مرحبا بك في منتدى الشرق الأوسط للعلوم العسكرية

[Amir.ali]

مدى التأثير الإيجابي علينا كمواطنين بمعنى هيكون أغلب معاملاتنا وشغلنا أون لاين تجديد تراخيص او ضرائب وتأمينات وشهادات وإلخ ولا ده بعيد عن الموضوع ده ؟ وشكرا لكم

 

[SU35EG]

من فضلك, تسجيل الدخول أو تسجيل لعرض المحتوى !

نظريا إللي حضرتك بتتكلم فية هو الأساسيات واقل حاجه ممكن تتم عن طريق الأنظمة المصرية

فية فرق إنك تشتري سيستم تطبقوا زي الجيران المحترمين إللي سبقونا و حياتك تستقر عليه ومفيهاش تغيير إلا بالرجوع للمطور

وفرق إنك تعمل بنية تحتية تبتكر منها السيستم الخاص بيك ومنها حمايه ومنها تبيعه كمان ومش حبقي ببالغ لو قلت إنو دراع طويلة جدا جدا في السيطرة علي المستفيد بانظمتك

خلينا نبقي واضحين

معاك سمارت فون..... فأنت واقف ملط في الشارع وإنت كل السيرفرات مش عندك

متخيل بقي الأمن القومي عامل إزاي ​

 

[مطلع الشمس]

«خبيئة السيسي الرقمية» .. «عقل الدولة الإلكتروني»
النهاردة الرئيس السيسي افتتح مركز البيانات والحوسبة السحابية الحكومية «P1» بالعاصمة الادارية الجديدة
وهو أول مركز لتحليل ومعالجة البيانات الضخمة والذكاء الاصطناعي في مصر وشمال أفريقيا تم بناؤه على أحدث النظم العالمية لحفظ ومعالجة البيانات في العالم
الكلام ده لا يوجد بالدول الفقيرة ولا حتى الناشئة ، وللأسف فإننا كنا نعتمد على «فرنســا» في هذا المجال لحد ما عملنا هذا المركز الضخم ، وهو سلسلة من مراكز أخرى بتكلفة 500 مليار جنيه
المركز ده يعمل على استخدام تكنولوجيا الحوسبة السحابية والذكاء الاصطناعي والبيانات الضخمة في معالجة وتحليل البيانات الحكومية وتوفير كافة البيانات الدقيقة والموقوتة للجهات الحكومية بجانب أكثر من (40) خدمة سحابية حديثة
المشروع ده بدء العمل عليه من سنة 2018 ، علشان تعرفوا حجم الجهد والضغوط التي قامت بها مصر لعمل مثل هذا المركز عندنا
.
الرئيس السيسي قال إن التكنولوجيا المستخدمة في مراكز البيانات والحوسبة السحابية متقدمة للغاية، وخلال افتتاحه للمركز أضاف الرئيس: "اللي اتعمل ده أنا مش بتكلم عنه كتير لأسباب خاصة.. لكن اللي اتعمل ده من ناحية التقدم فوق خيالكم، لدرجة انه في بلد زي مصر الكل كان متخيل انها ما تعملوش ولا تفكر فيه لأنها غلبانة.. تجيب منين يعني؟ .. لكننا رغم كل شئ عملناه ... الحاجات والمعلومات اللي هنا مؤمنة تماما ضد أي اختراق ، وفيه حاجات من اللي موجودة دي .. موجودة تحت الأرض ، ما تنضربش بأى نوع من القنابل".
.
وأضاف السيد الرئيس : أن "مصر" تتمتع بموقع متميز ومحور رئيسي لنقل البيانات بين الشرق والغرب ، وقال أيضا أنه يتم العمل على إعداد "مصر" لانطلاقة حقيقية في مجال التنمية والتطوير مشيرا إلى أن بيانات المواطنين الآن باتت مؤمنة بالكامل.
.
مراكز الحوسبة السحابية هي نموذج لتوفير الخدمات الحاسوبية عبر الإنترنت، و في هذا النموذج يتم توفير الموارد الحاسوبية مثل الخوادم، وقواعد البيانات، والتخزين، والبرمجيات على شبكة الإنترنت، وتكون هذه الموارد متاحة للمستخدمين الذين يمكنهم الوصول إليها واستخدامها حسب الحاجة
وتعتمد تقنية الحوسبة السحابية على مفهوم تجميع الموارد، حيث يتم تجميع المعلومات والبرمجيات في مراكز بيانات ضخمة ومتعددة، ويتم إدارتها وصيانتها من قبل مزودي خدمات الحوسبة السحابية، كما يمكن للمستخدمين الوصول إلى هذه الموارد عبر الإنترنت باستخدام الشبكة، ويتم توفيرها كخدمة قابلة للتوسع والتكيف والاستخدام الفوري
وتهدف هذه الخطوة إلى تحقيق نموذج ناجح للتحول الرقمي في مصر، والذي أصبح استراتيجية وطنية تتبناها الدولة، وتعزيز القدرات التكنولوجية والاقتصادية في البلاد، خاصة وان هذا النموذج يضم استحداث خدمات الذكاء الاصطناعي، والبيانات الضخمة، ومنصة انترنت الأشياء، وتوصيلها بطريقة مؤمنة وسريعة إلى متخذي القرار
.
تقدم مراكز الحوسبة السحابية مجموعة متنوعة من الخدمات، بما في ذلك:
1- البنية التحتية كخدمة (Infrastructure as a Service - IaaS):
حيث توفر الحوسبة السحابية الوصول إلى موارد البنية التحتية مثل الخوادم والتخزين والشبكات، حيث يمكن للمستخدمين استخدام هذه الموارد لتشغيل التطبيقات وإدارة البيانات الخاصة بهم
2- المنصة كخدمة (Platform as a Service - PaaS):
حيث توفر الحوسبة السحابية بيئة تطوير وتشغيل التطبيقات، و يمكن للمستخدمين بناء ونشر التطبيقات الخاصة بهم دون الحاجة إلى الاهتمام بالبنية التحتية.
3- البرمجيات كخدمة (Software as a Service - SaaS):
حيث يتم توفير التطبيقات البرمجية عبر الإنترنت كخدمة، حيث يمكن للمستخدمين الوصول إلى هذه التطبيقات واستخدامها مباشرة دون الحاجة إلى تثبيتها أو تحديثها على أجهزتهم الخاصة
.
كما توفر تقنية الحوسبة السحابية العديد من المزايا للدول والأسواق الناشئة والكبرى على حد سواء، وفيما يلي أبرز تلك المزايا:
1- تمكين الوصول العالمي:
تقنية الحوسبة السحابية تتيح للدول والمجتمعات الوصول إلى الموارد الحاسوبية والتطبيقات عبر الإنترنت. فيمكن للمستخدمين في المناطق النائية أو البلدان التي تفتقر إلى البنية التحتية التكنولوجية القوية الاستفادة من الخدمات الحاسوبية عبر السحابة، مما يعزز التواصل والتعليم والتجارة والابتكار في هذه المناطق
2- توفير التكاليف والمرونة:
تستفيد الدول والمجتمعات من تحقيق الحوسبة السحابية من توفير التكاليف والمرونة. بدلاً من الاستثمار في شراء وصيانة البنية التحتية الخاصة بهم، يمكن للمؤسسات والمستخدمين استئجار الموارد الحاسوبية ودفع رسوم استخدام فقط عند الحاجة، وهذا يساعد في تقليل التكاليف الرأسمالية، وتحسين توفير الموارد بناءً على الطلب
3- السرعة والتوسع:
ميزة رئيسية للحوسبة السحابية هي قدرتها على توفير الموارد والتطبيقات بشكل سريع وفعال، فيمكن للدول والمجتمعات توفير الوقت والجهد في تهيئة البنية التحتية الخاصة بهم وتكوينها، حيث يتم توفير كل شيء في السحابة بشكل جاهز للاستخدام. بالإضافة إلى ذلك، يمكن للمستخدمين توسيع استخدام الموارد بشكل مرن وفوري بناءً على احتياجاتهم المتغيرة دون الحاجة إلى اقتناء مزيد من العتاد أو توسيع البنية التحتية المحلية
4- تعزيز التعاون والابتكار:
تمكن الحوسبة السحابية الدول والمجتمعات من تعزيز التعاون والابتكار. يمكن للمستخدمين المشاركة في المشاريع والتعاون عبر السحابة، مما يعزز التواصل والتنسيق بين الأفراد والمؤسسات. بالإضافة إلى ذلك، توفر الحوسبة السحابية بيئة تطوير مرنة ومتاحة للمطورين والمبتكرين لبناء وتشغيل التطبيقات الجديدة وتجربة الأفكار الابتكارية بسرعة وكفاءة
.
مركز البيانات والحوسبة السحابية الحكومية "P1"، هو عقل قومى جديد للدولة المصرية، وجوهر التحول الرقمي، وأحد أهم الأعمدة التي يرتكز عليها الاقتصاد العالمي حاليا.

.​

 

[hazem]

من فضلك, تسجيل الدخول أو تسجيل لعرض المحتوى !

أنا أشتغلت في عمل الأنظمة دي في 2012 لدولة الإمارات كنت وقتها بشتغل في لينك ديف وقت ما كانت تبع أوراسكوم وفي 2011 عملنا برنامج بنك الراجحي السعودي

كل التطبيقات دي عبيطة جدا وتتعمل في سنة بس محتاجة Infrastructure مظبوط وده اللي بيحصل حاليا

لما كل الداتا تبقي في حتة واحدة تقدر تختصر البيروقراطية المرعبة اللي عندنا وتبقي كل حاجة مؤمنة وبتكة زرار

الله أحنا فيه ده مش أملة أحنا متأخرين 15 سنة

الحمد لله أن جه حد وقرر أننا نبدء

أتفرج علي القضاء المصري كمان 5 سنين من دلوقتي هيضرب بيه المثل في السرعة والأنجاز لو قفلوا الدايرة صح

أهم حاجة في الموضوع ده بكل صراحة التأمين ثم التأمين لازم ناس بتذاكر كل شهر الجديد علشان الزعل في الحاجات دي جامد وده تخوفي الوحيد الصراحة هل عندنا الناس اللي تشيل الموضوع ده ولا لا؟ لأنهم لو موجدين هيتاخدوا بكرة الصبح في أكبر شركات بأضعاف أي مرتب في مصر

 

[مطلع الشمس]

شوية معلومات وارقام اتقالت فى فيلم " مصر الرقمية" امس عن ال 3 مراكز لتخزين المعلومات اهمهم
1- المركز الرئيسي.. محصن تحت الأرض ..
سعة 120 بيتابايت
بيانات ليست للتداول
2- المركز التبادلى ..محصن تحت الارض
سعة 73 بيتابايت
بيانات ليست للتداول
3- مركز البيانات والحواسيب السحابية.
سعة 40 بيتابايت
بيانات ومعلومات للتبادل العام وبين الوزارات
علشان تفهم حجم المعلومات والبينات فى المراكز دى ..نفصص البيتابايت...

بيتابايت = 1,024 تيرابايت
أو 1,048,576 جيجابايت
تقريبا مليون وخمسين الف جيجابايت

1 بيتابايت = 5 سنوات من نظام مراقبة الأرض (EOS) (بسرعة 46 ميجابايت في الثانية)

1 بيتابايت = 20 مليون خزانة ملفات بأربعة أبواب مليئة بالنصوص أو 500 مليار صفحة من النصوص المطبوعة القياسية.
ارجع لفوق

وشوف كل مركز فيه كام بيتابايت داتا...
ارقام وعدد الخوادم / السيرفرات للمراكز التلاتة... مرعبة...
يارب تكون المعلومة مفيدة
لانه شغل مش طبيعى اتعمل فى 3 سنين وكل المبرمجين عليه ومدخلى البيانات مهندسين ومهندسات مصريين ..

​

 

[عبد الباقى]

من فضلك, تسجيل الدخول أو تسجيل لعرض المحتوى !

يا صديقى المحترم انا بتعلم من حضراتكم , بص انا هحاول ابسط الموضوع خالص مع فهمى لتأثيره على مستقبلنا ان شاء الله
سامحونى لو هطول شوية

رحلة من السيرفر للداتا سينتر
اى موقع الكترونى هو مجرد واجهة , كل الصور و المعلومات و الفيديوهات الموجودة عليه لازم تكون على جهاز-كمبيوتر بقدرات اعلى - اللى بنقول عليه خادم Server لانه اللى بيخدم على الطلبات للتصفح (مثلا) عن طريق قدراته الاعلى

زمان اوى (من 10-15 سنة) , كان الخادم ده عبارة عن كمبيوتر (شاسية حديد bare metal) بقدرات عالية ( القدرات عادة بتكون القدرة على معالجة البيانات CPU - القدرة على التخزين Hard Disk _ القدرة على التعامل مع الذاكرة بسرعة و تشغيل التطبيقات RAM - قدرات اتصاله بالشبكة و انه يستقبل كمية طلبات و يخدمها بسرعة Network Card /Adaptor ) ,

مع التطور ( Virtualization ) بقى حضرتك مبقتش محتاج خادم مخصص لكل تطبيق و لكن ممكن يتشارك فى نفس الخادم اكتر من تطبيق و ميبقاش فيه قدرات معطلة , فخادم واحد ممكن يتقسم افتراضيا لاكتر من خادم افتراضى Virtual Machine /Server باستخدام تطبيقات معينة , زى VMWare مثلا

لكن برضو التطبيق Application بيفضل مرتبط بالخادم حقيقى او افتراضى , فده بيخلى قدرتك ان تتوسع فى الخدمات او عدد العملاء اللى بيخدمهم التطبيق مرتبط بدخول خادم حقيقى جديد او اللى بنسميه حديد جديد

طب ازاى تطبيق زى فايسبوك ممكن يكبر و يلبى طلبات من ملايين و مليارات , ازاى تطبيق مدفوعات الكترونية بيخدم الف عميل يتحول ان يخدم 100 الف و بعد كده مليون بسهولة ؟؟ هنا تدخل الحوسبة السحابية Cloud Computing , ده عن طريقة بتتحكم فى عشرات الوف الخوادم الحقيقية و تحولها لخدمات افتراضية بتقسم كل تطبيق لمليون حتة Microservices و ترجع تجمعهم من غير ما انت تحس انت او المستخدم بحاجة , تكنولوجيا اسمها DevOps - باستخدام Kubernetes & Containerization


الوف الخوادم دى بتتحط فى مراكز بيانات Data Centers اللى بتكون عبارة عن Racks صفوف من الدواليب , اللى بتكون فيها الخوادم واصل ليها الكهربا و الشبكات و التكييف بشكل منتظم

موضوع الداتا سينتر ده صناعة ضخمة و ليه الناس الكبيرة بتاعته , الامريكان (امازون AWS -جوجل GCP -مايكروسوفت Azure -اوراكل OCI) او الصينيين ( هواوى Huawei و على بابا Alibaba )

كل شركة عندها البنية التحتية و تطبيقاتها و بتاخد اماكن على مستوى العالم عشان تكون اقرب لعملائها و مناطق الاستخدام لتطبيقاتها , يعنى مثلا مايكروسوفت عندها تطبيق ال Email Outlook او تطبيق خدمات العملاء CRM موجود على مايكروسوفت Azure داتا سينتر فى امريكا فى اكتر من مكان لكن فيهم اماكن بنظيمات معيينة(FedRAMP مثلا )و تأمين عالى عشان يستخدمها موظفيين الهيئات الحكومية الامريكية

كون الداتا سنتر على ارضك بيديلك مزايا زى

• قوانينك بتتحكم فى البيانات المخزنة عليها
• استخدماها اسرع عشان المستخدم قريب من مكان التطبيق
• ممكن تبقى ارخص من لو بتستخدم نفس التطبيق و موجود فى مكان تانى
• اللى عامل الداتا سنتر بيعمل استثمار اجنبى مباشر عندك , بيشترى اجهزة و تطبيقات و يركبها عندك و يجييب ناس يدربهم و يشغلهم

طيب ايه علاقة ده بالمصطلحين , البيانات العملاقة او الكبيرة Big Data و الاذكاء الاصطناعى Artificial Intelligence (AI)

تركيز كمية البيانات الرهيبة دى فى مكان واحد ( بيانات مرتبة زى قواعد البيانات او غير مرتبة زى ملفات صور و خلافه) بيديلك فرصة انا ممكن تطلع منها دهب ل تقدر تحللها بسرعة و توصل المعلومة المناسبة للمسؤول المناسب فى الوقت المناسب لاتخاذ القرار.
تحليل البيج داتا ده مجال شغل لوحده و الناس القوية فيه مشاء الله عليهم , عقليات محترمة تبهرك لما تتعامل معاها

نيجى للتانى , الAI , بمنتهى التبسيط المخل هو قدرتك انك تعلم الة تعمل حاجات يقدر عليها البشر , فتقدر تخلى الالى تتعلم من خلال تحليل كمية بيانات عملاقة و تحسن من قراراتها . تقدر تخليها تفهم الصور Computer Vision و تستخرج منها الوشوش و تقارنهم بقواعد بيانات للتعرف على المجرمين مثلا او انها تشوف ايه صفات وشوش المجرمين و تدور عليها ( شغل الصينيين ده) , ولاد الحرام جيرانا بيعملوا ده مع الناس فى قطاع غزة , مثلا يمسك جهاز مقاوم و يشوف الارقام اللى عليه و يشوف اماكن كل الاجهزةة دى و يوجه درون تضربهم , كل ده لايف

الجديد فى تطبيقات الذكاء الاصطناعى هو قدرتها انها مش مجرد تحلل و تدى تقدير لمدى ثقتها فى الحل , لكن انها تعمل محتوى جديد تماما (تخلقه) بناء على البيانات اللى تم تدريبه عليها Generative AI , و دى سكة ChatGPT اللى جننت الكوكب من سنة و نص , لان قدامك ذكاء مبنى على كل المعلومات اللى عرفها البشر و بيتصرف بمستوى ادراك شبه بشرى , موصلش للكمال و بيعمل تهييس حرفيا Hallucination لكن المليارات من الاستثمارات اللى بتتحط فيه هتخلى الدنيا تبقى احسن بمراحل فى مدة قصيرة


عشان يبان الفارق , خدمة زى Sora AI بتعمل فيديو كامل بجودة مذهلة من مجرد وصف فى جملة , ده بيخلى ناس تقول ممكن ميبقاش فيه سينما كمان 10 سنين لانك هتعمل الفيلم اللى انت عايزه و تبقى بطله و انت قاعد مكانك



طب بعد الرغى ده كله, احنا و بلدنا ممكن نستفاد ازاى ؟؟

حسب فهمى المتواضع , فكرة ان احنا دخلنا مع الصينيين

• تدينا استقلال عن الغرب لأانهم طبعا ملهمش امان , و ناخد دفعة للامام لان الصينيين سابقيين جامد , شوف مثلا تيكتوك من المحتوى اللى انت بتشوف فيه فيديوهات مبينة على تاريخ مشاهدتك و بتخليك لازق قدام البرنامج ( و ده شغل مدنى لكن بيعاملوه كسر قومى)
• اكيد هناخد تطبيقات عسكرية , زى اسراب الدرونز مثلا
• ممكن نصنع حاجات عندنا و ده مفيد لقدام.
• تعاون بحثى و تدريب بتسهيلات كبيرة
• انا احنا نبقى على طريق اننا نعمل محرك و تطبيقات خاصة بينا , مبنية على احتياجتنا. نقدر نسوق ده بعد كده و نعمل شغل فى افريقيا و خلافه
• اللى هيسيطر على الذكاء الاصطناعى هو اللى هيسوق ال50 سنة الجايين فى التكنولوجيا
• لو نقدر نركز Centralize كل انظمة الحكومة فى الداتا سينتر دى تبقى عظمة < تقليل تكاليف و تأمين احسن و حاجات كتير
• لو قدرنا نعمل تطبيقات مصريية للحكومة يبقى هدف جبار , لكن محتاج خطة طويلة و ناس تقيلة و دعم لا محدود من القايادة لفرضه على الكل فى الحكومة و بعدها قطاع خاص , لكن يظل حلم بعيد شوية

شكرا لكل اللى وصل للاخر 😊 , اتمنى اكون مضيعتش وقتكم . مصر فوق الجميع دايما ان شاء الله

 

[عبد الباقى]

من فضلك, تسجيل الدخول أو تسجيل لعرض المحتوى !

مش موجودين يا هندسة عشان يا سافروا او شغالين من مصر مع مشاريع بره Offshoring , التقييل مبيقعودش

 

[عبد الباقى]

من فضلك, تسجيل الدخول أو تسجيل لعرض المحتوى !

دى الطريقة اللى بيتركب بيها مجموعة خوادم او سيرفرات مع بعض . كل دولاب من دول اسمه راك Rack و بيكون فيه توصيلات الكهربا و الشبكات و التحكم الطرفى KVM للاجهزة اللى موجودة فيه

 

[Aymanop1522]

من فضلك, تسجيل الدخول أو تسجيل لعرض المحتوى !

المركز الي تم افتتاحه مزود بوحدات معالجة gpu و nvu للذكاء الاصطناعي من شركة Nvidia

 

[عبد الباقى]

من فضلك, تسجيل الدخول أو تسجيل لعرض المحتوى !

اللى اعرفه ان هاردوير انفيديا ممنوع او على الاقل محجوب عن المنطقة , ده شركات الكلاود فى الخليج معندهمش !!!!
انا اشتغلت مع كلاود فى الخليج , فيه شركات بنية تحتية امريكا بتعصلج الشغل مه البنية التحتية الصينى , الخلايجةة شغالين مع الاتنين للتنويع

 

[عبد الله]

من فضلك, تسجيل الدخول أو تسجيل لعرض المحتوى !

مشاركة مميزة شكرا علي تبسيط المعلومة

 

[Aymanop1522]

من فضلك, تسجيل الدخول أو تسجيل لعرض المحتوى !

هما اعلنوا عن وجود الوحدات دية ممكن تكون من شركة هواوي هبعتلك صور ليها

 

[Aymanop1522]

من فضلك, تسجيل الدخول أو تسجيل لعرض المحتوى !

 

[عبد الباقى]

من فضلك, تسجيل الدخول أو تسجيل لعرض المحتوى !

لو كده يبقى مكافىء صينى لانفيديا , لان اكين هى محجوبة عليهم هما كمان . كده الكلام ممكن جدا ,
أظن قصدك على ده Atlas 900 AI Cluster

من فضلك, تسجيل الدخول أو تسجيل لعرض المحتوي!

 

[Aymanop1522]

من اول الدقيقة 11 بيتكلم عن الذكاء الاصطناعي التوليدي ذي chat gpt وبرنامج بيحول 40 لهجة صوتية لكتابة وتحليل فيديو كاميرات المراقبة وتحويل صور الأشعة ثلاثية الأبعاد

 

[Aymanop1522]

من فضلك, تسجيل الدخول أو تسجيل لعرض المحتوى !

ممكن جدا شفت صور لسيرفرات شركة هواوي جوا المركز

 

[عبد الباقى]

ده العيلة الاصغر ممكن , الاطلس 800

 

[Aymanop1522]

من فضلك, تسجيل الدخول أو تسجيل لعرض المحتوى !

يبقي ممكن هو دة قريب في القدرات ل انفيدبا

 

[dantedilemma]

من فضلك, تسجيل الدخول أو تسجيل لعرض المحتوى !

عمرك ما بتخيب ظني فيك يا صديقي وربنا يخليك على مجهودك مشكور جداً
واتمنى منك برضه تشرح للسادة الاعضاء نقطة الانترنت المحدود وكده لان في كذا حد سأل عنها قبل كده

 

[dantedilemma]

لو حد حابب يعرف اكتر عن اشباه المواصلات وعن ال AI ومجهودات الصين في المجال ده ممكن يتابع القناة ديه