هو الحي الحكومي ده اتكلف منيييييين
اااه يا حكومة ستحرق مدينتهم القديمة
و تروح الادارية تعمل باربيكيو يا بلد الزوولم .... مش بطون الفقراء أولي
لا ما انا حفظت الاكلاشيهات دي كلها واعجبك اووي
* الحي الحكومي ده اتكلف 50 مليار جنيه لحين تسليمه .... يا سنة سوووخا
و جاب منين ال50 مليار
هو مش احنا بردو فقرا اوووي .. مع مصمصة شفايف و قليل من ميسسسم
ما هو مدفعش ولا مليم من الموازنة
الشركات اللي اشترت الاراضي هي اللى دفعت
وهما هما اللي بينفذوا بناء مشروعاتهم الدولة ملهاش دعوة
وهما هما اللي بينفذوا الطرق و الخدمات عشان دي اللي بتخدم علي مشروعاتهم
طب ما بيحملوها علي سعر الوحدات السكنية
انت مالك بقا يا عزيزي .. اللي عجبه الكحل يتكحل
بردو مفهمتش الغلبان استفاد ايه من العظمة دي
اولا خلينا نتفق ان الغلبان مش ماسك علي الدولة سيديهات عشان كل مشروعاتها تبقا عشان سواد عيونه
لازم اعمل مدينة فخمة للي مش غلبان
امول بيها مشروع تطوير العشوائيان للغلبان
فاللي بيدفع 10 مليون جنيه في شقته في العاصمة .. هو اللي صارف علي الشقة اللي اتجهزت في بشاير الخير من الابرة للصاروخ من غير ما الغلبان يدفع جنيه و ده نوع من الاحلال والتفريغ البشري
العاصمة دي شغال فيها 35 شركة مقاولات
شوف كام بيت مفتوح
لما سكان مصر الجديدة يهجروها في اتجاه العاصمة عرض الشقق هيزيد هتخلق طلب عليها عادل لأن كل ما العرض زاد كل ما السعر قل
بالتالي ساكن اي منطقة اقل نسبيا من مصر الجديدة هيقدر يشتري فيها
ده احلال وتفريغ غير مباشر
مع كثرة التوسع الافقي والرأسي هتقضي علي مشكلة التكدس السكاني
اللي بتهلك البنية التحتية .. ووسائل المواصلات .. و الخدمات والمرافق
هتوفر الصيانة الدورية بكل تكلفتها .. وهتقدم خدمة افضل لعدد منتفعين أقل
حاجة كمان
* هو ليه بنزيط علي برج الخليفة و اووو ياااه شوف يا اخي دبي من صحرا بقت ايه ....
و بنتريق علي البرج الايقوني
* ليه بنفتح فيديوهات المدينة المائية في
ابو ظبي ونتنح لها انبهارا و تقديرا لهذا الچميييييييل .. و نيجي علي العلمين نعملها ميمز و نكت
* ليه بتشير صور الشوارع النضيفة و ناطحات السحاب في كندا وامريكا ... ولما أجي انقلك نفس النقلة دي بتعملي فيها أحمد عرابي
مش حاسس ان دي دونية سيكا يا مش عزيزي
و لا انت مفكر اللي عمل الاعجازات دي برا الست سامية جمال وهي عاملة العفريتة كهرمانة
واووووعي تقولي أصل مستوي الدخل
انت محدش بياخد منك حاجة اصلااااا ... ده انت تطويرك البشري من النقلة الحضارية دي
ياختتتتتتتتي كنت هنسي
فنادق الجيش و دور الجيش و نوادي الجيش اللي برا
هيتعمل عليها مناقصات وتتحول لحاجات تانية مدنية
مدن سكنية
فنادق مدنية
أي عفريت ازرق .... المهم ان عربيتك مش هتتكلبش والعسكري الغلبان مش هيقولك ممنوع الركنة هنا سعاتك
" كانوا هيعملوا من كتافي شاورما لو كنت نسيت
"
البوستات بقا بتاعت
انها تجمع من البلوكات الخرسانية ذات المناظر غير جمالية ومشوهه
* باشا انت هتشتري جوا .... لا طبعا
طب انت مالك ، هما ربنا غضبان عليهم وهيحبسهم في الغير جمالية احنا مالنااااا
* وهينقل الوزارات هناك
اااه وهتدفع ايجار شهري يدخل صندوق مجلس العاصمة اللي هيصرف علي صيانتها بردو
ونقل الوزارات ده جزء من تفريغ العاصمة القديمة .. لاعادة هيكلتها
* دي في اخر الدنيا .. هااااء
ما عملك القطار الخفيف الجديد يا ابن الحلااااال
بصي يا چيلان بردو الاستاذ قال سيتركون عاصمتهم القديمة تحترق بأهلها وتندثر ظلما وفقرا .. ويذهبون الي عاصمتهم الجديدة حتي لا تتأذي أعينهم
اللللله يا فنان
أعد و حياة ابوك
يعني بعد كل الكباري والانفاق والمحطات الجديدة و تطوير العشوائيات .... هتحترق بردو
لا تحترق انت واهلك بقا عشان أنا خلقي ضيق وبدهن فولتارين