعلت في كلامي قليلا ولا اقصد ابدا اي اساءة ليك او للناس اللي هنا
تحياتي ليك
اولا كده تيجي تقولي هو الدعم الصريع خد الاسلحة دي امتا و ازاي وهل كانت بموافقة الجيش ولا لا
انت ناسي يا هندسة ان الدعم السريع كان جزء من الحيش السوداني
هيا منزلتش بباراشوت مرة واحدة
اسالة كتير انت نفسك مش هتكون عارف ليها اجابة بسبب ضابيبة التضريحات بين دول ودول
صحيح الدعم الصريع حرامية
هل تظن لثانية ان الجيش السوداني مكنش عارف ان حميدتي و قواته بيسرقوا ذهب الشعب السوداني ويبعته للامارات
تفتكر انهم كمان مكنش بيستفيدوا
يعني فجأة كده اول ما قوات حميديتي هجمت ... فجأة طلع على الاهلام انهم بيسرقوا الشعب ... مرة واحدة كده
طب كنتوا عارفين من امتا و ساكتين بقالكم اد ايه
و الامارات كنتوا مش بتاخدوا منها سلاح ولا مش بتاخدوا
حجات كتير واسئلة كتير .. لكن الحقيقة بتقول انهم شافوا مصلحتهم
لما حصل اللي حصل في السودان ... هما نفسهم خدوا جنب و الامارات ما اتكلمت
مش بقول لحضرتك ان تحنا بنستنتج و اامنتدى هنا رد فعل بس
الأزمة ليها بعد عالمي ودة حقيقي ودة بيصعب علي الحكومة التحرك لية لانها لو الفكرة ان في مشكلة في التجارة الداخلية واليات العرض والطلب السيطرة عليها اسهل انا مش بدافع عن الحكومة بس احنا كدولة عملنا انفاق عالي علي مشروعات لم تكتمل بعد وبالتالي انا دفعت التكلفة ولسة لما احصل علي العائد بشكل كام لما في الفترة دي تجيلي ازمات مالية اكيد قدرتي علي التعامل معاها مش هاتبقي كبيرة اووي لية لان انا قدراتي المالية استثمارتها في مشروعات لازم استكملها علشان اخد العائد
الحكومة طبعا لازم تتحرك اسرع وممكن تقول ان الانفاق العالي كان سوء تقدير من الدولة اللي متوقعتش كل الازمات الدولية دي
الناس طبعا مطحونة والله يكون في عونها والدولة لاز تشد حيلها اكتر والرئيس لازم يوضح الامور هل في اخفاقات حكومية واية اليات المعالجة + اشوف اصدقائي اللي ممكن يدعموني ماليا حتي علي شكل استثمارات وهكذا انا شايف الصبر وان شاء الله احنا باذن الله قريبين من الخروج من من تداعيات الازمة داخليا واللي مع الاسف علي المستوي الدولي هاتستمر الازمة ويمكن تتعقد كمان
يا بيه .. احنا بنخذر نفسنا اننا نكون عاطفيين ضد الاسلام الساسي وحدش يضحك عليك باسم الدين
وعنا العكس برده عاطفيين ضد اي حد يعمل موقف فيك لدرجة انك تكره بلد بحالها وشعبها وانت ما قبلتها ولا روحتها
الادهى ان رئيس بلدك بيزور دول ودول وما الى ذلك و لسا بلدك بمسؤلينها بيروحوا يحضنونهم
هتقولي ده سياسة ... هقولك خليكي برده ساسي .. زي ما انت اهتميت السياسيين بيعملوا ايه وعاوز تعرف اخبارهم
فاتعلم منهم واقتدي بيهم .. و اوزن الامور
بدل الهجوم وخلاص
واشتغل على نفسك واعكل بنفس مبدأ الرئيس بكرة اكبر و اكبر عليكم ... ده ايه لما اشتغل على نفسك
وعنا العكس برده عاطفيين ضد اي حد يعمل موقف فيك لدرجة انك تكره بلد بحالها وشعبها وانت ما قبلتها ولا روحتها
الادهى ان رئيس بلدك بيزور دول ودول وما الى ذلك و لسا بلدك بمسؤلينها بيروحوا يحضنونهم
هتقولي ده سياسة ... هقولك خليكي برده ساسي .. زي ما انت اهتميت السياسيين بيعملوا ايه وعاوز تعرف اخبارهم
فاتعلم منهم واقتدي بيهم .. و اوزن الامور
بدل الهجوم وخلاص
واشتغل على نفسك واعكل بنفس مبدأ الرئيس بكرة اكبر و اكبر عليكم ... ده ايه لما اشتغل على نفسك
- إنضم
- 18 نوفمبر 2021
- المشاركات
- 10,544
- الحلول
- 1
- مستوى التفاعل
- 41,566
- المستوي
- 10
- الرتب
- 10
- الموقع الالكتروني
- twitter.com
السفن واقفه بقالها ٣ اسابيع يا عم احمد
ايه الي يخليني اطلع ٣٠٠مليون دولار من الميزانيه
المواضيع المشابهة
