اللي متابع حملة إستعادة حجر رشيد وردود أفعال البريطانيين عليها هيكتشف قد ايه قطاع واسع منهم عنجهي وجاهل ومنحط..وإن لهجة الإستحقاقية عند المستعمر المحتل السارق موجودة لحد اللحظة..تعالوا نحلل كلامهم المتناقض..
🔴 احنا السبب في إنكم عارفين تاريخكم!
تعليقاتهم معتقدة إنهم هما والفرنساويين اللي فكوا رموز حجر رشيد وإنهم هما اللي علمونا لغتنا والحقيقة إن لولا المصري "يوحنا الشفتشي" وحفاظ المصريين علي إمتداد اللغة المصرية مكنش ده حصل.
وحتى لو فرنسا مكنتش لقيتها مصر مصيرها كانت هتبدأ أعمال الحفريات عاجلًا أم آجلًا لإزالة الغبار عن حضارتنا المصرية.
🔴 لعنة القومية العربية
كذلك غالب تعليقاتهم متمحورة حوالين إننا "عرب" وميحقلناش المطالبة بحاجة غيرنا مع كم إهانات وتحقير رهيب..وده بطبيعة الحال لا لوم عليه إلا علي الدولة المصرية في تصدير القومية العربية والهوية العربية للمصريين للخارج منذ عهد الرئيس الراحل جمال عبدالناصر ولحد اللحظة وإن بسبب القومية العربية شوهت سمعتنا وهويتنا خارجيًا بسبب الإصرار علي سياسة منتهية ميتة إكلينيكيًا منذ عهد طويل عالمستوى الإقليمي والعالمي، والدولة مُصِرة تتصدر إما بإننا مصريين عرب وإما بمبدأ السبع أعمدة الباطل..وكانت دي النتيجة اللي قدام حضراتكم...الدولة ومسؤولينها يتحملوا نتاج العبث في وعي الشعب المصري وهويته علي مدى عقود من الزمن، وآن الأوان العبث ده ينتهي، نحن مصريون ولسنا عرب
فالعرب ليهم تراثهم وهويتهم وثقافتهم الخاصة والمصريين ليهم هويتهم الفريدة والمميزة ولا يعيب إننا نتشارك في سمات كتيرة ولكن كل شعب له هويته الخاصة وتاريخه..
🔴 ما ترجعولنا انتوا قناة السويس؟!
كذلك شق آخر من تعليقاتهم بيعتقدوا إن بريطانيا تنازلت لمصر وأعطتها قناة السويس وإننا لازم نرجعهالهم؟ وطبعًا الدونيين عندنا بيأيدوهم في ده جدًا رغم إن مصر اللي حفرت قناة السويس بدماء شعبها وهي اللي أممتها وفي سبيل ده حاربت ٣ قوى منهم 2 من القوي العظمي وأنهت أسطورة بريطانيا العظمى تمامًا في سبيل الحفاظ علي قناتنا اللي ملكنا.
🔴 إنتوا هتدمورها لأنكم متطرفين!
وأخيرًا بيتهجمهوا علي ديننا ومعتقداتنا بحجة إننا مجموعة متطرفين قياسًا علي داع.ش واللي حصل في سوريا والعراق بإننا هندمر آثارنا ومش هنحافظ عليها وهنشوهها..
والحقيقة من الأمور المضحكة إن يجيلنا أبناء القارة الاستعمارية وأحفاد الامبراطوريات الد-م-وية ويكلمونا عن الاتلاف والتدم-ير وابائهم دم--رو وسرقوا قارة بأكملها من قرون فاتت.
وممالك قارتهم من الاف السنين زي الرومان خربوا تراث ومعمار حضارتنا المصرية وتعدوا علي عقائدها وعلومها.
🔴 رسالة إلى الدونيين..حذاري
رسالة لكل دوني هيخش يأيد حججهم وتبريراتهم ويقول "عندهم حق"، إحنا مُدركين كويس جدًا لحجم المشاكل اللي عندنا في وعي الشعب المصري وكلها بلا إستثناء لا تبرر ولا تستخدم كحجج لسرقة آثار أجدادنا وحضارتنا المصرية ولا تبرر تواجدها في الخارج.
الدولة المصرية علي وشك إفتتاح أكبر متحف في العالم في حفل أسطوري مهيب مع ترميمات شاملة وكاملة غير مسبوقة في تاريخ مصر لكل الآثار والمتاحف..مصر قادرة علي حماية حضارتها من المخابيل والمتطرفين.
ولكل واحد بيبرر أو يدعم ببيع الأثار أو الإتجار فيها أو الإفتاء بده ويستعمل ده حجة لبقاء الآثار في الخارج فاعرف إن الغرب هما تجار الآثار الحقيقيين في العالم كله..ومستعدين يدفعوا ملايين لسرقة التراث والحضارات البشرية كلها وعلي رأسها مصر لسلبك هويتك وتجريك منها
دعم المواقف العدائية ضد مصر والتحقير من المصريين وبقاء الآثار المصرية المسروقة في الخارج موقف بقى للخيانة والإنحطاط وملوش أدنى علاقة بأي موقف إيجابي لتغيير الوعي والارتقاء بثقافة المصريين تجاه تاريخهم وبلدهم وحضارتهم، فإحذر الخلط...
🔴 في الختام
البلد دي عتيقة وأهلها جدورهم ممتدة في الأرض لآلاف السنين وعصور ازدهارها يصعب علي صغار الحضارة حصرها بسبب عددها الضخم، صحيح مر علي بلادنا فترات ظلام وجهل وعصور صعبة ولكنها لم تكن بصعوبة أوروبا المظلمة في العصور الوسطي أو في العصور القديمة اللي كان فيها المواطن الاوروبي بيعيش في الكهوف وقت ما كان المصري القديم بينشأ العلوم والحضارة والمعرفة.
الحق هيرجع لصحابة وأصحاب الحضارة والفهم والعلم والمعرفة هيرجعو لمكانتهم الطبيعية واصحاب السر-قة والتطاول والهمج--ية بردو هيرجعوا لمكانتهم الطبيعية.
وزي ما أبنائنا رجعوا وطننا وقناة السويس واستردوا حريتنا رغم أنف المستعمر إحنا كمان هنرجع آثارنا منه ومن متاحفه وهنبني وطننا ونخليه في مصاف الأمم ولو مقدرناش فابنائنا هيكونوا قادرين علي ده وفي الختام دوام الحال من المحال وللحديث بقية...
#القومية_المصرية
#الهوية_المصرية
#إستعادة_حجر_رشيد
#حضارتنا_ليست_للسرقة
#وعي_مصر