تحياتي لحضرتك
@مرمبتاح .
انا واحد من الناس متفق معاك 100% .
علي موضوع اللاجئين وحتي هتلاقي الكل هنا بتفق معاك.
ومتفقين مع حضرتك علي فرض رسوم ماليه عليهم .
بس الجزء التاني بتاع ضعف أداء، ومبيفهمش سياسه ولا اقتصاد ولا بيفهم في العيشه ، وديون ،وخراب ،وتجريف للعقول ،والانجليز دخلتهم في النص .
يعني ملايين الافنده اللي بيتم استصلاحها والصرف عليها من قوتنا ورزقنا عشان نأكل ، وكل ده مش بسبب مبارك .
مين اللي ساب كل مرافق الدوله خربت لغاية ماوصلت علي انها مش قادره علي تقديم الحد الادني من الخدمات ،مش مبارك ؟؟؟
ورث تجريف العقول وخاصه في التعليم من ايام عبدالناصر لما جاب اهل الثقه مش الخبره وخاصه في التعليم ؟؟؟؟
مين اللي همش دور المدارس وحط من قدر المعلم وسابها سايحه وترك التعليم بدون تطوير وأطلق العنان للدورس الخصوصيه ،مش مبارك برضو ؟؟؟؟
وديون ايه مش كله علي الخراب اللي سايبه مبارك ،واحنا اللي بندفع تمنه .
كلنا شايفين وعارفين وانت عارف وفاهم ،ان اللي بيتصرف علي حاجات مهمه زي الكهرباء والطرق ومساكن للناس ،اللي كانت عايشه في عشش صفيح والمجاري ماشيه من تحت السراير ، ايه محدش شافها في واحد من الناس مع عمرو الليثي وفي ايام مبارك ؟؟
مبارك مكنش في دول محسوبه علينا أشقاء كانت عايزه تزيحه من الحكم لانه مكنش له طموح اصلا .
مكنش في ارهاب في البلاد بالمنظر الفج اللي كام في سينا وخد خيرة شبابنا.
مفيش حد ضرب له طياره علشان يوقع السياحه .
ايام مبارك كانت شلة الفساد من رجال الأعمال اللي بيعيطوا دلوقتي هما اللي كانوا بيحكموا البلد .
الكلام كتير والكل عارف الصح من الغلط ،مين اللي شغال لصالح البلد والناس ومين اللي كان بيعمل عكس ده .
كون فكرك علي طول مش قادر يتقبل أن الراجل
( علشان بس هو رجل عسكري ) له نجاحات واخفاقات له يد فيه وكثير منها خارج حتي عن دول اعتي منا فدي حاجه مع احترامي لحضرتك مش من العدل والانصاف.
والله ياسيدي الفاضل انا واحد طبيعي زييك طالع عين اهلي في العيشه ،بس الحمد لله .
وشايف انه تقصير في حاجات كتير ومش هو ده المطلوب .
حقيقي في كل مشاركاتك بتصر تطلع الريس بالشكل ده؟
مش عارف ليه ،ورجعت قارنت ان فترة عبدالناصر ومبارك كانت افضل ومعملوش كده ؟؟؟؟؟؟؟
حقيقي مفيش رد اصلا ،لأن الحوارات ده اتهرست كتير وهنا في المنتدي .
ونقطه تانيه ليه اصرارك علي زج موضوع اللاجئين في اي مناسبه واي موضوع. حتي في حد من الأعضاء علق علي النقطه دي قبل كده ..
طولت عليك متأسف