مشكله الطارق مش فلوس مشكلة الطارق كميات انت عاوز على الأقل ٥٠ الف kit على الأقل الامارات نفسها مش هقدر تصنع فى فترة قريبه بالتالى محتاج تصنع هنا عشان تسعف نفسك هنا المارك ٨٢ هتشتغل عندك على ٤٠٠ مقاتله على الأقل المارك هتمثلك بديل رخيص لصواريخ الكروز وببلاش مدى ١٠٥ كيلو دا مدى محترم جدا حتى مع معظم الدفاعات الجوية الحديثة هتقدر تحيدها بيها بشكل كامل
ألتى ٩٠ انتهت صفحتها بعد اللى شوفناه والكى ٢ الكورية ملهاش لازمه لو هتيجى من غير تروفى
ولا التروفى على ظهر الكوكب ملوش بديل موثوق
الألمان استخدموا التروفى
الفرنسيون استخدموا التروفى
الكوريين استخدموا التروفى
الامريكان استخدموا والتروفى
الروس الوحيدين على الكوكب اتهتك عرض دبابتهم بسبب نقص الحماية وتصميمها المتخلف
المضادات الارضيه أصبحت غاية فى التطور والرخص حاليا وسهل تفتك بأى دبابة غير محميه
الكى ٢ مع استلامها هتكون داخلين فى ٢٠٢٥ أو ٢٠٢٦
يعنى أن مكنتش ثوريه فى تقنياتها وحمايتها نتجه للصين ونشترى الأرخص والاكثر عددا ونستخدم المبدأ السوفيتى فى الحرب العالميه دبابة متخلفة تقنيا لكن إعدادها كبيرة ونحقق توازن هنا أن كانو متقدمين تقنيا فأنا متقدم عدديا فى المقابل
علي المبدأ ده احنا كده مش هنتعاقد علي دبابات جديده ،ونفس المبدأ كل اسطول M1 اللي عندنا هو وغيره بدون منظومة حمايه هو في عداد الموتي.
يبقي الحل ايه ،هل ممكن نحصل علي التروفي من كوريا علي الK2 يعني كوريا ممكن تحصل علي رخصة انتاج .
وعلي مااظن أن الصين عندها منظومة حمايه مش ممكن نحصل عليها وندمجها علي اي منصه احنا عايزنها .
اصل مش هينفع في كل الأحوال سلاح المدرعات يبقي ده حاله M1 بدون تطوير لاتصلح الا للصف التاني ،مش هنتكلم عن باقي الخرده.
وإسرائيل هتشغل كمان كام شهر الإصدار الأحدث من الميركافا MK5 دبابه ثوريه لكل المقايس.
اكيد في حل ...
يعني مش كفايه هما متفوقين جويا وهيبقي بريا كمان تبقي كارثه .
وبعدين فكرة تعويض الكيف بالكم مش هتنفع غير في حدود استعاضة الخسائر فقط وانت برهنت ده بالحرب الروسيه .
فما بالك في مواجهة إسرائيل بكم التكنولوجيا الرهيب اللي عندهم بريا وجويا .
انا حاسس ان عجلة التطوير عندنا توقفت عند نقط معينه ومش قادرين نكمل .
وده باين في صعوبة تكوين قوه جويه عصريه ،ولحقتها كمان القوات البريه .
انا نفسي افهم هي صراعات دارت العام الماضي والحالي أرمينيا واذربيدجان /روسيا اوكرانيا والمواجهات دي انعكست علي افكار التسليح العالمي من تكتيكات وتجربة أسلحة جديده ،
شايف العالم كله بيتعلم ويطور من الخبرات دي واحنا محلك سر لانه لو ده حصل عندنا كانت اثاره ظهرت علي فكرنا التسليحي ،مش عارف بصراحه ،كل ما بحس اننا ناخد خطوه لقدام تظهر اخبار ترجعنا عشرات الخطوات للخلف .