كنت بقلب عندي في ورق ومستندات بدور على شهادة ميلاد بنتي علشان المدرسة فلقيت ورق خدمة الجيش بتاع ابويا الله يرحمه
فافتكرت حاجه كنت بعملها زمان
لما كنت عيل صغير في ابتدائي كنت باخد شهادة الجيش بتاعت ابويا اللي وزعوها على المحاربين في الجيش
كانت شهادة فيها رسمه عسكري ماسك سلاح ودبابة وكانت شهادة كارتون جميله فيها اسمه وسلاحه
فضلت اخدها من ورا ابويا في الشنطه علشان اتمنظر بيها على زمايلي وافتخر بأبويا الله يرحمه لحد ما الشهاده اتقطعت ودابت من الكتب اللي كانت في الشنطة
كل سنه وانتم طيبين و مصر بخير وأمان
