النقطة دي انا مش ضدها علي فكره ،بس القصد احنا كش قد عواقبها وخاصه الاقتصاديه .
ده في حالة انك امتلكت فعلا بعض الرؤوس النوويه .
وقمت بالإعلان ساعة المواجهه .
ويمكن حصار اقتصادي وتقني وسياسي .
اما فيما يخص النقاط من 1-7 .
معني كلامك ان مفيش دفاع جوي من الأساس علشان يطبقوا السيناريو ده .
يمكن احدي نقاط قوة الدفاع الجوي هي عمليات الرصد وده زاد اكتر بعد ضم نوعيات متطوره من أنظمة الرادار واللي هتوفر وقت كافي للوسائل الايجابيه والمقاتلات الافتراضيه.
علشان كده الحل سوا احنا تلقينا الضربه الاولي او بدأنا بيها .
الدفاع الجوي هو اللي هيشيل الليله .
علشان كده مدي تغطية منظومات الدفاع الجوي المركزيه لازم مدي تغطية صواريخها يتخطي حدود الدوله وده في حالة تمركز عدد من البطاريات لاقرب نقطة اشباك من حدود الدوله ،اي ابعد نقطه جغرافيه علي حدود مدن القناه .
احنا بنتكلم في حدود فوق 70 بطاريه من الsam2/3 غير الهوك .
العدد ده ممكن يمثل دعم إضافي في حالة العمل وسط عدد محترم من الانظمه الحديثه .
إنما دول يعتبروا هما اساس حائط الصد الرئيسي عن عمق الدوله دي تبقي كارثه .
مقاتلات زي mig-29 والj10 بتسليح bvr مع التكامل مع أنظمة الرصد وبطاريات الدفاع الجوي.
صدقني قادرين علي افشال وتحييد هجمه زي اللي حضرتك ذكرتها.
اهو سبب تأخر عمليات التطوير دي ،هندفع تمنها غالي واهي بدأت .
احنا كل الصفقات اللي تمت بعد 2013 قللت الفارق معاهم كتير .
حاليا أصبح الفارق كبير ورجعونا للمربع 1 تاني .
مع العلم ان المفروض في مخصصات للنقطة دي بعيدا عن اقتصاد الدوله للحالات الطارئه.