و هل ده منطق عشان الكورة بتعمي و نلهي الناس شوية أن مسئوليين في الدولة تدمر أهم لاعب في تاريخنا و بيعمل كتير لمصر حسب كلام الرئيس نفسه ؟
بنسلمه للأخوان و الخلايجة و الأولتراس ينتقموا منه و كل واحد عنده حقد تجاهه بيشفي منه غليله؟
هل ده جزاءه بعد ماتحمل كتير من فشل أداري و محاولات لتدمير مسيرته من أتحاد الكرة نفسه عشان خاطر مصر يترد له بالشكل ده ؟
لأن اللي حصل من المتحدة ده متعمد و كل المذيعيين كانوا واخدين كارت اخضر للهجوم حتى ابراهيم فايق المراسل بتاعه من ساحل العاج قاله أن مافيش أمكانيات لعلاج صلاح هناك و ان السفر هيكون لتسريع العلاج عشان يلحق المنتخب في الادوار الجاية و مع ذلك كمل الهجوم و ده مالوش غير تفسير واحد أنه واخد أمر بكده
